Jeremi 50:25 - Sră Goh 2018

²⁵ Yàng Jehôwa neh pò đam jàr phan tòmlơh Kơnràñ dê, Cèng tơlik phan tòmlơh bơta gơjrañ dê; Bơh Yàng, la Yàng Jehôwa Gơnap Gơnoar, Gơs dô nơm broă pal lơh tòm lơgar Kalde.

Jeremi 50:25 Mawu Ofanana

Đơs Crih 45:3

Ơ bơtau pràn kơldang, dan kơt đào di but, Tòm bơta gơklŏ mơ bơta ryŭ ryơm.

Đơs Crih 45:5

Ală kam bơtau dê la sồt, Pañ bluh nùs cau sò tơm bơtau dê, Ală làng bol gơpừ hơđơm jơng bơtau dê.

Esai 13:15

Cau lơi kòl kup gen rơp kong srơp bluh; jơh ală cau kòl kup rơp gơpừ hơđơm mat đào.

Jeremi 50:15

Hòi driau tĕ tòmdră mơ gơ jơh ală đah. Gơ neh kong alah, Ală theng gơ neh tơrlơm, Ală dơrñang gơ neh tơlup. Bơh do la bơta sal tê Yàng Jehôwa dê! Sal tê tĕ gơ; Lơh gơ in kung be gơ neh lơh.

Jeremi 51:20

“Mê la mut mơ phan tòmlơh Añ in; Añ rơp ngui mê phà tơrlah ală làng bol Mơ tơnroh ală lơgar.

Jeremi 51:25

Yàng Jehôwa đơs: “Ơ mơnơm bơta tơnroh ne, Añ tòmdră mơ mê, La cau neh tơnroh jơh dunnia! Añ rơp pò tê Añ tòmdră mơ mê, rơp pơrlă mê dùh bơh hơđang lŭ klềr, Lơh mê in gơlik gơs mơnơm kong chu.

Jeremi 51:55

Bơh Yàng Jehôwa lơh Babilôn in gơlik ngềt ngơt, Lơh roh sap nggồr nggàc gơ dê. Ală ryà bol khai dê gơhào be dà dờng; Sap driau bol khai nggồr mpong.

Amôs 3:6

Dô nơm kơlwòk uh tòm ƀòn dờng, gen làng bol ò rngòt ơ? Tòm tŭ bơta rung rài gơdùh tòm dô nơm ƀòn dờng, mìng la Yàng Jehôwa neh lơh gơlik gơs ò ơ?

Yal Tơlik 18:8

Gen tàng ală bơta rung rài khai dê tus bal tòm dô ngai, hơ̆ la bơta pluh plàng, bơta ñìm rac, mơ bơta jơgloh rung, mơ khai rơp kong ồs sa pơrguc jơh; bơh Yàng la Yàng Tom Trồ Gơnap Gơnoar pràn la Bơtau cahrña khai.”