Jeremi 5:4 - Sră Goh 2018

⁴ Gen añ đơs: “Ală cau do mìng la cau rƀah, Bol khai ò gơs bơta git wă; Bơh bol khai ò git gùng dà Yàng Jehôwa dê, Bơta boh lam Yàng Tom Trồ bol khai dê.

Jeremi 5:4 Mawu Ofanana

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Esai 29:12

Mơ dilah ai sră pồt do cau ò git sền sră in mơ sồr khai lah: “Dan sền tĕ sră do,” gen khai ho lah: “Añ ò git sền sră.”

Jeremi 10:8

Bol khai jơh tơl nă bơrngơl mơ tùl gơla. Bol khai geh bơta bơto sồr bơh rùp ràk Ò lin rlau mơ chi.

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 7:8

Mơ do, bol mê dòn kơnòm di ală jơnau blac pơrlồm ò kwơ dô êt lơi.

Jeremi 8:7

Bulah klàng kò ơm tòm tiah pah gòi, Git is tŭ tơngai gơ dê; Sềm ntòp, sềm pơrbèt, klàng ka, git đal tŭ tơngai tus bol gơ dê. Mơya làng bol Añ gen ò git, Bơta lơh nền Yàng Jehôwa dê!

Jeremi 9:3

“Bol khai bơt lơmpiat bol khai be àtak, Bol khai hòn dờng tòm lơgar bơh bơta blac pơrlồm. Ò di bơh jơnau song; Bol khai ntoat tơngguh bơh bơta iơh do tus bơta iơh ndai, Mơ bol khai ò đal git Añ,” Yàng Jehôwa đơs behơ̆.

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.