Jeremi 51:38 - Sră Goh 2018

³⁸ Bol khai rơp dô bă bal ơluh ơhùm kung be klìu triă brồ dam, Ơhùm kung be klìu triă kòn.

Jeremi 51:38 Mawu Ofanana

II Samuel 17:8

Ồng git bèp ồng mơ ală cau jat khai la ală cau ling jak tòmlơh, gơs nùs gơhào khuh ò gơkrơi kung be dô nơm jơgơu me tòm brê neh cau kup kòn gơ dê. Rlau mơ hơ̆ tai, bèp ồng la dô nă cau git làm tòm bơta tòmlơh, khai rơp ò bic mang bal mơ mpồl ling.

Đơs Crih 34:10

Klìu triă brồ dam gơkòl siơ̆u mơ kong jơgloh, Mơya cau lơi jòi jat Yàng Jehôwa gen rơp ò siơ̆u phan niam lơi.

Đơs Crih 58:6

Ơ Yàng Tom Trồ, dan dơrpă sề tòm bơr bol khai; Ơ Yàng Jehôwa, dan tă tơlik gơnèng ală klìu triă brồ dam!

Esai 35:9

Tòm gùng hơ̆ rơp ò gơs klìu triă, rơp ò gơs dô nơm phan brê jàñ bơsak lơi; ò bàn bol gơ tềng hơ̆. Mơya mìng ală cau geh dong tơwài rơp lòt tềng hơ̆.

Esai 5:29

Bol khai ơluh ơhùm be klìu triă, bol khai ơluh ơhùm kung be klìu triă brồ dam, bol khai ơluh ơhùm tòm tŭ kup geh phan mòc mơ cèng lòt, ò gơs dô nă cau lơi rgơi dong tă.

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Sacari 11:3

Iat tĕ jơnau pơt wòl ală cau ê belàt dê; bơta gơklŏ bol khai dê gơkòl lơh gơprah; Iat tĕ sap ơluh ơhùm ală klìu triă dê; ală rlau chi Jordan dê neh kòl tơnroh!

Ală Kwang Cahrña 16:20

Gen cau ùr hơ̆ hòi lah: “Ơ Samsôn, cau Philistin brồ kup mê!” Samsôn kah rngal mơ đơs lah: “Añ rơp lik lòt be lài, mơ rtơs să khai lòt khat gơboh.” Mơya khai ò git la Yàng Jehôwa neh sang lòi khai.