Jeremi 51:45 - Sră Goh 2018

⁴⁵ Ơ làng bol Añ, lik lòt tĕ bơh digùl gơ, Kòp nă pal dong is să he, Klàs bơh bơta gơjrañ dờng Yàng Jehôwa dê!

Jeremi 51:45 Mawu Ofanana

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Jeremi 50:28

Iat tĕ sap đơs ală cau ntoat dô, la sap ală cau neh dô klàs bơh lơgar Babilôn, nàng yal tơlik tòm Siôn bơta sal tê Yàng Jehôwa Yàng Tom Trồ bol he dê, sal tê bơh hìu duh khoai Kơnràñ dê.

Jeremi 50:8

Dô tĕ bơh Babilôn, lik klàs bơh lơgar cau Kalde, lòt tĕ kung be be dam lam bồ mpồl!

Jeremi 51:50

Bol mê la cau neh pleh klàs bơh đào, Lòt tĕ, bañ dơh wơl! Bơh tiah ngài, pal kah tĕ Yàng Jehôwa, Mơ kơlôi sơnơng tĕ bơh Jerusalem!

Jeremi 51:6

Dô tĕ bơh digùl Babilôn, Kòp nă dong klàs tĕ bơta kis he dê! Bañ tài bơh tồi glài gơ mơ kong chơt roh. Bơh do la tŭ tơngai sal tê Yàng Jehôwa dê, Kơnràñ tơm wơl gơ in di pal.

Jeremi 51:9

‘Bol he jơh nùs sơmbòi Babilôn in, Mơya gơ ò geh bòi. Sang lòi tĕ gơ, Kòp nă rê wơl tĕ hơ lơgar tòm he dê; Bơh bơta cahrña gơguh tus hơđang trồ Gơguh tus hơ ală tap trồ.’

Sacari 2:7

“Guh tĕ, dô pleh tĕ hơ Siôn! Ơ bol mê la ală cau ơm mơ kòn ùr Babilôn dê!

Khà Làng Bol 16:26

Khai bơto pơrhơng mpồl jơnum mơ đơs lah: “Ruc tĕ ngài bơh di ală sàl ơm ală cau iơh bơsak do! Bañ ƀư phan lơi gơrê bal mơ bol khai, rngòt bol mê rơp kong tơnroh tài bơh tồi glài bol khai dê.”

Broă 2:40

Pier ai tai oă jơnau ndai nàng lơh cơng mơ bơto pơndòm bol khai lah: “Ală oh mi dong tĕ să he klàs bơh jơi bơtiàn iơh bơsak do!”

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

Yal Tơlik 18:4

Añ kơno dô jơnau ndai bơh đang trồ đơs lah: “Ơ làng bol añ jê, lik tĕ bơh di khai, tồ bol mê ò gơs pơnah bal tòm ală tồi glài khai dê mơ ò kòl tòm bơta rung rài khai dê;