Jeremi 5:22 - Sră Goh 2018

²² Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Jeremi 5:22 Mawu Ofanana

Sơnròp Gơlik Gơs 1:9

Yàng Tom Trồ đơs lah: “Ală dà tòm tiah hơđơm pah gòi pơjum tĕ dô bă, mơ gơlik tĕ ù rañ rsơh,” gen gơs behơ̆.

I Ală Bơtau 13:28

Khai lòt, tìp ƀồc chơt bic tòm gùng, alàng mơ klìu triă ntào di gah. Klìu triă ò sa ƀồc neh chơt mơ kung ò crè poac alàng.

Sră Jop 26:10

Kơnràñ treh gùng jơng trồ hơđang nha dà, Lơh gơs nhàr digùl bơta àng mơ bơta jơngo.

Sră Jop 37:24

Gen tàng kòn mơnus duh rngòt di Kơnràñ, Bơh Kơnràñ ò wèt sền cau lơi kơlôi is he la jak chài.”

Sră Jop 38:8

Hala ñcau neh til tòm dàlềng mơ ală mpồng tòm tŭ gơhòr lik bơh kơndul plai ù dê,

Đơs Crih 104:9

Kơnràñ lơh nền nhàr dà in nàng dà ò geh lòt rlau, nàng gơ ò rgơi ngŏ tai hơđang ù.

Đơs Crih 119:120

Poac să añ rơm rngòt di Yàng, Kung rngòt di bơta cahrña Yàng dê sơl.

Đơs Crih 33:7

Kơnràñ pơjum ală dà tòm dàlềng kung be ơn tòm khàr; Kơnràñ prap ală dà jrô tòm tiah prap lòi.

Đơs Crih 46:3

Bulah dàlềng nggồr ur ur mơ gơlik kơmbuh, Bulah ală mơnơm gơlơnggơr tài bơh bơta gơtơngguh ryà dà dê. (Selah)

Đơs Crih 99:1

Yàng Jehôwa at bồ; ală làng bol rngòt rơm să tĕ! Kơnràñ nggui hơđang sơbàn digùl ală ceruƀim; plai ù lơnggơr tĕ!

Jơnau Pơnđik 8:29

Lơh nền nhàr dàlềng in, Nàng dà ò ngơr lơh tìs gơnoar sồr Kơnràñ dê, Mơ tŭ Kơnràñ bơtào mơnàng plai ù,

Esai 50:2

Ñchi bơh tài tòm tŭ Añ tus, ò gơs dô nă cau lơi taih? Ñchi bơh tài tòm tŭ Añ hòi, ò gơs dô nă cau lơi ho wơl taih? Tơwòr tê Añ la liah ngan tian gơs ò rgơi tơwài bol mê sơl ơ? Añ ò tơl pràn nàng dong tă bol mê sơl ơ? Mìng bơh dô jơnau lah pơrhơng mơ Añ neh lơh soat dàlềng, Añ lơh ală hiòng dà gơlik gơs ƀlàng bràs; ka tòm dà gơ dê chơt ồm bơh siơ̆u dà, mơ chơt tơhìr dà.

Esai 64:2

Kung be tòm tŭ ồs sa ală rlau lò, mơ ồs lơh dà in khuh, nàng lơh ală cau sò tơm Kơnràñ dê git sơnđan Kơnràñ, mơ lơh ală làng bol rơm să di đap Kơnràñ!

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Jeremi 10:7

Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 31:35

Yàng Jehôwa, la Bơtau neh ai gơnoar sồr mattơngai lơh gơs bơta àng trồ ngai, Ai gơnoar sồr mat kơnhai mơ sơmañ lơh gơs bơta àng tòm trồ mang, Bơtau lơh lơnggac dàlềng, tian gơs ryà gơ nggồr ur ur, Yàng Jehôwa Gơnap Gơnoar la sơnđan Kơnràñ dê đơs lah:

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Amôs 4:12

“Ơ Israel, do la bơta Añ rơp lơh dimơ bol mê; tài bơh Añ rơp lơh bơta do di bol mê, gen tàng rcang tĕ nàng tìp Yàng Tom Trồ bol mê dê, ơ Israel!”

Amôs 9:6

Kơnràñ la Bơtau neh bơt bơtào tiah ơm Kơnràñ dê hơđang ală tap trồ, mơ neh bơt dơwàng wil Kơnràñ dê hơđang plai ù, la Bơtau neh hòi ală dà tòm dàlềng, mơ tuh gơ hơđang ù; Sơnđan Kơnràñ la Yàng Jehôwa.

Jôna 1:16

Gen ală cau hơ̆ sơlo rngòt rlau tai di Yàng Jehôwa; gen bol khai ơn phan duh khoai Yàng Jehôwa in mơ ho pơgon mơ Kơnràñ.

Nahum 1:4

Kơnràñ lah pơrhơng dàlềng mơ lơh gơ in ro rañ; Kơnràñ lơh jơh ală hiòng soat dà. Basan mơ Karmel ñòp ro, mơ bơkào Liban dê ro jrùh.

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Jơnau Niam Jat Mak 4:39

Phul Yàng Jesu guh mo, lah pơrhơng càl mơ đơs mơ dàlềng lah: “Thit tĕ, ơm tĕ mŏ mŏ!” Càl thit mo mơ ơm mŏ mŏ gen gơs ring drik ngan.

Luka 12:5

Mơya Añ sơnio bol mê in git pal rngòt di ñcau: pal rngòt di Bơtau tơnơ̆ mơ tŭ neh tơnchơt să jan rau, kung gơs gơnoar sơrbì tòm brah tìng tai; ngan Añ đơs mơ bol mê, pal rngòt tĕ di Bơtau hơ̆!

Yal Wơl 28:58

Dilah bol mê ò kơrhia lòt jat jơh ală jơnau bơta boh lam do, la jơnau neh cih tòm sră do, mơ ò ki ngàm di sơnđan gơklŏ mơ pal rngòt rngơt do, hơ̆ la Jehôwa Yàng Tom Trồ bol mê dê,

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”