Jeremi 5:24 - Sră Goh 2018

²⁴ Bol khai ò đơs tòm nùs lah: ‘Bol he duh rngòt tĕ Jehôwa Yàng Tom Trồ he Hơ̆ la Bơtau ai mìu jat kơnhai sơnam Ai mìu bồ sơnam mơ mìu lồi sơnam, Mơ prap gàr bol he in Prap lòi ală poh lơh nền kơnhai toès in.’

Jeremi 5:24 Mawu Ofanana

Sơnròp Gơlik Gơs 8:22

Tòm tŭ plai ù gam gơs, gen kơnhai sih mơ kơnhai toès, mrềt mơ duh, kơnhai duh mơ kơnhai noat, ngai mơ mang, rơp ò gơs tŭ lơi jơh.”

I Ală Bơtau 17:1

Tŭ hơ̆, Eli cau Thisebe, tòm Galaat, đơs mơ Ahap lah: “Añ ntào di đap Jehôwa Yàng Tom Trồ Israel kis sùm mơ srat să lah: Rơp ò gơs dà tŭ hala mìu tòm ală nam tơnơ̆ do, dilah ò gơs jơnau đơs añ jê.”

Sră Jop 29:23

Bol khai kơp gơn añ be kơp gơn dà mìu, Ha bơr kơp gơn be gơn mìu kơnhai phàng.

Sră Jop 38:37

Ñcau gơs bơta jak chài nàng kòp ală mhwal? Mơ ñcau rgơi sơrkềng lềng dà ală tap trồ dê

Sră Jop 5:10

Kơnràñ ai mìu hơđang ù, Mơ sồr dà tus tòm ală ƀlàng sre.

Đơs Crih 147:8

Kơnràñ jơm ală tap trồ mơ mhwal, Rcang dà mìu ù in, Mơ lơh ñhơt in hòn hơđang dòr.

Đơs Crih 65:9

Yàng lòt còp ù tiah mơ tuh dà gơ in, Lơh gơ in gơlik ù bơkah tiah lơngồt; Hiòng Yàng Tom Trồ dê bềng dà; Kơnràñ ai cau in phan sa bơh Kơnràñ neh rcang lài.

Esai 64:7

Ò gơs dô nă cau lơi hòi dan di sơnđan Kơnràñ, hala pơnđơl pràn nàng at di Kơnràñ; bơh Kơnràñ neh pồn mat bơh di bol hi, mơ lòi bol hi kong roh rui tài bơh tồi glài bol hi dê.

Jeremi 10:13

Tŭ Kơnràñ tơlik sap đơs, gen dà nggồr tòm ală tap trồ; Kơnràñ lơh nhơm dà guh bơh tiah lồi plai ù, Lơh puhlèp jat mìu, cèng tơlik càl bơh tòm đam Kơnràñ dê;

Jeremi 14:22

Gơs rùp ràk lơi ală làng bol bơdìh dê rgơi cèng mìu sơl? Hala ală tap trồ rgơi ai mìu ơ? Ơ Jehôwa Yàng Tom Trồ bol hi dê, hơ̆ ò di la Kơnràñ ơ? Bol hi gơn kơnòm di Kơnràñ, Bơh Kơnràñ la Bơtau lơh gơs jơh ală bơta hơ̆.

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Jeremi 50:5

Bol khai wèt mat hơ Siôn, lùp còp bơh gơ, bol khai lòt tus ring lơngai mơ Yàng Jehôwa bơh dô bơta ho bal sùm sùm rơp ò tŭ lơi hŭi.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Jôel 2:23

Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Amôs 4:7

“Añ kung neh ò bài tơndùh mìu bol mê in, tòm tŭ gam pe kơnhai sồng tus di kơnhai toès. Añ neh đùh mìu hơđang dô nơm ƀòn do, mơya ò đùh mìu hơđang dô nơm ƀòn ndai. Dô lồ sre do neh geh mìu, dô lồ ndai ò geh mìu dô êt lơi mơ gơlik ro rañ.

Sacari 10:1

Dan tĕ Yàng Jehôwa dùh mìu tòm kơnhai bơkào chi che; Yàng Jehôwa la Bơtau lơh gơs ală mhwal càl rbut. Kơnràñ dùh mìu dờng ală bol mê in, mơ ai biap hòn tòm ƀlàng kòp nă cau in.

Mathiơ 5:45

nàng bol mê in lơh gơs kòn Bèp bol mê dê ơm hơđang trồ, bơh Kơnràñ sồr mattơngai lik pơnđàng cau iơh bơsak in mơ cau lơbơn niam in sơl, ai mìu cau song ring in mơ cau ò song ring in sơl.

Broă 14:17

bulah behơ̆ Kơnràñ kư̆ lơh cơng sùm bơh să tòm he, pà bơta lơngai lơngò, ai mìu bơh đang trồ, pà ai sơnam kơnhai gơs oă plai đo, phan sa tơngkah tơngkañ, lơh nùs oh mi bềng lìu bơta hòn chò.”

Yal Wơl 28:12

Yàng Jehôwa rơp pò ală tap trồ la đam jàr lìu làc Kơnràñ dê nàng tơndùh mìu hơđang ù tiah bol mê dê di di kơnhai mơ nàng ai lơngai hơđang jơh ală broă tê bol mê lơh. Bol mê rơp ai oă làng bol in càn mơya bol mê rơp ò càn bơh di dô nơm lơgar lơi.

Jakơ 5:7

Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.

Yal Tơlik 11:6

Bàr nă cau hơ̆ gơs gơnoar til ală tap trồ, nàng ò gơs mìu tòm ală ngai bol khai đơs hwơr; bol khai gơs gơnoar hơđang ală dà nàng lơh dà gơlik gơs mhàm, mơ ngui jơh ală bơta rung rài nàng lơh iơh di plai ù tŭ lơi jat nùs bol khai kòñ.