Jeremi 51:30 - Sră Goh 2018

³⁰ Ală cau ling jak tòmlơh Babilôn dê ơm ò tòmlơh tai, bol khai ơm wơl tòm ală theng kìng crŭ; bơta pràn bol khai dê neh roh jơh, bol khai gơlik gơs be ală cau ùr. Ală hìu ơm kong chu tòm ồs, Kai mpồng neh kong tơrpă.

Jeremi 51:30 Mawu Ofanana

Đơs Crih 107:16

Bơh Kơnràñ lơh tơrlah mpồng mơ kòng, Mơ dơrkă bàr nơm gai lòs kal mpồng.

Đơs Crih 147:13

Bơh Kơnràñ lơh kơ̆ nền kai mpồng ƀòn mê dê! Mơ ai lơngai lơngò kòn sau mê in ơm digùl mê.

Đơs Crih 76:5

Ală cau khin cha gơkòl kơñau phan neh tòmpìt geh; Bol khai bic lơhă ngan; jơh ală cau jak tòmlơh ò rgơi pò dô đah tê bol khai dê.

Esai 19:16

Tòm ngai hơ̆, cau Ejiptơ rơp be cau ùr, rơm să rngòt di đap tê Yàng Jehôwa Gơnap Gơnoar Dờng neh pò tòmdră mơ bol khai.

Esai 47:14

Sền ne, bol khai kung be rhe, ồs rơp sa pơrguc bol khai; bol khai ò rgơi dong tă să tòm bol khai dê klàs bơh gơnoar lơmpiat ồs. Hơ̆ ò di la ồs rnga tơnram cau lơi, hơ̆ ò di la ồs nàng nggui rềp.

Jeremi 48:41

Keriôt kong alah, Ală theng kơ̆ cê kong tòmpìt rau; Tòm ngai hơ̆, nùs ală cau pràn kơldang Môap dê Gơlik gơs kung be nùs cau ùr jê deh.

Jeremi 50:15

Hòi driau tĕ tòmdră mơ gơ jơh ală đah. Gơ neh kong alah, Ală theng gơ neh tơrlơm, Ală dơrñang gơ neh tơlup. Bơh do la bơta sal tê Yàng Jehôwa dê! Sal tê tĕ gơ; Lơh gơ in kung be gơ neh lơh.

Jeremi 51:32

Ală tiah hào plung gơkòl tòmpìt ai, Ală bŏ proh gơkòl chu mơ ồs, Mơ ală ling neh rngòt rngơt.”

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Ñìm Rac 2:9

Ală mpồng ƀòn dờng gơkram tòm ù; Kơnràñ neh tơnroh mơ dơrkă ală kai kal gơ dê. Cau bơtau mơ ală kwang at bồ gơ dê ơm digùl ală lơgar ò gơs bơta sơnio lam tai! Ală cau gơnoar hwơr ò dòp bơta tơnggŏ bơh Yàng Jehôwa.

Amôs 1:5

Añ rơp dơrkă kai mpồng dờng Damas dê; mơ tơnroh ală cau ơm tòm thòng Aben, bal mơ cau at gai gơnoar at bồ tòm Bet Eden. Làng bol Aram rơp kong kup cèng gơs dĭ tòm Kir.” Yàng Jehôwa đơs behơ̆.

Nahum 3:13

Sền tĕ di mpồl ling ai dê, digùl mê bol khai mìng la ală cau ùr lơm! Ală mpồng dờng lơgar ai dê pò ơnàng ală cau sò tơm ai in; ồs neh sa pơrguc ală kai mpồng ai dê.

Yal Tơlik 18:10

Mơ bơh rngòt di bơta jê sồt bol glar khai dê, gen bol khai rơp ơm ngài mơ đơs lah: “Nđàc sơngit ngan, pơlai soh ngan, ƀòn dờng Babilôn la ƀòn kơ̆ cê ne! Tòm dô jơ bơta lơh glài ai neh tus rau!”