Jeremi 5:6 - Sră Goh 2018

⁶ Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 5:6 Mawu Ofanana

II Yal Yau 36:14

Jơh ală cau lam bồ ală cau gơnoar ơn phan duh khoai dê mơ làng bol kung gơlik ò dòn song dô bă lin rlau jơh, lơh jat ală bơta òs mòng cù kìr ală làng bol dê mơ lơh ƀơ̆ ƀơl hìu duh khoai Yàng Jehôwa dê mơ Kơnràñ neh ơn is sàng goh tòm Jerusalem.

Ejra 10:10

Gen Ejra cau gơnoar ơn phan duh khoai ñă ntào mơ đơs mơ bol khai lah: “Bol mê neh tìs glài mơ neh bau mơ ală cau ùr làng bơdìh, mơ neh bơtơl bơta tìs glài Israel dê.

Ejra 9:6

mơ hòi dan lah: “Ơ Yàng Tom Trồ añ, añ ƀàssìl oă ngan mơ tơnggòr mat hơ Kơnràñ; ơ Yàng Tom Trồ añ jê, bơh bơta tồi glài bol hi dê neh gơguh jòng rlau mơ bồ bol hi dê, mơ bơta tìs glài bol hi dê neh guh tus hơđang ală tap trồ.

Sră Jop 10:16

Yàng mòc añ be klìu triă khin cha, Mơ lơh tai ală broă crih crài Kơnràñ dê tòmdră mơ añ.

Đơs Crih 104:20

Kơnràñ lơh bơta klam jơngo hơ̆ la trồ mang, Tŭ hơ̆ jơh ală phan brê lik lòt.

Đơs Crih 80:13

Jơrke lik bơh brê kap tơnroh gơ, Mơ jơh ală phan poan jơng tòm ƀlàng sa gơ.

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 59:12

Bơh ală bơta tìs glài bol hi dê la oă ngan di đap mat Kơnràñ, mơ ală tồi glài bol hi dê lơh cơng tòmdră mơ bol hi. Ală bơta tìs glài bol hi dê gơ ơm sùm sùm mơ bol hi, mơ bol hi git ală bơta tồi glài iơh bơsak bol hi dê:

Jeremi 14:7

Khoai Yàng Jehôwa, bulah tồi glài iơh bơsak bol hi dê lơh cơng tòmdră mơ bol hi, Dan bơh sơnđan Kơnràñ mơ lơh broă! Bơta jak tòmdră bol hi dê oă ngan; bol hi neh tìs glài mơ Kơnràñ.

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 25:38

Kơnràñ kung be klìu triă neh lik bơh rgồng he dê. Lơgar bol khai neh gơlik gơs tiah lòi srau, tài bơh đào jàñ bơsak, mơ tài bơh bơta gơjrañ dờng Yàng dê.”

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 30:15

Ñchi bơh tài mê driau nggà bơh tềl sồt mê? Bơta jê sồt mê ò rgơi sơm. Hơ̆ la tài bơh bơta tìs glài mê dờng ngan, Tồi glài mê oă ngan, Gen Añ neh lơh ală bơta do mê in.

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 49:19

Gơ kung be klìu triă guh bơh ală brê me Jordan dê guh tus hơ ală ƀlàng ñhơt tơlir sùm. Nisơna Añ rơp lơh Edôm in ntoat dô, mơ Añ rơp bơtào cau mơ Añ neh sac rwah nàng at bồ gơ: Bơh ñcau be Añ taih? Ñcau khin pơrlòng mơ Añ taih? Gơs cau ê belàt lơi rgơi ntào di đap Añ sơl?

Jeremi 8:5

Behơ̆ ñchi bơh tài làng bol kư̆ dô ngài? Tòm bơta kư̆ tìs wơl sùm sùm ơ? Bol khai sơmbat prap bơta blac chừt, Bol khai ò bài rê wơl.

Jeremi 8:7

Bulah klàng kò ơm tòm tiah pah gòi, Git is tŭ tơngai gơ dê; Sềm ntòp, sềm pơrbèt, klàng ka, git đal tŭ tơngai tus bol gơ dê. Mơya làng bol Añ gen ò git, Bơta lơh nền Yàng Jehôwa dê!

Ñìm Rac 1:5

Cau tòmdră khai dê gơlik gơs cau tòm, cau sò tơm khai dê gơlik cau pas gơs; Tài bơh Yàng Jehôwa lơh khai in bòl glar, bơh tồi glài khai dê gơbơtơl oă. Ală kòn dềt khai dê neh lòt tiah ngài, gơkòl kup cèng di đap cau sò tơm.

Ejekiel 16:25

Di bồ ală gùng, ai neh bơt bơtào ală hìu bơmồng jơnhoa, mơ neh lơh bơta hàng mơnĕ ai dê gơlik cù kìr, ai neh ơn să ai dê tòm bơta rềs àr dri tơlàr sơlo ngai sơlo oă mơ kòp nă cau lòt gan.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Ejekiel 23:19

Bulah behơ̆, khai neh sơlo bơtơl oă bơta dri tơlàr bung jang khai dê tòm tŭ khai kah wơl ală ngai khai gam ơruh, tòm tŭ khai la ùr dri tòm lơgar Ejiptơ.

Daniel 7:4

Phan poan jơng sơnròp gơlơh be klìu triă, mơ gơs pơnđar be klàng bung. Añ tơnggòr sền jơl tus di tŭ ală pơnđar gơ kong dơrpă jơh, să jan gơkòl yò tơngguh bơh di ù, gơ ơm ntào mơ bàr đah jơng be kòn mơnus, mơ gơ dòp geh nùs nhơm kòn mơnus dê.

Daniel 7:6

Tơnơ̆ mơ hơ̆, añ tơnggòr sền mơ gŏ dô nơm phan poan jơng ndai gơlơh be klìu sơmañ, di ngkòi gơ gơs poan nơm pơnđar be pơnđar sềm. Phan poan jơng hơ̆ gơs poan nơm bồ, mơ geh jào gơnoar at bồ.

Sră Ôse 5:14

Bơh Añ rơp kung be dô nơm klìu triă gơwèt hơ Epraim, dô nơm klìu triă brồ dam gơwèt hơ hìu Juda. Să tòm Añ rơp crè bol khai mơ lòt ngài; Añ rơp cèng pơrdô bol khai, mơ ò gơs dô nă cau lơi rơp dong tă.

Habakuk 1:8

Ală ơseh bol khai dê ntoat mhar rlau mơ klìu sơmañ, rhung rhang rlau mơ so rhau tòm trồ mang. Mpồl ling hào ơseh bol khai dê ràn tus, ală cau ling hào ơseh bol khai dê tus bơh di tiah ngài; bol khai par kung be klàng bung srà mhar nàng sa loan.

Sôphôni 3:3

Ală kwang duh broă gơ dê ơluh ơhùm be klìu triă, ală kwang cahrña gơ dê kung be so rhau trồ mang, ò lòi wơl dô êt lơi tus diàng drim.

Khà Làng Bol 32:14

Mơ tŭ do bol mê la ală kòn sau jơi bơtiàn cau tồi glài, ntào di tiah ală ồng pàng bol mê dê mơ lơh Yàng Jehôwa in sơlo gơjrañ rlau tai di Israel.

Yal Tơlik 13:2

Phan poan jơng añ gŏ hơ̆ gơlơh be klìu sơmañ, jơng be jơng jơgơu, bơr be bơr klìu triă. Nagrài ai phan poan jơng hơ̆ in gơnap gơnoar, sơbàn mơ gơnoar dờng gơ dê.