Jeremi 50:11 - Sră Goh 2018

¹¹ “Ơ cau phà kơñau sre brê Añ jê, Bulah bol mê hòn chò hừh hơh Ntoat sơnđoh kung be kơnrồ me pơrjă kòi, Ngkhih kung be ơseh dam;

Jeremi 50:11 Mawu Ofanana

Đơs Crih 22:12

Gơs oă kơnrồ dam gơrwàng gùt dar añ, Ală kơnrồ dam pràn kơldang Bassan dê gòm gơrwàng añ.

Jơnau Pơnđik 17:5

Cau lơi dơñŏ tơnhial cau dồn sa rƀah dơñŏ tơnhial Bơtau crơng gơs bol khai; Cau lơi hòn chò bơh bơta rung rài cau ndai dê rơp ò geh klàs bơh bơta lơh glài.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Esai 47:8

Gen tàng tŭ do iat tĕ bơta do, ơ bol ai la cau kòñ bơta niam nùs; la cau nggui ơm lơngai lơngò, mơ đơs is lah: “Añ do, rlau mơ añ ò gơs cau lơi ndai tai! Añ rơp ò tŭ lơi ơm bơnrau, hala git bơta roh kòn.”

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 46:20

Ejiptơ la dô nơm kơnrồ dra niam mơnĕ, mơya kòl dô nơm tòt bơh đah đang tus cik gơ.

Jeremi 46:21

Ală ling tòmlơh ơpah ơm digùl gơ kung be kơnrồ kòn lơmă. Mơya bol khai kung wơlke mơ dô jơh, bol khai ò jai ntào. Bơh ngai rung rài, tơngai lơh glài, neh tus hơđang bol khai rau.

Jeremi 5:28

Bol khai lơmă mơ gơlik dờng. Bol khai git ò gơs lơh nền nhàr bơta iơh bol khai dê. Bol khai ò cahrña song ring gơrê mơ kòn đòi, nàng geh kwơ! Bol khai ò dong tò bơta song ring ală cau siơ̆u siar in.”

Jeremi 5:8

Bol khai kung be dô nơm ơseh ròng lơmă pràn kơldang, Kòp nă hòi be ơseh jat bau ùr cau gơp ƀòn he dê.

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 50:27

Tơnchơt tĕ ală kơnrồ dam gơ dê, Cèng bol gơ tus tòm tiah lơh poac! Bòl glar bol khai in, bơh ngai bol khai neh tus, Hơ̆ la ngai lơh glài bol khai!

Ñìm Rac 1:21

Cau neh kơno sap añ rơnđơh, ò gơs cau pơndòm pơniang añ. Jơh ală cau sò tơm kơno añ gơtìp bơta bòl glar, bol khai chò hòp bơh Kơnràñ neh lơh behơ̆. Kơnràñ rơp cèng tus ngai Kơnràñ neh yal tơlik; mơ lòi tĕ bol khai kung rơp tòm toh be añ!

Ejekiel 35:15

Ơ mơnơm Seir, mê mơ jơh Edôm, tài bơh mê neh hòn chò tòm tŭ sre brê hìu Israel dê gơlik gơs srau gòi, gen Añ rơp lơh di mê kung behơ̆ sơl. Gen bol khai rơp git Añ la Yàng Jehôwa.”

Ejekiel 36:5

Gen tàng Jehôwa Yàng Tom Trồ đơs be do: ‘Añ neh đơs tòm bơta ƀoah pơrhiat dờng Añ jê, tòmdră mơ ală làng bol gam wơl, tòmdră mơ jơh Edôm, la ală cau neh jơh nùs hòn chò sền òsơp, neh tòmpìt ù tiah Añ jê lơh gơs phan tòm bol khai dê, nàng tòmpìt ai ƀlàng ñhơt gơ dê.’

Sră Ôse 10:11

Epraim la kung be dô nơm kơnrồ dra jak dòn bơr, kòñ pơrjòt kòi; mơ Añ rơp rcang lòi ngko lơmă gơ dê. Mơya Añ rơp ơn ngal Epraim dê; Juda pal lơòr ù, mơ Jakôp pal pŏ ù.

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Apdia 1:12

Di pal ngan mê ò di chò hòp di oh mi mê dê, tòm ngai rung rài khai dê; kung ò di chò hòp bơh làng bol Juda tòm ngai tơnroh bol khai dê, kung ò di jòng să oă ir tòm ngai bòl glar bol khai dê.

Habakuk 1:15

Cau sò tơm ngui ală gai lòs kơlnĕ cèng jơh bol khai, khai kup bol khai tòm bơtơng khai dê, khai tơrgòm bol khai tòm bơtơng hwài khai dê; behơ̆ tàng khai hòn chò mơ hừh hơh.

Sacari 14:12

Do rơp la bơta pluh plàng mơ Yàng Jehôwa rơp ngui nàng lơh glài jơh ală làng bol tòmlơh mơ Jerusalem: poac bol khai dê rơp ồm lề tòm tŭ jơng bol khai gam ơm ntào, gar mat bol khai dê rơp ồm lề tòm mat bol khai dê, mơ lơmpiat bol khai dê rơp ồm lề tòm bơr bol khai dê.

Yal Wơl 32:15

Jesurun sơlo pas sơm mơya pơrlơ̆ dră; khai gơlik gơs dờng mơ lơmă, Khai sang lòi Yàng Tom Trồ la Bơtau neh crơng gơs khai mơ sền òsơp Pơnai Lŭ Bơtau Dong klàs khai dê.