Jeremi 50:15 - Sră Goh 2018

¹⁵ Hòi driau tĕ tòmdră mơ gơ jơh ală đah. Gơ neh kong alah, Ală theng gơ neh tơrlơm, Ală dơrñang gơ neh tơlup. Bơh do la bơta sal tê Yàng Jehôwa dê! Sal tê tĕ gơ; Lơh gơ in kung be gơ neh lơh.

Jeremi 50:15 Mawu Ofanana

I Yal Yau 29:24

Jơh ală kwang at bồ, ală cau kwang at bồ mpồl ling bal mơ jơh ală kòn klau bơtau Dabit dê kung ho rơp dòn duh bơtau Salômôn.

II Yal Yau 30:8

Bañ lơh kơldang bồ kơldang ngko be ală ồng pàng bol mê dê, wèt tĕ să tòm bol mê hơ Yàng Jehôwa. Lòt tus tĕ hơ Tiah Sàng Goh mơ Kơnràñ neh ơn is sàng goh gam sùm sùm. Duh tĕ broă Jehôwa Yàng Tom Trồ bol mê dê, tồ bơta gơjrañ dờng Kơnràñ dê rơp pleh ngài bơh bol mê.

Đơs Crih 149:7

Nàng sal tê di ală lơgar Mơ lơh glài tơmàl ală làng bol,

Đơs Crih 94:1

Ơ Yàng Jehôwa la Yàng Tom Trồ, bơta sal tê gơrê mơ Kơnràñ, Ơ Yàng Tom Trồ, bơta sal tê gơrê mơ Kơnràñ, dan tơlik mat Kơnràñ dê.

Esai 59:17

Kơnràñ soh bơta song ring lơh gơs kung be ào lòs, mơ dô nơm sơgơn lòs bơta dong klàs hơđang bồ Kơnràñ; Kơnràñ soh ồi ào bơta sal tê, mơ pùt să Kơnràñ mơ bơta gơjrañ dờng kung be dô nơm ào jrùh.

Esai 59:18

Kơnràñ rơp tơm wơl jat be broă bol khai neh lơh: bơta gơjrañ dờng hơđang ală cau sò tơm di Kơnràñ, mơ bơta sal tê di ală cau tòmdră mơ Kơnràñ; Kơnràñ rơp tơm wơl ală bồt pơlào in.

Esai 61:2

nàng yal tơnggit nam ai bơta nđàc Yàng Jehôwa dê, mơ ngai sal tê Yàng Tom Trồ bol he dê; nàng pơndòm pơniang jơh ală cau ñìm rac pơt wòl;

Esai 63:4

Bơh ngai sal tê gơ ơm tòm nùs Añ, mơ nam dong tơwài Añ jê neh tus.

Jeremi 46:10

Ngai hơ̆ la ngai Yàng Jehôwa, Yàng Tom Trồ Gơnap Gơnoar; Hơ̆ la ngai sal tê, Kơnràñ rơp sal tê cau sò tơm di Kơnràñ. Đào rơp loan jơl tus hòm, Hùc mhàm bol khai jơl tus rài tơhìr; Bơh Yàng Jehôwa la Yàng Tom Trồ Gơnap Gơnoar, Gơs bơta ơn phan duh khoai tòm lơgar đah đang, di gah hiòng Ơphrat.

Jeremi 50:14

Rcang gơrwàng tĕ Babilôn Ơ ală cau la cau wàr àtak! Pañ tĕ gơ, bañ pơlai kam; Bơh gơ neh tìs glài tòmdră mơ Yàng Jehôwa.

Jeremi 50:25

Yàng Jehôwa neh pò đam jàr phan tòmlơh Kơnràñ dê, Cèng tơlik phan tòmlơh bơta gơjrañ dê; Bơh Yàng, la Yàng Jehôwa Gơnap Gơnoar, Gơs dô nơm broă pal lơh tòm lơgar Kalde.

Jeremi 50:44

Kung be klìu triă guh bơh ală brê Jordan tòmdră mơ ală ƀlàng ñhơt gam sùm. Añ rơp lơh cau Kalde nisơna in dô klàs, mơ bơtào cau mơ Añ neh sac rwah nàng at bồ bol khai. Bơh ñcau tòm toh kung be Añ taih? Ñcau neh lơh nền tŭ tơngai Añ in taih? Ñcau la cau ê belàt rgơi ntào di đap Añ taih?”

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Jeremi 51:14

Yàng Jehôwa Gơnap Gơnoar neh ai să he mơ srat să lah: ‘Añ ngan rơp lơh mê in bềng mpồl ling, gal be srah nting; rơp driau bơta pha lin hơđang mê.’

Jeremi 51:24

“Mơya di đap bol mê, Añ rơp tơm wơl Babilôn mơ jơh làng bol Kalde in bơh jơh ală bơta iơh mơ bol khai neh lơh tòm Siôn,” Yàng Jehôwa đơs behơ̆.

Jeremi 51:25

Yàng Jehôwa đơs: “Ơ mơnơm bơta tơnroh ne, Añ tòmdră mơ mê, La cau neh tơnroh jơh dunnia! Añ rơp pò tê Añ tòmdră mơ mê, rơp pơrlă mê dùh bơh hơđang lŭ klềr, Lơh mê in gơlik gơs mơnơm kong chu.

Jeremi 51:30

Ală cau ling jak tòmlơh Babilôn dê ơm ò tòmlơh tai, bol khai ơm wơl tòm ală theng kìng crŭ; bơta pràn bol khai dê neh roh jơh, bol khai gơlik gơs be ală cau ùr. Ală hìu ơm kong chu tòm ồs, Kai mpồng neh kong tơrpă.

Jeremi 51:36

Gen tàng Yàng Jehôwa đơs: “Ne, Añ rơp dong tò mê, Sal tê ala mê in; Añ rơp lơh soat dàlềng gơ Mơ lơh soat ală croh dà gơ dê.

Jeremi 51:44

Añ rơp lơh glài Bel tòm Babilôn, Rơp tă phan khai neh loan lik bơh bơr khai dê; Ală lơgar rơp ò ràn tus mơ khai tai. Dơrñang theng Babilôn kung rơp tơrlah tơrlơm!

Jeremi 51:58

Yàng Jehôwa Gơnap Gơnoar đơs be do: “Dơrñang theng Babilôn bulah kơ̆ cê ngan, Rơp kòl pơnring tus di ù, Mpồng gơ dê bulah jơnhoa ngan, Rơp kong ồs sa jơh, Behơ̆ gen, ală làng bol kong bòl glar mơ ò geh ñchi lơi, Ală lơgar lơh broă ồs in, mơ gơkòl lơgah lơgañ.”

Jeremi 51:6

Dô tĕ bơh digùl Babilôn, Kòp nă dong klàs tĕ bơta kis he dê! Bañ tài bơh tồi glài gơ mơ kong chơt roh. Bơh do la tŭ tơngai sal tê Yàng Jehôwa dê, Kơnràñ tơm wơl gơ in di pal.

Jeremi 51:64

mơ đơs tĕ lah: ‘Babilôn rơp gơkram behơ̆! Gơ rơp ò bơtào guh wơl, tài bơh bơta rung rài mơ Añ rơp tơndùh hơđang gơ.’” Jơnau Jeremi tus tềng do la jơh.

Ñìm Rac 5:6

Bol hi neh lơh dô bơta ho bal mơ ală cau Ejiptơ, mơ cau Asiri nàng gơs tơl ƀañ sa.

Ejekiel 17:18

Tài bơh khai neh sền òsơp di jơnau srat să ho nền, mơ neh gơltac bơta ho bal. Tài bơh khai neh at tê tòmho bal rau mơya khai gam lơh jơh ală bơta hơ̆ gen khai rơp ò geh lik klàs.’

Ejekiel 21:22

Tòm tê ma khai dê rơp tă khà bơh Jerusalem, tềng hơ̆ khai rơp rơndap ală rơndeh tơm tơrlah dơrñang ƀòn, ai jơnau sồr sreh tơnchơt, ai jơnau driau dờng tòmlơh, rơndap ală rơndeh tơm tơrlah ală mpồng ƀòn, bơt ală dơrñang gơrwàng gùt dar ƀòn dờng.

Nahum 1:2

Yàng Jehôwa la Yàng Tom Trồ ƀoah pơrñat mơ sal tê; Yàng Jehôwa sal tê mơ bềng bơta gơjrañ dờng. Yàng Jehôwa sal tê di ală cau sò tơm di Kơnràñ mơ gơjrañ dờng tòmdră mơ ală cau sò tơm di Kơnràñ.

Mathiơ 7:2

Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆.

Luka 21:22

Bơh hơ̆ la ală ngai lơh glài, tồ jơh ală bơta neh cih gơlik gơs di ngan.

Rôma 12:19

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”

Rôma 3:5

Mơya dilah bơta ò song ring bol he dê yal loh rlau tai bơta song ring Yàng Tom Trồ dê, gen mbe kòñ đơs taih? Tòm tŭ Yàng Tom Trồ đùh bơta gơjrañ dờng gen Kơnràñ la ò song ring ơ? (Añ đơs be cau òs đơs.)

Yal Wơl 32:35

Bơta sal tê gơrê mơ Añ, Añ rơp tơm wơl, bơh tŭ jơng bol khai rơp ntiar; tài bơh ngai rung rài bol khai dê neh tus rềp, mơ khà lơh nền rài kis bol khai dê neh tus mhar.”

Yal Wơl 32:41

tòm tŭ Añ tồl mat đào àng gơcrà Añ jê mơ tê Añ at gơtòm bơta cahrña; Añ rơp sal wơl di ală cau sò tơm di Añ mơ tơm wơl di ală cau gơjrañ kơuềng di Añ.

Yal Wơl 32:43

Hòn chò tĕ, ơ ală lơgar bal mơ làng bol Kơnràñ dê bơh Kơnràñ rơp sal wơl bơh mhàm ală cau duh broă Kơnràñ dê; Kơnràñ rơp sal wơl di ală cau sò tơm Kơnràñ mơ lơh gơs bơta tơwài glài lơgar làng bol Kơnràñ in.

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Jôsue 6:20

Behơ̆, làng bol driau dờng, mơ ntas sap ală kơlwòk neh uh; Tòm tŭ làng bol kơno ntas kơlwòk gen bol khai driau dô sap dờng ngan, mơ dơrñang ƀòn tơrlah lề jơh; behơ̆ kòp nă brồ mut song di đap mơ tòmpìt ai ƀòn.

Jôsue 6:5

Tòm tŭ bol mê kơno ntas kơlwòk ală cau gơnoar ơn phan duh khoai neh uh sap jòng, gen jơh làng bol pal driau dô sap dờng; mơ dơrñang ƀòn rơp tơrlơm lề jơh, mơ jơh làng bol kòp nă rơp guh song hơđap.”

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”

Yal Tơlik 18:6

Khai neh lơh di cau mbe lơi, gen lơh wơl tĕ di khai behơ̆ sơl, jat be ală broă khai dê gen sal wơl tĕ khai in bàr dơ̆ rlau tai; mơngàn khai neh crài ai cau in, gen crài tĕ ai khai in bàr dơ̆ rlau tai.

Yal Tơlik 19:2

Bơh ală bơta cahrña Kơnràñ dê la song ngan mơ song ring; Kơnràñ neh lơh nền glài cau ùr dri tơlàr dờng, la cau neh ai bơta rềs àr bơrnàn khai dê nàng lơh ồm lề plai ù, mơ Kơnràñ neh sal tê di khai bơh mhàm ală dĭ gơna Kơnràñ dê.”

I Samuel 15:33

Mơya Samuel đơs lah: “Kung be đào mê dê neh lơh ală cau ùr ò gam kòn, Behơ̆, mè mê kung rơp ò gam kòn digùl ală cau ùr sơl.” Gen Samuel tơnchơt Agak di đap Yàng Jehôwa tòm Gilgal.