Jeremi 5:31 - Sră Goh 2018

³¹ Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 5:31 Mawu Ofanana

I Ală Bơtau 22:6

Gen bơtau Israel pơjum tơrgòm jơh ală cau gơnoar hwơr, pơgap poan rhiang nă, mơ lùp bol khai lah: “Añ pal lòt tòmlơh mơ Ramôt tòm Galaat hala ò?” Bol khai ho lah: “Lòt tĕ; bơh Yàng Jehôwa rơp jào gơtòm tê bơtau.”

Jơnau Pơnđik 17:4

Cau lơh iơh kơno sơndồi iơh bơsak; Cau jak đơs blac ơn tồr iat lơmpiat bih khih.

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 20:6

Tòm ngai hơ̆, làng bol ơm rềp di gah dàlềng do rơp đơs lah: ‘Sền ne la bơta neh gơlik gơs di làng bol mơ bol he neh ơn nùs gơn kơnòm, di làng bol mơ bol he neh ràn tus mơ dan dong kòl mơ dong tă bơh di bơtau Asiri! Mơ bol he, mbe bol he geh klàs taih?’”

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

Esai 43:27

Pàng yau sơnròp mê dê neh tìs glài, ală cau yal tơlik jơnau đơs mê dê neh sơrlèt rlau tòmdră wơl mơ Añ.

Esai 47:7

Ai neh đơs lah: “Añ rơp la cau ùr tòm gam sùm sùm!” Bơh ai ò ơn nùs kơlôi sơnơng bơh ală bơta hơ̆, hala kah kơlôi bơh bơta lồi dut bol khai dê.

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 14:14

Yàng Jehôwa đơs tai mơ añ lah: “Ală cau gơnoar hwơr ai sơnđan Añ mơ đơs hwơr blac, Añ ò tŭ lơi sồr bol khai, hala òhềt ai gơnoar sồr mơ òhềt đơs mơ bol khai. Bol khai đơs hwơr bol mê in bơh dô bơta gơtơnggŏ ma blac, bơta juh proh roh lơm, mơ bơta blac pơrlồm bơh nùs is bol khai dê!”

Jeremi 26:7

Ală cau gơnoar ơn phan duh khoai, ală cau gơnoar hwơr, mơ jơh làng bol neh kơno Jeremi đơs ală jơnau hơ̆ tòm hìu Yàng Jehôwa.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 2:14

Ală cau gơnoar hwơr ai yal ai in ală bơta ma blac mơ gơtơnggŏ blac pơrlồm. Bol khai ò yal tơlik tồi glài ai, nàng tơm wơl bơta lơngai lơngò bol ai dê, Mơya mìng yal ai in git ală jơnau đơs hwơr ma blac mơ tìs nrah.

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Ñìm Rac 4:18

Bol khai sền rmê di cơnđòa bol hi dê, tian gơs bol hi ò rgơi lòt jơng tòm ală gùng bol hi dê. Bơta lồi dut bol hi dê neh tus! Ngai bol hi neh tơl! Bơta lồi dut bol hi neh tus!

Ejekiel 13:10

Tài bơh, ngan bol khai neh lam làng bol Añ jê lòt tìs nrah tòm tŭ đơs lah: ‘Ring lơngai,’ mơya ò gơs bơta ring lơngai dô êt lơi; mơ tòm tŭ làng bol bơt dô nơm dơrñang, bol khai pih cùr bò hơđang gơ.

Ejekiel 13:6

Bơta gơtơnggŏ bol khai dê la ò gơs ngan, mơ jơnau đơs hwơr bol khai dê la blac. Bol khai đơs lah: “Yàng Jehôwa đơs,” tòm tŭ Yàng Jehôwa ò sồr bol khai, bulah behơ̆ bol khai kơp gơn ală jơnau bol khai dê geh gơlik gơs wil tơl.

Ejekiel 22:14

Bơta khin cha ai dê rơp ơm kơ̆ hala tê ai dê rgơi gam pràn tòm ngai Añ cahrña ai sơl? Añ, Yàng Jehôwa, neh đơs behơ̆ mơ Añ rơp lơh bơta hơ̆.

Sră Ôse 4:9

Mơ gơ rơp gơlik gơs, làng bol be lơi gen cau gơnoar ơn phan duh khoai kung behơ̆ sơl. Añ rơp lơh glài bol khai bơh ală gùng dà bol khai dê, mơ tơm wơl bol khai in jat be ală broă bol khai neh lơh.

Sră Ôse 6:10

Tòm hìu Israel Añ neh sền gŏ dô bơta cù kìr; mơ Epraim lơh bơta dri tơlàr tềng hơ̆, Israel gơlik ƀơ̆ ƀơl.

Sră Ôse 9:5

Ñchi bol mê rơp lơh tòm ngai neh lơh nền bơta pơjum sa dê, mơ tòm ngai bơta pơjum sa Yàng Jehôwa dê taih?

Mice 2:11

Dilah gơs dô nă cau đơs blac pơrlồm tus đơs lah: “Añ rơp bơto bol mê in bơh tơrnòm mơ phan ñô lơh bơñul,” gen cau hơ̆ rơp lơh gơs cau bơto làng bol do in!

Mice 2:6

Bol khai bơto lah: “Bañ đơs hwơr. Bañ đơs hwơr bơh ală bơta do; bơta dơñŏ tơnhial rơp ò tus hơđang bol he ò.”

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Sôphôni 3:4

Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.

Yal Wơl 32:20

Kơnràñ đơs lah: “Añ rơp pồn mat Añ bơh di bol khai, Añ rơp sền ñchi bơta rơp gơlik gơs lồi dut bol khai dê; bơh bol khai la dô jơi bơtiàn kơldang bồ, hơ̆ la ală kòn sau ò gơs bơta dòn song.

Yal Wơl 32:29

Dilah bol khai la jak chài gen bol khai pal git wă bơta do; bol khai pal git loh làng bơh bơta lồi dut bol khai dê la mbe lơi!