Jeremi 5:2 - Sră Goh 2018

² Bulah bol khai đơs lah: “Ngan kung be Yàng Jehôwa kis gam sùm sùm! Mơya bol khai srat să ma blac!”

Jeremi 5:2 Mawu Ofanana

Esai 48:1

Ơm iat jơnau do, ơ hìu Jakôp, la cau geh hòi jat sơnđan Israel; mơ neh geh lik bơh tòm ryas Juda, la cau ai sơnđan Yàng Jehôwa mơ srat să, mơ hòi lùp Yàng Tom Trồ Israel dê, mơya ò di bơh jơnau song hala bơta song ring.

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Jeremi 44:26

Gen tàng, ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa. Yàng Jehôwa đơs: Do Añ rơp ai sơnđan dờng Añ mơ srat să, rơp ò gơs dô nă cau Juda lơi tòm jơh lơgar Ejiptơ pò bơr đơs bơh sơnđan Añ tai mơ đơs lah: ‘Ngan kung be Yàng Jehôwa kis gam sùm sùm!’

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Jeremi 9:2

Ôih! Kơp kòñ añ gơs dô nơm hìu ơpah bic ing tòm ƀlàng bràs! Nàng añ sang lòi làng bol añ Mơ lòt ngài bơh bol khai; Bơh tơl nă bol khai la ală cau rềs àr, Dô mpồl ală cau blac pơrlồm.

Sră Ôse 10:4

Bol khai đơs jơnau ò kwơ, bol khai srat să gòi, mơ lơh ală bơta ho bal; gen tàng bơta yă wơn gơhòn lik be ñhơt bih khih tòm sre neh lơòr.

Sră Ôse 4:15

Ơ Israel, bulah mê lơh dri tơlàr kung bañ lòi Juda gơlik tìs glài. Bañ lòt hơ Gilgal; bañ guh hơ Bet Aben. Bañ srat să mơ lah: “Ngan be Yàng Jehôwa kis gam sùm sùm.”

Lebi 19:12

Bañ ai sơnđan Añ nàng srat să blac mơ lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Sôphôni 1:5

Mơ ală cau kun bồ hơđang rkàng hìu mơ duh khoai ală mpồl ling hơđang trồ, ală cau kun bồ ai sơnđan Yàng Jehôwa mơ srat să mơ kung ai sơnđan Milkom mơ srat să;

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

I Timôthe 1:10

cau rềs àr bơrnàn, cau dri tơlàr cau klau mơ cau klau, cau kơñau kòn mơnus, cau đơs blac, cau srat blac in, hala bơta lơi ndai tìs mơ bơta bơto sồr song ngan,

II Timôthe 3:5

đah bơdìh gơlơh be duh rngòt, mơya neh pơndang sang gơnap gơnoar bơta hơ̆ dê. Ală cau behơ̆ gen mê pleh tĕ ngài.

Sră Pơyoa Pol Dê Pơyoa Tit In 1:16

Bol khai đơs lah bol khai git Yàng Tom Trồ, mơya ală broă lơh bol khai dê la pơndang sang Kơnràñ; cau cù kìr di bol khai, bol khai la cau ò dòn bơr mơ ò rgơi lơh dô nơm broă niam lơi.