Jeremi 50:34 - Sră Goh 2018

³⁴ Bơtau Dong tơwài bol khai la pràn kơldang, sơnđan Kơnràñ la Yàng Jehôwa Gơnap Gơnoar. Nền ngan, Kơnràñ rơp dong tò bol khai, nàng Kơnràñ ai jơh lơgar in geh rlô, mơya lơh bòl glar làng bol Babilôn.”

Jeremi 50:34 Mawu Ofanana

II Yal Yau 6:39

gen bơh hơđang trồ la tiah ơm sùm Kơnràñ dê, dan Kơnràñ ơm iat jơnau hòi dan mơ rac dan bol khai dê mơ dong tò bol khai, mơ dan Kơnràñ toh glài ală cau neh tìs glài tòmdră mơ Kơnràñ.

Sră Jop 19:25

Bơh añ git Bơtau dong tơwài añ la Bơtau kis, Tus di lồi dut Kơnràñ rơp ntào hơđang ù.

Đơs Crih 35:1

Ơ Yàng Jehôwa, dan pơndang mơ ală cau pơndang mơ añ, Dan tòmdră mơ ală cau tòmlơh tòmdră mơ añ!

Đơs Crih 43:1

Ơ Yàng Tom Trồ, dan yal tơlik añ la cau ò gơs glài, Mơ dong tò jơnau gơrềng tus di añ gơwèt mơ làng bol ò duh rngòt; Dan dong tă añ bơh di cau blac pơrlồm mơ ò song ring.

Lik Ejiptơ 6:6

Behơ̆, mê đơs tĕ mơ cau Israel lah: ‘Añ la Yàng Jehôwa, mơ Añ rơp tă tơlik bol mê klàs bơh di yô cau Ejiptơ dê. Añ rơp toh bol mê klàs bơh di bơta ơm dĭ bol khai, mơ Añ rơp pò tơwòr tê Añ lơh ală broă gơnap gơnoar nàng cahrña mơ tơwài bol mê.

Jơnau Pơnđik 22:23

Bơh Yàng Jehôwa rơp dong tò jơnau tò să bol khai, mơ tă tơlik bơta kis cau neh kơñau sơmbrơt bol khai.

Jơnau Pơnđik 23:11

Bơh Bơtau dong tơwài bol khai ngan la gơnap gơnoar, rơp dong tò bơta yă wơn bol khai dê tòmdră mơ kòn.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 43:14

Yàng Jehôwa, Bơtau Dong Tơwài bol mê dê, Bơtau Sàng Goh Israel dê đơs be do lah: “Tài bơh bol mê, Añ rơp sồr tus hơ Babilôn, lơh tơrlơm jơh ală mpồng ƀòn dờng dê, mơ ală jơnau driau cau Kalde dê rơp gơlik gơs jơnau ñìm rac.

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Esai 47:4

Bơtau Dong tơwài bol he dê, Sơnđan Kơnràñ la Yàng Jehôwa Gơnap Gơnoar Dờng Làm Jơh, la Bơtau Sàng Goh Israel dê.

Esai 49:25

Mơya Yàng Jehôwa đơs be do: “Tian gơs ală cau neh kong kup cèng rơp geh dong tă bơh di ală cau pràn kơldang, mơ ală phan tòmpìt geh rơp geh ai wơl bơh di ală cau jàñ bơsak. Añ rơp tòmdră wơl mơ cau sò tơm mê, mơ să tòm Añ rơp dong tă kòn sau mê dê. Añ rơp tòmlơh mơ ală cau tòmlơh mơ mê, mơ ală kòn sau mê dê rơp geh dong klàs.

Esai 51:22

Yàng Jehôwa At Bồ Hơđang Jơh bol mê dê, la Yàng Tom Trồ bol mê dê mơ la Bơtau dong tò làng bol Kơnràñ dê đơs be do: “Sền do, Añ neh tă bơh di tê bol mê mơngàn lơh cau in lòt gơsèng; bol mê rơp ò hùc mơngàn bơta gơjrañ dờng Añ jê tai.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 15:21

“Añ rơp dong tă mê bơh tê cau iơh, mơ tơwài mê klàs bơh tê sơmbat kup cau rhung rhang.”

Jeremi 30:20

Kòn sau bol khai rơp kung be yau òr; Mpồl jơnum bol khai rơp geh bơtào kơ̆ di đap Añ; Mơ Añ rơp lơh glài jơh ală cau rồn bơklơn bol khai.

Jeremi 31:11

Bơh Yàng Jehôwa neh tơwài Jakôp, Dong tă bol khai klàs bơh tê cau pràn kơldang rlau mơ bol khai.

Jeremi 31:35

Yàng Jehôwa, la Bơtau neh ai gơnoar sồr mattơngai lơh gơs bơta àng trồ ngai, Ai gơnoar sồr mat kơnhai mơ sơmañ lơh gơs bơta àng tòm trồ mang, Bơtau lơh lơnggac dàlềng, tian gơs ryà gơ nggồr ur ur, Yàng Jehôwa Gơnap Gơnoar la sơnđan Kơnràñ dê đơs lah:

Jeremi 32:18

Kơnràñ ràng tơlik bơta kòñ gơboh kơ̆ dơn gơwèt hơ rbô rài, mơya lơh glài bơh bơta tồi glài ồng pàng dê hơđang kòn sau tòm rài tơnơ̆. Khoai Yàng Tom Trồ dờng mơ gơs gơnap gơnoar làm jơh, sơnđan Kơnràñ la Yàng Jehôwa Gơnap Gơnoar Dờng Làm Jơh.

Jeremi 48:15

Môap kong phà tơnroh, ală ƀòn kong tòmpìt ai; cau pơnu jak rlau jơh gơ dê kong tơnchơt,” Bơtau, sơnđan Kơnràñ la Yàng Jehôwa Gơnap Gơnoar, đơs behơ̆.

Jeremi 51:19

Mơya sre brê Jakôp dê gen ò di be bol khai, Bơh să tòm Kơnràñ la Bơtau neh crơng gơs ală phan, Ai Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Mpồl Ling.”

Jeremi 51:36

Gen tàng Yàng Jehôwa đơs: “Ne, Añ rơp dong tò mê, Sal tê ala mê in; Añ rơp lơh soat dàlềng gơ Mơ lơh soat ală croh dà gơ dê.

Ñìm Rac 3:58

Khoai Yàng Jehôwa, Kơnràñ neh dong tò bơta gơrềng tus di añ, Kơnràñ neh dong tơwài bơta kis añ jê.

Jôel 2:11

Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Mice 4:10

Ơ kòn ùr Siôn, bơta jê sồt mơ rơnđơh kung be cau ùr jê deh, bơh tŭ do mê rơp lik bơh ƀòn dờng mơ bơtào sàl ơm tòm ƀlàng. Mê rơp lòt tus hơ Babilôn; Tềng hơ̆ mê rơp geh dong klàs. Tềng hơ̆ Yàng Jehôwa rơp dong tơwài mê lik klàs bơh di tê ală cau sò tơm mê dê.

Mice 7:9

Añ pal ơnòng bơta gơjrañ dờng Yàng Jehôwa dê; tài bơh añ neh tìs glài tòmdră mơ Kơnràñ, jơl tus di tŭ Kơnràñ dong tò bơta gơrềng tus di añ, mơ lơh gơlik bơta cahrña añ in. Kơnràñ rơp cèng añ lik hơ bơta àng; Añ rơp sền gŏ bơta song ring Kơnràñ dê.

Yal Tơlik 18:8

Gen tàng ală bơta rung rài khai dê tus bal tòm dô ngai, hơ̆ la bơta pluh plàng, bơta ñìm rac, mơ bơta jơgloh rung, mơ khai rơp kong ồs sa pơrguc jơh; bơh Yàng la Yàng Tom Trồ Gơnap Gơnoar pràn la Bơtau cahrña khai.”