Jeremi 50:4 - Sră Goh 2018

⁴ Yàng Jehôwa đơs: “Tòm ală ngai hơ̆ mơ tòm tŭ hơ̆, làng bol Israel mơ làng bol Juda dô bă bal rê wơl, lòt ndang ñìm ndang, jòi jat Jehôwa Yàng Tom Trồ bol khai dê.

Jeremi 50:4 Mawu Ofanana

II Yal Yau 7:14

dilah làng bol Añ jê la làng bol geh hòi mơ sơnđan Añ rơp tơnliah să bol khai dê mơ hòi dan jòi jat muh mat Añ mơ pơrlac sang gùng dà iơh bơsak bol khai dê, gen Añ rơp iat bơh hơđang trồ mơ rơp toh glài bol khai in mơ rơp sơmbòi lơgar bol khai dê.

Đơs Crih 105:4

Jòi jat tĕ Yàng Jehôwa mơ bơta pràn kơldang Kơnràñ dê, Jòi jat tĕ muh mat Kơnràñ dê sùm.

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Esai 45:19

Añ neh ò đơs ndơp ndơr, tòm dô nơm lơgar klam jơngo. Añ ò di neh đơs mơ jơi bơtiàn Jakôp lah: ‘Bol mê jòi Añ la ò kwơ.’ Añ la Yàng Jehôwa, đơs jơnau song, bơto yal jơnau di.”

Esai 55:6

Jòi jat tĕ Yàng Jehôwa tòm tŭ rgơi bàn Kơnràñ; hòi dan tĕ mơ Kơnràñ tòm tŭ Kơnràñ ơm rềp.

Esai 63:4

Bơh ngai sal tê gơ ơm tòm nùs Añ, mơ nam dong tơwài Añ jê neh tus.

Jeremi 31:31

Yàng Jehôwa đơs: “Ală ngai nền cê ngan rơp tus, tŭ hơ̆ Añ rơp bơt bơtào dô nơm bơta ho bal pa hìu Israel bal mơ hìu Juda in.

Jeremi 33:15

Tòm ală ngai hơ̆ mơ tŭ tơngai hơ̆, Añ rơp lơh dô nơm Ntê bơta song ring gơcat Dabit in; Bơtau hơ̆ rơp lơh gơs bơta song ring song ngan tòm lơgar do.

Jeremi 41:6

Ismael kòn klau Nethania bơh Mispa lik rò ală cau hơ̆, lòt ndang ñìm ndang. Tŭ tìp bol khai rau gen đơs lah: “Tus tĕ hơ Gedalia, kòn klau Ahikam.”

Ejekiel 16:61

Gen ai rơp kah wơl ală gùng dà ai dê mơ ƀàssìl ƀàsso tòm tŭ ai wă rò ală oh mi ai dê, ală cau dờng sơnam rlau mơ ai bal mơ ală cau dềt sơnam rlau mơ ai. Añ rơp ai bol khai ai in lơh gơs kung be ală kòn ùr, mơya ò di jat bơta ho bal mơ Añ neh bơtào mơ ai.

Ejekiel 39:25

Gen tàng, Jehôwa Yàng Tom Trồ đơs be do: “Tŭ do Añ rơp cèng Jakôp rê wơl bơh di tiah kong kup cèng pơrdô; Añ rơp nđàc sơngit di jơh hìu Israel, mơ Añ rơp ƀoah pơrhiat bơh sơnđan sàng goh Añ jê.

Sră Ôse 1:11

Làng bol Juda mơ làng bol Israel rơp geh tơrgòm dô bă bal, bol khai rơp pồ bơtào mìng dô nă cau kwang at bồ; bol khai rơp dòp sre brê bơh ù tiah do, bơh ngai Jejreel dê rơp la ngai dờng.”

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Jôel 2:12

Yàng Jehôwa đơs: “Tŭ do, jơh nùs tĕ rê wơl hơ Añ, ơt sa, ñìm rac mơ moat jrùng.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Jakơ 4:9

Moat jrùng tĕ, rac ròc mơ ñìm rac tĕ; gơl tĕ bơta ñŏ gơlik bơta ñìm, gơl tĕ bơta hòn chò gơlik bơta moat jrùng.