Jeremi 50:44 - Sră Goh 2018

⁴⁴ Kung be klìu triă guh bơh ală brê Jordan tòmdră mơ ală ƀlàng ñhơt gam sùm. Añ rơp lơh cau Kalde nisơna in dô klàs, mơ bơtào cau mơ Añ neh sac rwah nàng at bồ bol khai. Bơh ñcau tòm toh kung be Añ taih? Ñcau neh lơh nền tŭ tơngai Añ in taih? Ñcau la cau ê belàt rgơi ntào di đap Añ taih?”

Jeremi 50:44 Mawu Ofanana

Đơs Crih 89:6

Hơđang ală tap trồ, ñcau geh pơndròm bal mơ Yàng Jehôwa taih? Digùl ală cau hơđang trồ, ñcau geh ndròm be Yàng Jehôwa taih?

Đơs Crih 89:8

Ơ Jehôwa Yàng Tom Trồ Gơnap Gơnoar Dờng Làm Jơh dê, ñcau gơs gơnap gơnoar ndròm be Yàng taih? Ơ Yàng Jehôwa, bơta dòn song Yàng dê ơm gùt dar Kơnràñ.

Lik Ejiptơ 15:11

Ơ Yàng Jehôwa! Digùl ală yàng, ñcau ndròm be Kơnràñ taih? Ñcau rgơi ndròm be Kơnràñ, ryŭ ryơm tòm bơta sàng goh, Pal rngòt rngơt tòm bơta gơklŏ, lơh ală bơta krơi tềl is?

Esai 40:18

Behơ̆ gen bol mê rơp pơndròm Yàng Tom Trồ mơ ñcau taih? Ai rùp să lơi mơ bol mê rơp pơndròm mơ Kơnràñ taih?

Esai 40:25

Bơtau Sàng Goh đơs lah: “Bol mê pơndròm Añ mơ ñcau, hala ñcau ndròm be Añ taih?”

Esai 41:25

Añ neh chồl bơtrut dô nă cau bơh đah đang mơ khai neh tus; bơh đah mattơngai lik khai hòi di sơnđan Añ, khai jă hơđang ală cau kwang at bồ kung be jă ù bŏ, be cau chài mòn glah jă ù kơnàng.

Esai 43:10

Yàng Jehôwa đơs lah: “Bol mê la ală cau lơh cơng Añ jê, mơ la cau duh broă mơ Añ neh sac rwah, nàng mê in git mơ dòn Añ, mơ git wă lah Añ la Bơtau hơ̆. Ò gơs yàng lơi neh geh crơng mòn lài mơ Añ, tơnơ̆ mơ Añ kung rơp ò gơs.

Esai 46:11

Añ hòi sềm sa poac tus bơh đah mattơngai lik, mơ hòi dô nă cau lơh wil tơl tơnggume broă Añ jê tus bơh lơgar ngài. Bơta Añ neh đơs gen Añ rơp lơh gơlik gơs; bơta Añ neh rơndap gen Añ rơp lơh.

Esai 46:9

Kah tĕ ală bơta bơh yau òr; Añ la Yàng Tom Trồ, mơ ò gơs yàng lơi ndai tai; Añ la Yàng Tom Trồ, mơ ò gơs cau lơi ndròm bal be Añ.

Esai 48:14

Pơjum tơrgòm tĕ, jơh tơl nă bol mê, mơ iat tĕ: Ñcau digùl bol khai neh yal lài ală bơta do taih? Cau Yàng Jehôwa kòñ gơboh; Kơnràñ rơp lơh gơlik gơs tơnggume broă Kơnràñ dê hơđang Babilôn; tơwòr tê Kơnràñ rơp tòmdră mơ cau Kalde.

Jeremi 12:5

“Dilah mê ntoat pơrlòng bal mơ cau ntoat mơ jơng, mơ gam bòl glar, Gen mbe rgơi ntoat pơrlòng mơ ơseh taih? Tòm tŭ lơgar ơm ring lơngai mơ mê gơtup pừ, Mbe mê rơp lơh mơ tòm tŭ hiòng Jordan ngơr?

Jeremi 25:38

Kơnràñ kung be klìu triă neh lik bơh rgồng he dê. Lơgar bol khai neh gơlik gơs tiah lòi srau, tài bơh đào jàñ bơsak, mơ tài bơh bơta gơjrañ dờng Yàng dê.”

Jeremi 30:21

Ală kwang bơtau la cau tòm bol khai dê, Cau at bồ rơp gơlik gơs bơh digùl bol khai. Añ rơp cèng khai tus rềp, gen khai rơp tus rềp mơ Añ; Bơh ñcau neh gơs bơta khin cha tus rềp mơ Añ taih? Yàng Jehôwa đơs behơ̆.

Jeremi 50:15

Hòi driau tĕ tòmdră mơ gơ jơh ală đah. Gơ neh kong alah, Ală theng gơ neh tơrlơm, Ală dơrñang gơ neh tơlup. Bơh do la bơta sal tê Yàng Jehôwa dê! Sal tê tĕ gơ; Lơh gơ in kung be gơ neh lơh.

Sacari 11:3

Iat tĕ jơnau pơt wòl ală cau ê belàt dê; bơta gơklŏ bol khai dê gơkòl lơh gơprah; Iat tĕ sap ơluh ơhùm ală klìu triă dê; ală rlau chi Jordan dê neh kòl tơnroh!

Khà Làng Bol 16:5

Gen khai đơs mơ Kôra mơ jơh ală cau jat khai lah: “Àng drim hìng gen Yàng Jehôwa rơp ràng tơlik ñcau la cau gơrê bal mơ Kơnràñ mơ ñcau la sàng goh, mơ Kơnràñ rơp lơh cau hơ̆ tus rềp mơ Kơnràñ. Cau mơ Yàng Jehôwa sac rwah gen Kơnràñ rơp lơh cau hơ̆ in tus rềp mơ Kơnràñ.