Jeremi 5:15 - Sră Goh 2018

¹⁵ Yàng Jehôwa đơs: “Ơ hìu Israel, Añ rơp cèng dô làng bol bơh tiah ngài tus hơ mê, Hơ̆ la dô làng bol kong jai, Dô làng bol neh gơs bơh yau, Dô làng bol mơ jơnau đơs bol khai mê ò git, Bol khai đơs jơnau lơi bol mê kung ò wă wơng.

Jeremi 5:15 Mawu Ofanana

Sơnròp Gơlik Gơs 11:7

Behơ̆, Bol He mù lă, nàng lơh sơlồng sơlàng jơnau đơs bol khai dê, nàng bol khai in ò tòm wă jơnau đơs cau do mơ cau ne.”

Đơs Crih 81:5

Kơnràñ lơh gơs gơnoar sồr lơh nền Jôsep in, Tòm tŭ Kơnràñ lik lòt tòmlơh mơ lơgar Ejiptơ. Añ kơno dô jơnau đơs mơ añ òhềt git, đơs lah:

Esai 28:11

Gen tàng Yàng Jehôwa rơp ngui sơndồi cau lơgar bơdìh mơ jơnau đơs krơi is nàng đơs mơ làng bol do.

Esai 29:3

Añ rơp bơtào sàl gơrwàng gùt dar tòmdră mơ mê, Añ rơp bơt theng gơrwàng gùt dar mê, mơ bơtào gơs kơ̆ bơta gơrwàng tòmdră mơ mê.

Esai 29:6

Yàng Jehôwa Gơnap Gơnoar Dờng rơp còp mê, mơ ntơr kơnàs, gơlơnggơr ù mơ ntas nggồr dờng, càl rbut, mơ lơmpiat ồs sa pơrguc.

Esai 33:19

Mê rơp ò gŏ ală cau jàñ bơsak tai, hơ̆ la làng bol gơs jơnau đơs ndai, jơnau đơs krơi is mơ cau ò rgơi wă wơng.

Esai 39:3

Gen cau gơnoar hwơr Esai tus mơ bơtau Ejekia mơ lùp lah: “Ñchi jơnau ală cau hơ̆ đơs, mơ bol khai tus bơh lơi taih?” Ejekia ho lah: “Bol khai tus mơ añ bơh lơgar ngài, bol khai tus bơh lơgar Babilôn.”

Esai 5:26

Kơnràñ rơp pò tơngguh bồng bi dô nơm làng bol ơm ngài in, Kơnràñ hwac hòi dô nơm làng bol di tiah lồi plai ù. Do, bol khai sơrbac sơrbang tus mhar!

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Jeremi 1:15

Behơ̆ gen, Añ rơp hòi jơh ală jơi bơtiàn ală làng bol đah đang, Yàng Jehôwa đơs behơ̆; bol khai rơp tus, mơ cau lơi kung ơn sơbàn he dê di mpồng dờng Jerusalem, gơrwàng lơh ală dơrñang gùt dar gơ, mơ sò tơm ală ƀòn Juda dê.

Jeremi 2:26

Be dô nă cau ntung kơñau ƀàssìl, tòm tŭ gơkòl kup geh, Behơ̆ sơl hìu Israel kung rơp gơkòl ƀàssìl, Bol khai, ală cau bơtau bol khai dê, ală cau kwang bol khai dê, Ală cau gơnoar ơn phan duh khoai bol khai dê, mơ ală cau gơnoar hwơr bol khai dê, kung rơp ƀàssìl behơ̆.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 4:16

Yal tơnggit tĕ ală lơgar in, “Gơs bol khai tềng do! Yal tĕ Jerusalem in lah: ‘Cau gơrwàng tus bơh tiah ngài, driau nggà tòmdră mơ ală ƀòn dờng Juda dê.

Jeremi 5:11

Bơh hìu Israel mơ hìu Juda jơh ală neh ò dòn song mơ Añ.” Yàng Jehôwa đơs behơ̆.

Jeremi 6:22

Yàng Jehôwa đơs be do: “Ne, dô làng bol tus bơh lơgar đah đang; Dô lơgar dờng bơtào tơngguh bơh tiah lồi plai ù dê.

Jeremi 9:26

hơ̆ la Ejiptơ, Juda, Edôm, kòn sau Ammôn, Môap, mơ jơh ală cau koah sŏ di gah tồr mơ ơm tòm ƀlàng bràs. Bơh jơh ală làng bol do ò kong siat gơltau, mơ jơh hìu Israel neh ò siat gơltau tòm nùs.”

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

Daniel 1:4

ală cau pơnu gơs să jan ò sồt rmàñ, muh mat hàng mơnĕ gơs tơl ală bơta jak chài, àng loh, git wă, chài rgơi duh broă tòm gơlang bơtau, mơ bơto bol khai in cih mơ đơs jơnau Kalde dê.

Daniel 7:7

Tơnơ̆ tai añ tơnggòr sền tòm bơta gơtơnggŏ tòm trồ mang; do, gơs dô nơm phan poan jơng dơ̆ poan gơs rùp să gơlơh rngòt rngơt ngan, gơ jàñ bơsak, mơ pràn kơldang ò git lơh. Gơ gơs sề dờng mơ lòs, gơ kap crè, jan bơcah, mơ ai jơng jă tơnlề phan lơi gam wơl. Gơ krơi is mơ pe nơm phan poan jơng neh tus lài, mơ gơ gơs jơt nơm ngke.

Amôs 6:14

Bơh Jehôwa Yàng Tom Trồ Gơnap Gơnoar Dờng Làm Jơh đơs lah: “Ơ hìu Israel, Añ rơp bơtào tơngguh dô nơm làng bol tòmdră mơ bol mê, gơ rơp rồn bơklơn bol mê bơh Lebo Hamat tus di croh Arabah.”

Habakuk 3:16

Añ kơno mơ añ rơm să tòm añ, Kơno ntas gen sơndồi añ gơ mprơm; Bơta ồm lề gơmut tòm ntìng añ, mơ jơng añ gơrơm hơđơm añ. Behơ̆ añ rơp kơ̆ nùs kơp gơn ngai bơta rung rài la ngai gơ rơp tus hơđang lơgar brồ lơh bol hi.

I Kôrintô 14:21

Tòm bơta boh lam neh cih lah: “Yàng đơs lah: Añ rơp kơnòm di ală cau gơs jơnau đơs ndai, Mơ bơr ală cau crih mat dê, nàng đơs mơ làng bol do; bulah behơ̆ bol khai kung ò bài iat Añ.”

Yal Wơl 28:33

Dô nơm làng bol mơ bol mê ò git rơp sa phan bơh tê mơ ù tiah bol mê neh lơh broă bòl glar nàng gơlik gơs, mơ bol mê ò geh bơta lơi rlau mơ bơta kong rồn bơklơn iơh rmơh tòm jơh rài kis bol mê dê.

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,