Jeremi 51:46 - Sră Goh 2018

⁴⁶ Bol mê bañ gơplơ̆ nùs, bañ rngòt rngơt Bơh ală jơnau pơnro tòm lơgar. Bơh dô nam dô jơnau pơnro tus, Nam tơnơ̆ kung gơs jơnau pơnro ndai; Pơnro bơta rhung rhang tòm lơgar, Cau at bồ tòmdră mơ cau at bồ.

Jeremi 51:46 Mawu Ofanana

II Ală Bơtau 19:7

Añ rơp ơn dô nơm hwềng tòm khai, lơh khai in kơno jơnau pơnro, mơ khai rơp rê wơl hơ lơgar tòm khai dê; tềng hơ̆ khai rơp gơpừ chơt bơh đào.”

II Yal Yau 20:23

Bơh cau Ammôn mơ cau Môap brồ lơh wơl cau ơm tòm mơnơm Seir, tơnchơt jơh hir bol khai, mơ bol khai tơrwơl tơnchơt bal mơ gơp.

Sră Jop 23:16

Yàng Tom Trồ lơh nùs añ in rơm rngòt, Bơtau Gơnap Gơnoar Làm Jơh lơh añ in rngòt rngơt ngan.

Jơnau Pơnđik 24:10

Dilah kòn gơplơ̆ nùs tòm ngai gơlòng bòl glar, gen bơta pràn kòn dê dềt rhền ngan.

Esai 19:2

Añ rơp chồl cau Ejiptơ tòmdră mơ cau Ejiptơ, cau do rơp tòmlơh mơ cau ne, cau gơp ƀòn tòmdră mơ cau gơp ƀòn, ƀòn dờng tòmdră mơ ƀòn dờng, lơgar tòmdră bal mơ lơgar.

Esai 43:5

Bañ rngòt, bơh Añ ơm bal mơ mê; Añ rơp cèng kòn sau mê tus bơh đah mattơngai lik, mơ pơjum mê bơh đah mattơngai mut.

Jeremi 46:27

Ai mê, ơ dĭ gơna Añ la Jakôp, bañ rngòt!; Ơ Israel, bañ rngòt rngơt! Bơh Añ rơp dong tă mê bơh lơgar ngài, rơp lơh jơi bơtiàn mê lik bơh lơgar bol khai kong kup gơs dĭ. Jakôp rơp rê wơl, geh lơngap lơngai, ò gơs cau lơi lơh khai in rngòt rngơt tài.”

Jeremi 46:28

Yàng Jehôwa đơs: “Ơ Jakôp dĭ gơna Añ, mê bañ rngòt, bơh Añ ơm bal mơ mê. Añ rơp tơnroh jơh ală lơgar mơ Añ neh bơtrơh mê tus; ai mê, gen Añ ò tơnroh jơh ò, mơya lơh glài tơmàl mê dô bă song ring, mê ò rgơi ò lơh glài tơmàl ò.”

Luka 21:28

Tŭ lơi ală bơta hơ̆ rơp gơlik tus, gen ntào tĕ song mơ tơnggòr hơđang, bơh bơta dong tă bol mê dê tus rềp.”

Ală Kwang Cahrña 7:22

Tòm tŭ bol khai neh uh pe rhiang nơm kơlwòk, gen Yàng Jehôwa lơh kòp nă tòm mpồl ling Midian dê ai đào tơnchơt gơp he mơ tòmdră wơl mơ jơh mpồl ling. Mpồl ling bol khai dê dô tus hơ Betsita đah Jerera jơl tus hơ nhàr Abel Mehôla di gah Tabat.