Jeremi 50:9 - Sră Goh 2018

⁹ Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Jeremi 50:9 Mawu Ofanana

II Samuel 1:22

Àtak Jônathan dê ò tŭ lơi rê wơl, mơ ò gơđềt mhàm cau gơkòl kong sreh chơt; mơ đào Sol dê ò rê wơl, mơ ò gơđềt dơngi cau gơnoar pràn dê.

Đơs Chò 3:8

Jơh ală at đào mơ jak tòmlơh; cau lơi kung gơs đào di bơnô he, tài bơh bơta tus òm tòm trồ mang.

Esai 21:2

Dô bơta gơtơnggŏ kràñ cê neh yal añ in: Cau pơrlơ̆ dră gam pơrlơ̆ dră, mơ cau tơnroh gam tơnroh. Ơ Elam, guh tĕ! Ơ Medi, gơrwàng tĕ! Jơh ală jơnau rac ròc khai neh lơh gơs, Añ rơp cèng bơta lồi dut.

Esai 41:25

Añ neh chồl bơtrut dô nă cau bơh đah đang mơ khai neh tus; bơh đah mattơngai lik khai hòi di sơnđan Añ, khai jă hơđang ală cau kwang at bồ kung be jă ù bŏ, be cau chài mòn glah jă ù kơnàng.

Jeremi 15:14

Añ rơp lơh bol mê in duh broă ală cau sò tơm bol mê dê, Tòm dô nơm lơgar mơ bol mê òhềt git, Tài bơh tòm bơta gơjrañ Añ jê be ồs neh hơng, Mơ rơp chu pơrguc sùm sùm.”

Jeremi 25:14

Mơ tai, rơp gơs oă lơgar mơ ală cau bơtau dờng kup cau Kalde gơs dĭ, mơ Añ rơp tơm wơl bol khai in jat broă bol khai lơh, mơ jat broă tê bol khai neh lơh.’”

Jeremi 25:26

ală bơtau đah đang dê, rềp hala ngài, bơtau do mơ bơtau ne in, ală lơgar ơm tòm làm plai ù. Tơnơ̆ hơ̆ bơtau Sesak dê kung rơp ñô sơl.

Jeremi 50:14

Rcang gơrwàng tĕ Babilôn Ơ ală cau la cau wàr àtak! Pañ tĕ gơ, bañ pơlai kam; Bơh gơ neh tìs glài tòmdră mơ Yàng Jehôwa.

Jeremi 50:21

“Guh tĕ hơ lơgar Marathaim, Guh tĕ tòmdră mơ gơ; Mơ sò lơh làng bol Pekôt, Tơnroh jơh tus di cau lồi dut tòm bol khai, Mơ lơh jơh ală bơta Añ neh nting sồr mê!” Yàng Jehôwa đơs behơ̆.

Jeremi 50:26

Bơh poan đah jơng trồ tus tĕ tòmdră mơ gơ; Pò tĕ ală đam jàr gơ dê, Rơndap gơ be gơnru kòi, mơ tơnroh jơh tĕ; Bañ lòi wơl dô êt lơi gơ in!

Jeremi 50:29

Hòi tĕ jơh ală cau at àtak tòmlơh mơ Babilôn, kòp nă cau wàr sơna; bơtào sàl gùt dar gơ; bañ lòi dô nă cau lơi dô klàs! Tơm wơl tĕ khai in jat broă khai lơh, be ală bơta khai neh lơh, lơh tĕ khai in; bơh khai neh pơnhừ să mơ đơs tràl di Yàng Jehôwa, Bơtau Sàng Goh Israel dê.

Jeremi 50:3

Bơh gơs dô làng bol tus bơh đah đang tòmdră mơ gơ, lơh lơgar gơ dê gơlik gơs ngềt ngơt, ò gơs làng bol ơm tai; cau mơ phan poan jơng rơp dô pleh jơh.”

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.