Jeremi 5:13 - Sră Goh 2018

¹³ Ală cau gơnoar hwơr mìng la càl khồm lòt gan, bơh ò gơs jơnau Yàng ơm tòm bol khai; Ală bơta hơ̆ rơp lơh gơlik gơs bol khai in.

Jeremi 5:13 Mawu Ofanana

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Sră Jop 6:26

Oh mi kòñ lah pơrhơng jơnau đơs, Mơ sền jơnau đơs dô nă cau ò pơlai să kung be càl khồm?

Sră Jop 8:2

“Nđò jŏ ồng rơp đơs ală jơnau hơ̆ taih? Mơ ală jơnau đơs bơr ồng dê la kung be càl rbut dờng.

Jơnau Pơnđik 25:14

Cau lơi jòng să phan ơn he òhềt ơn, ò gơkrơi be mhwal gơs càl, mơ ò gơs mìu.

Esai 41:29

Ò di, jơh tơl nă bol khai la blac pơrlồm lơm! Broă lơh bol khai dê la ò kwơ, rùp pac sềr bol khai dê kung be càl khồm gòi.

Jeremi 14:13

Gen añ đơs lah: “Ô! Yàng Jehôwa, do ală cau gơnoar hwơr đơs mơ bol khai lah: ‘Bol mê rơp ò gŏ đào tà, hala mê rơp ò gơs jơgloh rung; mơya añ rơp ai bol mê in bơta lơngap lơngai song ngan tòm tiah do.’”

Jeremi 14:15

Gen tàng, Yàng Jehôwa đơs be do bơh ală cau gơnoar hwơr ai sơnđan Añ mơ đơs hwơr, bulah Añ òhềt sồr, mơ bol khai đơs lah: “Đào tà mơ bơta jơgloh rung rơp ò tus hơđang tiah do.” Să tòm ală cau gơnoar hwơr hơ̆ rơp kong tơnroh bơh đào tà mơ bơta jơgloh rung.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 22:22

Jơh ală cau ê belàt bol mê rơp kong càl khồm pơrdô ngài, Ală cau kòñ gơboh mê rơp kong kup cèng pơrdô; Gen mê rơp kong bơta ƀàssìl mơ rngòt rngơt, Bơh jơh ală broă iơh mê dê.

Jeremi 28:3

Tòm bàr sơnam wil tơl, jơh ală phan ngui hìu Yàng Jehôwa dê mơ Nebukatnessar, bơtau Babilôn, neh tă tơlik bơh tiah do cèng tus hơ Babilôn, gen Añ rơp cèng rê wơl tòm tiah do.’

Jeremi 43:2

gen Ajaria kòn klau Hôsaya, Jôhanan kòn klau Kareah, bal mơ ală cau pơnhừ să đơs mơ Jeremi lah: “Mê đơs blac! Jehôwa Yàng Tom Trồ bol hi òhềt tŭ lơi sồr mê yal bol hi in lah: ‘Bañ lòt hơ lơgar Ejiptơ mơ ơm tềng hơ̆.’

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.