Jeremi 51:10 - Sră Goh 2018

¹⁰ ‘Yàng Jehôwa neh ràng tơlik bơta song ring bol he dê. Tus tĕ, yal tơnggit tòm Siôn Broă lơh Jehôwa Yàng Tom Trồ bol he dê.’

Jeremi 51:10 Mawu Ofanana

Đơs Crih 118:17

Añ rơp ò chơt ò, mơya añ rơp kis, Mơ yal wơl ală broă Yàng Jehôwa dê.

Đơs Crih 37:6

Kơnràñ rơp ràng tơlik bơta ò gơs glài mê dê loh làng be bơta àng, Mơ ràng tơlik bơta song ngan mê dê be bơta àng tòm gùl ngai.

Đơs Crih 64:9

Gen jơh ală cau rơp rngòt; Bol khai rơp yal tơlik broă lơh Yàng Tom Trồ dê, Mơ kơlôi sơnơng bơh broă Kơnràñ neh lơh.

Đơs Crih 66:16

Ơ jơh ală cau duh rngòt di Yàng Tom Trồ, tus tĕ iat, Gen añ rơp yal wơl bơta Yàng neh lơh añ in.

Đơs Crih 9:14

Tồ añ rơp yal tơlik jơh ală bơta jòng ro Yàng, mơ di mpồng kòn ùr Siôn Añ rơp hòn chò tòm bơta Kơnràñ dong tă añ.

Esai 24:14

Bol khai ai jơnau driau dờng hòn chò; bơh đah mattơngai mut, jòng ro bơta ryŭ ryơm Yàng Jehôwa dê.

Esai 40:2

Đơs tĕ lơbơn niam mơ Jerusalem, mơ hòi driau mơ khai lah bơta duh broă khai dê neh tơl rau, bơta lơh glài khai dê neh geh tơm rau, khai neh dòp bơh di tê Yàng Jehôwa bàr dơ̆ rlau tài bơh jơh ală tồi glài khai dê.”

Esai 51:11

Behơ̆ làng bol Yàng Jehôwa neh tơwài rơp rê wơl mơ lòt tus hơ Siôn bal mơ bơta đơs chò; bơta hòn chò gam sùm sùm rơp geh tơndau hơđang bồ bol khai. Bol khai rơp dòp geh bơta hòn chò mơ chò hòp, bơta moat jrùng mơ bơta pơt wòl rơp dô ngài.

Jeremi 50:28

Iat tĕ sap đơs ală cau ntoat dô, la sap ală cau neh dô klàs bơh lơgar Babilôn, nàng yal tơlik tòm Siôn bơta sal tê Yàng Jehôwa Yàng Tom Trồ bol he dê, sal tê bơh hìu duh khoai Kơnràñ dê.

Jeremi 50:45

Behơ̆ iat tĕ bơta rơndap Yàng Jehôwa neh rcang tòmdră mơ Babilôn, mơ tơnggume broă Kơnràñ neh bơtào tòmdră mơ lơgar cau Kalde. Ngan, ală kòn dềt tòm mpồl bol khai neh kong hwài lòt, ƀlàng ñhơt bol khai dê gơlik gơs tiah ngềt ngơt!