Jeremi 50:3 - Sră Goh 2018

³ Bơh gơs dô làng bol tus bơh đah đang tòmdră mơ gơ, lơh lơgar gơ dê gơlik gơs ngềt ngơt, ò gơs làng bol ơm tai; cau mơ phan poan jơng rơp dô pleh jơh.”

Jeremi 50:3 Mawu Ofanana

Sơnròp Gơlik Gơs 6:7

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

Lik Ejiptơ 12:12

Kung tòm mang hơ̆, Añ rơp lòt gan lơgar Ejiptơ mơ tơnchơt kòp nă kòn tơnhoa, kòn mơnus bal mơ phan poan jơng; mơ Añ rơp cèng bơta lơh glài hơđang jơh ală yàng cau Ejiptơ dê. Añ la Yàng Jehôwa.

Esai 41:25

Añ neh chồl bơtrut dô nă cau bơh đah đang mơ khai neh tus; bơh đah mattơngai lik khai hòi di sơnđan Añ, khai jă hơđang ală cau kwang at bồ kung be jă ù bŏ, be cau chài mòn glah jă ù kơnàng.

Esai 45:1

Do la jơnau Yàng Jehôwa đơs mơ Sirus, la cau geh bong mơñà Kơnràñ dê, be do: Cau mơ Añ neh at di tê ma khai dê, nàng lơh ală lơgar dòn duh di đap khai, hồ che kơt but ală cau bơtau dê, pò ală mpồng di đap khai, mơ ală mpồng ƀòn dờng ò til wơl:

Jeremi 21:6

Añ rơp pù lơh làng bol ơm tòm ƀòn dờng do, kòn mơnus bal mơ phan poan jơng; bol khai rơp chơt bơh pluh plàng dờng ngan.’

Jeremi 50:9

Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Jeremi 51:48

Tŭ hơ̆, ală tap trồ, ù, mơ jơh ală phan hơđang ù, Rơp driau chò bơh Babilôn; Bơh ală cau tơnroh bơh đah đang tus tơnroh gơ,” Yàng Jehôwa đơs behơ̆.

Jeremi 51:62

Mơ mê đơs tĕ: ‘Khoai Yàng Jehôwa, să tòm Kơnràñ neh khơm lah rơp tơnroh tiah do, nàng ò gơs jơi kòn mơnus hala jơi phan poan jơng kis tòm hơ̆, mơ gơ rơp gơlik gơs tiah sang lòi ngềt ngơt sùm sùm.’

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Sôphôni 1:3

“Añ rơp pơs jơh kòn mơnus bal mơ ală phan poan jơng, añ rơp pơs jơh sềm hơđang trồ bal mơ ală ka tòm dàlềng. Añ rơp lơh cau iơh bơsak in gơtup pừ. Añ rơp tơnroh jơi kòn mơnus bơh di plai ù.” Yàng Jehôwa đơs behơ̆.