Jeremi 51:37 - Sră Goh 2018

³⁷ Babilôn rơp gơlik gơs gơnru tơrlah tơrlơm, Trồm so rhau ơm, Tiah ƀơ̆ iơh mơ bơrsèl tơnhial, Ò gơs làng bol ơm tai.

Jeremi 51:37 Mawu Ofanana

II Yal Yau 29:8

Gen tàng, bơta gơjrañ Yàng Jehôwa dê neh tus hơđang Juda mơ Jerusalem; Kơnràñ neh lơh bol khai in gơlik gơs dô nơm phan rngòt rngơt cù kìr, ai lơh krơi mơ dơñŏ tơnhial be bol mê rgơi gŏ mơ mat tòm bol mê dê.

Esai 14:23

“Añ rơp lơh ù tiah gơ dê gơlik gơs tiah klàng kò in, mơ gơlik gơs tiah bŏ ală phan brê in; Añ rơp pơs gơ mơ pơrnơs bơta tơnroh dê.” Yàng Jehôwa Gơnap Gơnoar Dờng đơs behơ̆.

Jeremi 18:16

Gen tàng lơgar bol khai gơlik ngềt ngơt, Lơh gơs bơta dơñŏ tơnhial sùm sùm; Kòp nă cau lòt gan gen mơp dơl Mơ rtơs bồ.

Jeremi 19:8

Añ rơp lơh ƀòn dờng do gơlik gơs dô nơm phan cau in dơñŏ tơnhial bơh ală bơta rung rài gơ dê.

Jeremi 25:12

Yàng Jehôwa đơs: ‘Tŭ poh jơt sơnam hơ̆ neh rlau, Añ rơp lơh glài bơtau Babilôn mơ làng bol khai, tài bơh tồi glài iơh bơsak bol khai dê. Añ rơp lơh glài lơgar cau Kalde mơ lơh gơlik gơs tiah sang lòi ngềt ngơt sùm sùm.

Jeremi 25:18

Ai Jerusalem mơ ală ƀòn Juda dê, ală bơtau mơ ală kwang at bồ gơ dê, lơh bol gơ in gơlik gơs tiah sang lòi ngềt ngơt, kong sền òsơp, kong srat sơntơm kung be ngai do;

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 49:17

Edôm rơp gơlik dô nơm phan cù kìr, kòp nă cau lòt gan rơp ai lơh krơi; gen dơñŏ tơnhial bơh bơta rung rài gơ dê.

Jeremi 49:33

“Hajor rơp gơlik gơs trồm pì òng, La tiah lòi srau sùm sùm. Ò gơs cau lơi ơm tềng hơ̆ tai, ò gơs dô nă cau lơi ơm tềng hơ̆!”

Jeremi 51:29

Ù tiah lơnggơr mơ jê sồt, bơh nùs kòñ Yàng Jehôwa tòmdră mơ Babilôn geh ntào kơ̆, Nàng lơh tiah Babilôn in ngềt ngơt, Ò gơs làng bol ơm.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Mice 6:16

Mê neh prap gàr ală bơta sồr lam Ômri dê, mơ jơh ală broă lơh hìu Ahap dê, mê neh lòt jat ală bơta bơyai bol khai dê. Gen tàng Añ rơp lơh mê in kòl sang srau gòi, làng bol mê tòm bơta bơtat bơtròh; Behơ̆ mê rơp kong àñ bơta sền òsơp làng bol Añ jê.

Nahum 3:6

Añ rơp tuh bơta ƀơ̆ ƀơl hơđang ai, Añ rơp sền òsơp di ai, mơ lơh ai in gơlik gơs phan cau dơñŏ tơnhial.

Sôphôni 2:15

Do ngan la dô nơm ƀòn dờng ò càng kơlôi rcang, ơm lơngap lơngai. Gơ đơs is tòm nùs lah: “Añ do, rlau mơ añ gơs cau lơi ndai tai sơl ơ”? Mơya gơ neh gơlik gơs tiah sang lòi ngềt ngơt, la tiah ơm ală phan poan jơng tòm brê! Jơh ală cau lòt gan gơ rơp hwac mơ rtơs tê.

Yal Tơlik 18:2

Khai hòi driau dờng lah: “Babilôn dờng neh tơrlah tơrlơm, tơrlah tơrlơm rau! Gơlik gơs tiah ơm ală cà dê, rsòn jơh ală cà ƀơ̆ iơh, mơ rsòn jơh ală jơi sềm ƀơ̆ ƀơl cù kìr,