Jeremi 50:32 - Sră Goh 2018

³² Cau pơnhừ să rơp gơtup jơng, gơcồt, Ò gơs cau lơi yò tơngguh khai wơl. Añ rơp sing ồs tòm ală ƀòn dờng gơ, mơ Añ rơp chu ồs tòm ală ƀòn khai dê, mơ gơ rơp sa loan jơh ală bơta gùt dar khai.”

Jeremi 50:32 Mawu Ofanana

Đơs Crih 119:78

Lòi cau pơnhừ să in kòl ƀàssìl, Tài bơh bol khai ngui bơta blac chừt mơ lơh iơh di añ, Ai añ gen rơp kơlôi sơnơng bơh ală jơnau sồr Kơnràñ dê.

Jơnau Pơnđik 16:18

Bơta pơnhừ să lòt lài bơta rung rài jat tơnơ̆; Mơ bơta tơngguh is să lòt lài mơ bơta gơtup pừ.

Jơnau Pơnđik 18:12

Bơta jòng să lòt lài mơ bơta roh gơprah; Mơya bơta pìn pơndêt să lòt lài mơ bơta màng ryŭ.

Jeremi 21:14

Yàng Jehôwa đơs: “Añ rơp lơh glài bol mê jat be cồng nha broă lơh bol mê dê; Añ rơp sing ồs tòm dơr brê bol mê, Ồs rơp sa loan jơh ală phan gùt dar gơ.”

Jeremi 49:27

“Añ rơp ai ồs chu dơrñang Damas, Gơ rơp chu pơrguc ală gơlang bơtau Benhadat.”

Jeremi 51:26

Cau rơp ò ai lŭ bơh di mê lơh mum hìu hala lŭ lơh mơnàng, Mơya mê rơp la tiah lòi srau jơl sùm sùm,” Yàng Jehôwa đơs behơ̆.

Jeremi 51:64

mơ đơs tĕ lah: ‘Babilôn rơp gơkram behơ̆! Gơ rơp ò bơtào guh wơl, tài bơh bơta rung rài mơ Añ rơp tơndùh hơđang gơ.’” Jơnau Jeremi tus tềng do la jơh.

Daniel 5:20

Mơya, tòm tŭ khai yò is să khai mơ nùs khai gơlik kră kơldang bơh bơta pơnhừ să, gen khai kòl tă tơlik bơh di sơbàn bơtau khai dê mơ roh jơh bơta gơklŏ.

Amôs 1:10

Añ rơp sồr ồs tus hơđang ală dơrñang ƀòn Tirơ, ồs hơ̆ rơp chu pơrguc jơh ală gơlang kơ̆ cê gơ dê.”

Amôs 1:12

Añ rơp sồr ồs tus hơđang Theman, gơ rơp chu pơrguc jơh ală gơlang kơ̆ cê Bôjra dê.”

Amôs 1:14

Behơ̆ Añ rơp sing ồs chu ală dơrñang ƀòn Rapbah, ồs hơ̆ rơp sa loan jơh ală gơlang kơ̆ cê gơ dê bal mơ ală jơnau hòi driau tòm ngai tòmlơh, bal mơ càl pràn tòm ngai càl rbut dờng.

Amôs 1:4

Behơ̆ Añ rơp sồr ồs tus hơđang hìu Hajael, mơ gơ rơp sa loan ală ƀòn dờng kơ̆ cê Benhadat dê.

Amôs 1:7

Añ rơp sồr ồs tus hơđang ală dơrñang ƀòn Gaja dê, gơ rơp sa loan jơh ală gơlang kơ̆ cê gơ dê.

Amôs 2:2

Añ rơp sồr ồs tus hơđang Môap, mơ gơ rơp chu pơrguc ală gơlang kơ̆ cê Keriôt dê. Môap rơp chơt digùl bơta nggồr nggàc, digùl ală jơnau hòi driau mơ ntas kơlwòk.

Amôs 2:5

Añ rơp sồr ồs tus hơđang Juda, gơ rơp chu pơrguc ală hìu gơlang kơ̆ cê Jerusalem dê.”

Amôs 5:2

“Kòn ơruh Israel dê neh gơpừ, ò gơs tŭ lơi guh tai, gơkòl sang lòi tòm lơgar tòm khai dê, rơp ò gơs cau lơi yò khai guh.”

Yal Wơl 32:22

Bơh dô nơm ồs neh sa hơng bơh bơta gơjrañ dờng Añ jê, mơ chu pơrguc tus di tiah jrô lơgar làng ƀồc; gơ sa loan plai ù mơ ală phan gơlik bơh gơ, mơ chu tòm ồs ală mơnàng ală mơnơm dê.

Yal Tơlik 18:8

Gen tàng ală bơta rung rài khai dê tus bal tòm dô ngai, hơ̆ la bơta pluh plàng, bơta ñìm rac, mơ bơta jơgloh rung, mơ khai rơp kong ồs sa pơrguc jơh; bơh Yàng la Yàng Tom Trồ Gơnap Gơnoar pràn la Bơtau cahrña khai.”