Jeremi 5:8 - Sră Goh 2018

⁸ Bol khai kung be dô nơm ơseh ròng lơmă pràn kơldang, Kòp nă hòi be ơseh jat bau ùr cau gơp ƀòn he dê.

Jeremi 5:8 Mawu Ofanana

Sơnròp Gơlik Gơs 39:9

Tòm hìu do ò gơs cau lơi dờng rlau mơ añ, mơ khai kung ò bơkơ̆u añ bơta lơi, mìng dô nă ai bơh ai la bau cau tòm añ jê. Mbe lơh añ khin lơh bơta iơh bơsak behơ̆, mơ gơs glài mơ Yàng Jehôwa taih?”

Sră Jop 31:9

Dilah nùs añ neh gơkòl ơniai bơh dô nă cau ùr, mơ dilah añ kơp mòc di mpồng cau gơp ƀòn añ jê,

Lik Ejiptơ 20:14

Bol mê bañ tìs glài rềs àr bơrnàn.

Lik Ejiptơ 20:17

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Jơnau Pơnđik 6:29

Cau lơi lòt tus hơ bau ùr cau ơm rềp mơ he kung behơ̆ sơl; Ngan dilah cau lơi ƀư di khai rơp ò klàs bơh bơta lơh glài.

Jeremi 13:27

Añ neh gŏ ală bơta cù kìr ai dê, Hơ̆ la bơta rềs àr bơrnàn, mơ jơnau hòi tòmjà dri tơlàr be ơseh, mơ bơta dri tơlàr ò git ƀàssìl ai dê, hơđang ală dòr di gah ală ƀlàng sre. Ơ Jerusalem, bòl glar ngan ai in! Ai ò bài lơh goh să ai tus di tŭ lơi taih?

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 29:23

Tài bơh bol khai neh lơh bơta tồi glài iơh rmơh tòm Israel, neh tìs glài rềs àr bơrnàn mơ bau ùr ală cau gơp ƀòn he, mơ neh ai sơnđan Añ đơs ală jơnau ma blac mơ Añ ò tŭ lơi sồr bol khai. Să tòm Añ la Bơtau git loh mơ lơh cơng bơh bơta hơ̆.” Yàng Jehôwa đơs behơ̆.

Jeremi 50:11

“Ơ cau phà kơñau sre brê Añ jê, Bulah bol mê hòn chò hừh hơh Ntoat sơnđoh kung be kơnrồ me pơrjă kòi, Ngkhih kung be ơseh dam;

Jeremi 9:2

Ôih! Kơp kòñ añ gơs dô nơm hìu ơpah bic ing tòm ƀlàng bràs! Nàng añ sang lòi làng bol añ Mơ lòt ngài bơh bol khai; Bơh tơl nă bol khai la ală cau rềs àr, Dô mpồl ală cau blac pơrlồm.

Ejekiel 22:11

Digùl ai, dô nă cau klau do tìs glài ƀơ̆ iơh mơ bau ùr cau gơp ƀòn khai dê, dô nă cau klau ne lơh bơta ƀàssìl ƀàsso mơ ƀan khai dê, mơ dô nă cau klau ndai tai lơh tìs mơ bi ùr khai dê, la kòn ùr bèp tòm khai dê.

Yal Wơl 5:18

Bol mê bañ tìs glài rềs àr bơrnàn.

Yal Wơl 5:21

Bol mê bañ hàm kòñ bau cau ơm rềp di bol mê. Bol mê bañ gơs nùs hàm hà hìu ơm hala ù tiah khai dê, cau klau duh broă hala cau ùr duh broă khai dê, kơnrồ hala alàng khai dê, hala phan lơi gơrê bal mơ cau ơm rềp di bol mê.’