Jeremi 51:11 - Sră Goh 2018

¹¹ Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Jeremi 51:11 Mawu Ofanana

I Ală Bơtau 11:14

Gen Yàng Jehôwa tơngguh dô nă cau sò tơm tòmdră mơ Salômôn la Hadat cau Edôm, khai la cau bơh hìu nhă cau bơtau tòm Edôm.

I Ală Bơtau 11:23

Yàng Tom Trồ kung tơngguh dô nă cau sò tơm ndai, la Resôn, kòn klau Eliyada, la cau neh dô bơh cau tòm khai la bơtau Hadadejer, tòm Jôba.

I Yal Yau 5:26

Behơ̆ Yàng Tom Trồ Israel dê chồl bơtrut hwềng nùs Phul bơtau Asiri (hơ̆ la Tilglat Pilneser bơtau Asiri), khai kup cèng pơrdô ală cau Ruben, cau Gat, mơ nggùl jơi bơtiàn Manase mơ cèng tus Hala, Habor, Hara mơ hiòng Gôjan jơl tus di ngai do.

II Yal Yau 36:22

Tòm nam sơnròp Sirus bơtau Persia dê, nàng lơh gơlik gơs di ngan be jơnau Yàng Jehôwa neh đơs bơh bơr Jeremi, Yàng Jehôwa chồl hwềng nùs Sirus bơtau Persia, gen tàng khai neh pơyoa dô jơnau yal tơlik gơnoar sồr làm jơh lơgar in lah:

Ejra 1:1

Tòm nam sơnròp rài Sirus bơtau Persia, nàng jơnau Yàng Jehôwa dê kơnòm bơh bơr Jeremi pal gơlik di ngan. Kơnràñ chồl nùs Sirus bơtau Persia, gen tàng khai tơlik dô gơnoar sồr tòm làm jơh lơgar khai dê, mơ kung cih jơnau yal tơnggit lah:

Esai 10:26

Yàng Jehôwa Gơnap Gơnoar Dờng rơp pò gai pù lơh tòmdră mơ bol khai, kung be tòm tŭ Kơnràñ neh tòmlơh mơ cau Midian di pơnai lŭ Hôrep; gai mơng Kơnràñ dê rơp ơm hơđang dàlềng, be Kơnràñ neh lơh tòm Ejiptơ.

Esai 21:2

Dô bơta gơtơnggŏ kràñ cê neh yal añ in: Cau pơrlơ̆ dră gam pơrlơ̆ dră, mơ cau tơnroh gam tơnroh. Ơ Elam, guh tĕ! Ơ Medi, gơrwàng tĕ! Jơh ală jơnau rac ròc khai neh lơh gơs, Añ rơp cèng bơta lồi dut.

Esai 21:5

Bol khai rcang yò sa dờng, bol khai lă ală bềl, bol khai sa, bol khai ñô! Ơ ală cau kwang at bồ, guh tĕ! Bong mơñà tĕ di ală khèl!

Esai 41:25

Añ neh chồl bơtrut dô nă cau bơh đah đang mơ khai neh tus; bơh đah mattơngai lik khai hòi di sơnđan Añ, khai jă hơđang ală cau kwang at bồ kung be jă ù bŏ, be cau chài mòn glah jă ù kơnàng.

Esai 45:1

Do la jơnau Yàng Jehôwa đơs mơ Sirus, la cau geh bong mơñà Kơnràñ dê, be do: Cau mơ Añ neh at di tê ma khai dê, nàng lơh ală lơgar dòn duh di đap khai, hồ che kơt but ală cau bơtau dê, pò ală mpồng di đap khai, mơ ală mpồng ƀòn dờng ò til wơl:

Esai 45:5

Añ la Yàng Jehôwa, ò gơs bơtau lơi ndai; rlau mơ Añ ò gơs Yàng Tom Trồ lơi ndai tai. Bulah mê neh ò git Añ, Añ rơp bơtơl pràn mê in,

Esai 46:11

Añ hòi sềm sa poac tus bơh đah mattơngai lik, mơ hòi dô nă cau lơh wil tơl tơnggume broă Añ jê tus bơh lơgar ngài. Bơta Añ neh đơs gen Añ rơp lơh gơlik gơs; bơta Añ neh rơndap gen Añ rơp lơh.

Jeremi 25:25

jơh ală bơtau Simri, bơtau Elam, bơtau Medi dê;

Jeremi 46:3

Rcang tĕ khèl dềt khèl dờng, mơ lik tòmlơh!

Jeremi 46:4

Ơ ling hào ơseh, kơt tĕ ừn ơseh, hào tĕ! Ndau tĕ sơgơn lòs ñă jat sèng; Tồl tà mơ soh ào lòs!

Jeremi 46:9

Ơseh, brồ tus hơđap; rơndeh tòmlơh ntoat tĕ mhar; Ală cau ling, ntoat tĕ tòmlơh; Cau Kus mơ cau Phus gen àñ khèl, Ai cau Lidi at àtak mơ wàr gơ.

Jeremi 50:25

Yàng Jehôwa neh pò đam jàr phan tòmlơh Kơnràñ dê, Cèng tơlik phan tòmlơh bơta gơjrañ dê; Bơh Yàng, la Yàng Jehôwa Gơnap Gơnoar, Gơs dô nơm broă pal lơh tòm lơgar Kalde.

Jeremi 50:3

Bơh gơs dô làng bol tus bơh đah đang tòmdră mơ gơ, lơh lơgar gơ dê gơlik gơs ngềt ngơt, ò gơs làng bol ơm tai; cau mơ phan poan jơng rơp dô pleh jơh.”

Jeremi 50:45

Behơ̆ iat tĕ bơta rơndap Yàng Jehôwa neh rcang tòmdră mơ Babilôn, mơ tơnggume broă Kơnràñ neh bơtào tòmdră mơ lơgar cau Kalde. Ngan, ală kòn dềt tòm mpồl bol khai neh kong hwài lòt, ƀlàng ñhơt bol khai dê gơlik gơs tiah ngềt ngơt!

Jeremi 50:9

Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Jeremi 51:12

Bơtào tĕ bồng bi Tòmdră mơ ală dơrñang Babilôn dê! Bơt tiah kơp gàr tĕ, bơtào tiah ală cau ling kơp gàr, rơndap ling kơp mòc! Bơh Yàng Jehôwa neh rơndap nền mơ neh lơh gơs Bơta Kơnràñ neh đơs bơh làng bol Babilôn.

Jeremi 51:24

“Mơya di đap bol mê, Añ rơp tơm wơl Babilôn mơ jơh làng bol Kalde in bơh jơh ală bơta iơh mơ bol khai neh lơh tòm Siôn,” Yàng Jehôwa đơs behơ̆.

Jeremi 51:35

Làng bol Siôn rơp đơs lah: “Dan să jan kong gơcrè añ jê geh sal tê hơđang Babilôn!” Jerusalem rơp đơs lah: “Dan mhàm bol he tuh hơđang làng bol Kalde!”

Jeremi 51:36

Gen tàng Yàng Jehôwa đơs: “Ne, Añ rơp dong tò mê, Sal tê ala mê in; Añ rơp lơh soat dàlềng gơ Mơ lơh soat ală croh dà gơ dê.

Daniel 5:30

Tòm mang hơ̆, bơtau Babilôn la Belsassar kòl tơnchơt.

Jôel 3:10

Ai tĕ sề ngal bol mê dê nàng tiar đào, ai tĕ mơ̆ bol mê dê nàng tiar tà. Lòi tĕ cau lơbơn lơño đơs lah: “Añ la dô nă cau jak tòmlơh!”

Jôel 3:9

Yal tơnggit tĕ bơta do digùl ală làng bol: Rcang tĕ bơta kơlìn! Chồl bơtrut tĕ ală ling jak tòmlơh! Lòi tĕ jơh ală cau ling tus rềp mơ tòmlơh!

Lebi 26:25

Mơ Añ rơp cèng đào tus hơđang bol mê nàng sal tê bơh bơta bol mê gơltac bơta ho bal. Tòm tŭ bol mê ruc wơl tòm ală ƀòn dờng bol mê dê, Añ rơp đùh bơta kòp jê pluh plàng digùl bol mê, mơ bol mê rơp kong jào phi tòm tê ală cau sò tơm bol mê dê.

Sacari 14:12

Do rơp la bơta pluh plàng mơ Yàng Jehôwa rơp ngui nàng lơh glài jơh ală làng bol tòmlơh mơ Jerusalem: poac bol khai dê rơp ồm lề tòm tŭ jơng bol khai gam ơm ntào, gar mat bol khai dê rơp ồm lề tòm mat bol khai dê, mơ lơmpiat bol khai dê rơp ồm lề tòm bơr bol khai dê.

Sacari 14:2

Añ rơp pơjum tơrgòm jơh ală lơgar tòm Jerusalem nàng tòmlơh mơ gơ, ƀòn dờng rơp kong tòmpìt, ală hìu rơp kong phà kơñau, cau ùr rơp kong cau bic bơklơn. Nggùl ƀòn dờng rơp kong kup cèng gơs dĭ; mơya làng bol gam wơl rơp ò kòl tă tơlik bơh di ƀòn dờng.