Jeremi 50:29 - Sră Goh 2018

²⁹ Hòi tĕ jơh ală cau at àtak tòmlơh mơ Babilôn, kòp nă cau wàr sơna; bơtào sàl gùt dar gơ; bañ lòi dô nă cau lơi dô klàs! Tơm wơl tĕ khai in jat broă khai lơh, be ală bơta khai neh lơh, lơh tĕ khai in; bơh khai neh pơnhừ să mơ đơs tràl di Yàng Jehôwa, Bơtau Sàng Goh Israel dê.

Jeremi 50:29 Mawu Ofanana

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Esai 37:23

Mê neh lah sơrpah mơ đơs tràl sơrbil di ñcau taih? Mê neh dờng bơr tòmdră mơ pò mat jòng să mơ ñcau taih? Hơ̆ la tòmdră mơ Bơtau Sàng Goh Israel dê?

Esai 47:10

Ai ơm lơngap lơngai tòm bơta iơh bơsak ai dê mơ đơs lah: “Ò gơs cau lơi gŏ añ.” Bơta jak chài mơ bơta git wă ai dê neh lam ai lòt tìs gùng, tòm tŭ ai đơs is tòm nùs lah: “Añ do, rlau mơ añ ò gơs cau lơi ndai tai!”

Jeremi 25:14

Mơ tai, rơp gơs oă lơgar mơ ală cau bơtau dờng kup cau Kalde gơs dĭ, mơ Añ rơp tơm wơl bol khai in jat broă bol khai lơh, mơ jat broă tê bol khai neh lơh.’”

Jeremi 48:26

Lơh tĕ gơ in bơñul, bơh gơ neh yò tơngguh să he nàng tòmdră mơ Yàng Jehôwa. Môap rơp tram să tòm bơta gơtuh hă, kung lơh gơs kai cau in dơñŏ tơnhial.

Jeremi 49:16

Ơ cau ơm tòm rgồng lŭ dờng, Neh sơmbat geh bồ mơnơm ne, Kòp he la pal rngòt, Nùs pơnhừ să neh pơrlồm mê; Bulah mê lơh rsòn mê hơđang kung be rsòn klàng bung, Añ kung lơh mê in bơh hơ̆ dùh hơđơm, Yàng Jehôwa đơs behơ̆.

Jeremi 50:24

Ơ Babilôn, mê neh pơt dă să tòm mê in, Mơ mê neh yar tòm dă! Mê neh gơkòl kup mơya mê ò git! Bơh mê neh pơrlòng mơ Yàng Jehôwa.

Jeremi 50:26

Bơh poan đah jơng trồ tus tĕ tòmdră mơ gơ; Pò tĕ ală đam jàr gơ dê, Rơndap gơ be gơnru kòi, mơ tơnroh jơh tĕ; Bañ lòi wơl dô êt lơi gơ in!

Jeremi 50:32

Cau pơnhừ să rơp gơtup jơng, gơcồt, Ò gơs cau lơi yò tơngguh khai wơl. Añ rơp sing ồs tòm ală ƀòn dờng gơ, mơ Añ rơp chu ồs tòm ală ƀòn khai dê, mơ gơ rơp sa loan jơh ală bơta gùt dar khai.”

Jeremi 50:9

Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Jeremi 51:24

“Mơya di đap bol mê, Añ rơp tơm wơl Babilôn mơ jơh làng bol Kalde in bơh jơh ală bơta iơh mơ bol khai neh lơh tòm Siôn,” Yàng Jehôwa đơs behơ̆.

Jeremi 51:3

Bañ lòi cau pañ àtak thàn wàr àtak mơ bañ lòi cau thàn soh ào lòs Bañ pơlai ală cau pơnu Babilôn dê; Tơnroh tĕ jơh ală mpồl ling gơ.

Jeremi 51:49

Babilôn pal kong tơrlah tài bơh neh tơnchơt cau Israel, Be ală cau hơđang ù neh kong chơt, tài bơh Babilôn.

Jeremi 51:56

Tài bơh cau tơnroh neh tus tòmdră mơ khai Tòmdră mơ Babilôn. Ală cau pràn kơldang gơ dê kong kup, Àtak bol khai dê neh pă; Bơh Yàng Jehôwa la Yàng Tom Trồ sal wơl, Kơnràñ rơp tơm wơl wil tơl.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 3:64

Khoai Yàng Jehôwa, dan tơm wơl bol khai in bơta bol khai neh lơh, jat be broă tê bol khai neh lơh.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Daniel 5:23

Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Apdia 1:15

Bơh ngai Yàng Jehôwa dê neh rềp la ngai tòmdră mơ jơh ală làng bol. Ñchi mê neh lơh gen rơp lơh wơl mê in; ală broă lơh mê dê rơp tuh wơl hơđang bồ tòm mê dê.

II Tesalônika 1:6

Bơh dilah bơta song ring Yàng Tom Trồ dê la ai bơta jê sồt bòl glar sal tê ală cau neh lơh jê sồt bòl glar di oh mi,

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”

Yal Tơlik 18:6

Khai neh lơh di cau mbe lơi, gen lơh wơl tĕ di khai behơ̆ sơl, jat be ală broă khai dê gen sal wơl tĕ khai in bàr dơ̆ rlau tai; mơngàn khai neh crài ai cau in, gen crài tĕ ai khai in bàr dơ̆ rlau tai.