Jeremi 5:17 - Sră Goh 2018

¹⁷ Bol khai rơp sa loan plai đo mơ ƀañ mê dê, Bol khai rơp sa kòn klau kòn ùr mê; Bol khai rơp sa mpồl belàt mơ mpồl kơnrồ mê, bol khai rơp sa chi ño mơ chi ƀal mê dê. Bol khai rơp ai đào tơnroh ală ƀòn dờng kơ̆ cê mê dê, la tiah mơ mê gơn kơnòm!”

Jeremi 5:17 Mawu Ofanana

Esai 62:8

Yàng Jehôwa neh srat să bơh tê ma Kơnràñ dê mơ bơh tơwòr tê gơnoar pràn Kơnràñ dê lah: “Añ rơp ò tŭ lơi ai kòi mi ai dê lơh gơs phan sa ală cau sò tơm ai in tai, mơ làng bol bơdìh rơp ò geh ñô tơrnòm mơ ai neh kong lơh broă bòl glar;

Esai 62:9

mơya ală cau neh toès gơ gen rơp sa gơ mơ jòng ro Yàng Jehôwa; ală cau neh tơrgòm plai ño gen rơp ñô gơ tòm ƀlàng hìu duh khoai Añ jê.”

Esai 65:22

Bol khai ò tai bơt ală hìu mơ gơs ală cau ndai ơm tòm hơ̆, hala tùc tam mơ cau ndai sa. Bơh khà nam làng bol Añ jê rơp kung be khà nam dô nơm chi; ală cau sac rwah Añ jê rơp dòp geh hòn chò jŏ jòng cồng nha bơh broă tê bol khai neh lơh.

Jeremi 1:15

Behơ̆ gen, Añ rơp hòi jơh ală jơi bơtiàn ală làng bol đah đang, Yàng Jehôwa đơs behơ̆; bol khai rơp tus, mơ cau lơi kung ơn sơbàn he dê di mpồng dờng Jerusalem, gơrwàng lơh ală dơrñang gùt dar gơ, mơ sò tơm ală ƀòn Juda dê.

Jeremi 25:37

Mơ ală mpồl belàt ring lơngai neh kong sang lòi, Tài bơh bơta gơhào gơjrañ Yàng Jehôwa dê.

Jeremi 4:26

Añ sền gŏ sre niam gơlik gơs ƀlàng ngềt ngơt, jơh ală ƀòn dờng gơ dê neh gơprah gơpring, di đap Yàng Jehôwa, bơh bơta gơhào gơjrañ dờng Kơnràñ dê.

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 5:18

Yàng Jehôwa đơs: “Bulah behơ̆, tòm ală ngai hơ̆, Añ rơp ò tơnroh jơh bol mê.

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 50:7

Jơh ală cau lơi tìp bol gơ, gen sa loan bol gơ; ală cau sò tơm bol gơ đơs lah: ‘Bol he ò gơkòl glài, bơh bol khai neh tìs glài tòmdră mơ Yàng Jehôwa, la ƀlàng ñhơt ngan, Yàng Jehôwa la bơta gơn kơnòm ală ồng pàng bol khai dê.’

Jeremi 8:13

Yàng Jehôwa đơs: “Tòm tŭ Añ kòñ tơrgòm bol khai wơl. Ò gam plai ño hơđang chi ño; Ò gam plai ƀal hơđang chi ƀal; Tian gơs ală nha kung rơp ro jrùh; Mơ ală bơta Añ neh ai bol khai in, rơp kòl tă tơlik jơh bơh bol khai!”

Jeremi 8:16

Ntas sap ơseh hòi neh kơno bơh Dan; kơno sap ơseh tòmlơh ơhih, làm jơh ù tiah lơnggơr; Bơh bol khai neh tus, sa loan ù mơ ală phan gơlik bơh ù, sa loan ƀòn mơ jơh làng bol ơm tòm gơ.

Ñìm Rac 2:12

Bol khai ñìm mơ mè bol khai lah: “Ntềng đah piang lă mơ tơrnòm taih?” bol khai bòl glar òsô kung be cau kong sồt tòm ală gùng ƀòn dờng ndang; bol khai tac nhơm ndang hơđang ntơh mè bol khai dê.

Ñìm Rac 2:2

Yàng neh tơnroh ò nđàc sơngit, jơh ală tiah ơm Jakôp dê. Tòm bơta gơjrañ Kơnràñ dê, Kơnràñ neh lơh tơrlơm ală theng kơ̆ cê kòn ùr Juda dê; Kơnràñ neh tơmù tus di ù, tòm bơta ƀàssìl lơgar mơ ală kwang at bồ gơ dê.

Ejekiel 36:4

gen tàng, ơ ală mơnơm Israel dê, iat tĕ jơnau Jehôwa Yàng Tom Trồ: ‘Jehôwa Yàng Tom Trồ đơs be do mơ ală mơnơm mơ ală dòr, mơ ală croh dà mơ ală thòng mơ ală tiah sang lòi ngềt ngơt, mơ ală ƀòn dờng ò gơs cau ơm, neh gơlik gơs phan phà kơñau mơ dơñŏ tơnhial jơh ală làng bol gam wơl gùt dar in.’

Sră Ôse 2:12

Añ rơp tơnroh ală chi ño mơ chi ƀal khai dê, mơ khai đơs lah: ‘Ală chi do la jền tơngai mơ ală cau añ kòñ gơboh neh ai añ in.’ Añ rơp lơh ală chi hơ̆ gơlik be chi tòm dơr brê, mơ ală phan brê rơp sa loan gơ.

Sră Ôse 8:14

Israel neh hŭi Bơtau crơng gơs bol khai, mơ bơt bơtào ală hìu gơlang; Juda neh bơtơl oă ƀòn dờng kơ̆ cê. Mơya Añ rơp sồr ồs tus hơđang ală ƀòn dờng bol khai dê, mơ gơ rơp sa pơrguc jơh ală tiah kơ̆ cê hơ̆ bol khai dê.

Jôel 2:3

Ồs sa loan di đap bol khai, đah ngkòi bol khai gơs lơmpiat ồs chu pơrguc. Di đap bol khai ù tiah kung be suơn Eden, đah ngkòi bol khai dô nơm ƀlàng ngềt ngơt srau gòi, ò gơs phan lơi klàs bơh gơ.

Lebi 26:16

gen Añ rơp lơh bơta do bol mê in: Añ rơp đùh hơđang bol mê bơta rngòt rngơt dô bă nisơna, bơta kòp jê bơsiă hian mơ kòp prơm tơnroh bơta àng mat bol mê dê mơ pơndut bơta kis bol mê dê. Bol mê rơp sih gar mơ gơlik ò kwơ, bơh ală cau sò tơm bol mê dê rơp sa gơ.

Sôphôni 3:6

Añ neh tơnroh ală làng bol, ală theng kơ̆ cê bol khai dê neh kòl tơnroh. Añ neh lòi ală gùng bol khai dê ngềt ngơt, gen tàng ò gơs cau lơi lòt tềng hơ̆. Ală ƀòn dờng bol khai dê neh kong tơnroh; ò gơs làng bol, ò gơs cau ơm.

Malaci 1:4

Dilah Edôm đơs lah: “Bulah bol hi neh kong bơcah lề, bol hi rơp bơt bơtào wơl ală tiah tơrlah tơrlơm.” Mơya Yàng Jehôwa Gơnap Gơnoar Dờng Làm Jơh đơs lah: “Bol khai rgơi bơt bơtào wơl, mơya Añ rơp sòr tơrlơm, jơl tus di tŭ bol khai geh sơnđan la lơgar iơh bơsak, la dô nơm làng bol mơ Yàng Jehôwa gơjrañ sùm sùm.”

Yal Wơl 28:33

Dô nơm làng bol mơ bol mê ò git rơp sa phan bơh tê mơ ù tiah bol mê neh lơh broă bòl glar nàng gơlik gơs, mơ bol mê ò geh bơta lơi rlau mơ bơta kong rồn bơklơn iơh rmơh tòm jơh rài kis bol mê dê.