Jeremi 51:48 - Sră Goh 2018

⁴⁸ Tŭ hơ̆, ală tap trồ, ù, mơ jơh ală phan hơđang ù, Rơp driau chò bơh Babilôn; Bơh ală cau tơnroh bơh đah đang tus tơnroh gơ,” Yàng Jehôwa đơs behơ̆.

Jeremi 51:48 Mawu Ofanana

Jơnau Pơnđik 11:10

Jơh ƀòn chò hòp bơh bơta bơtoah bơtoài cau song ring dê; Mơya tŭ cau iơh roh rui, gen gơs jơnau hòn chò driau dờng.

Esai 44:23

Ơ ală tap trồ, đơs chò hòn chò tĕ, bơh Yàng Jehôwa neh lơh bơta hơ̆; Ơ ù tiah hơđơm, driau dờng tĕ! Ơ ală mơnơm, ală brê dơr bal mơ jơh ală chi che tòm hơ̆, pò tĕ jơnau mơ đơs chò! Bơh Yàng Jehôwa neh dong tơwài Jakôp. Kơnràñ ràng tơlik bơta gơklŏ Kơnràñ dê tòm Israel.

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Esai 49:13

Ơ ală tap trồ, driau chò tĕ; Ơ plai ù, hòn chò tĕ; Ơ ală mơnơm, pò bơr đơs chò tĕ! Bơh Yàng Jehôwa pơndòm pơniang làng bol Kơnràñ dê, mơ rơp kòñ nđàc ală cau bòl glar moat jrùng Kơnràñ dê.”

Jeremi 50:3

Bơh gơs dô làng bol tus bơh đah đang tòmdră mơ gơ, lơh lơgar gơ dê gơlik gơs ngềt ngơt, ò gơs làng bol ơm tai; cau mơ phan poan jơng rơp dô pleh jơh.”

Jeremi 50:41

Ne, dô làng bol tus bơh đah đang; dô lơgar dờng mơ oă cau bơtau, bơh ală tiah ngài ngan plai ù dê geh chồl tus.

Jeremi 50:9

Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Jeremi 51:56

Tài bơh cau tơnroh neh tus tòmdră mơ khai Tòmdră mơ Babilôn. Ală cau pràn kơldang gơ dê kong kup, Àtak bol khai dê neh pă; Bơh Yàng Jehôwa la Yàng Tom Trồ sal wơl, Kơnràñ rơp tơm wơl wil tơl.

Ejekiel 35:14

Jehôwa Yàng Tom Trồ đơs be do: ‘Tòm tŭ jơh plai ù hòn chò, Añ rơp lơh mê in gơlik gơs tiah lòi srau gòi.’

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”