Jeremi 5:1 - Sră Goh 2018

¹ Ntoat mơ lòt yơng tĕ làm ală gùng ƀòn dờng Jerusalem, Sền gùt dar mơ kah prap. Jòi tĕ tòm ală hìu dờng jơnum mơ sền, Dilah mê rgơi jòi bàn dô nă cau, lơh bơta song ring, jòi bơta song ngan, Gen Añ rơp toh glài Jerusalem in.

Jeremi 5:1 Mawu Ofanana

I Ală Bơtau 19:10

Khai ho lah: “Añ neh jơh nùs, ngac ngar bơh Jehôwa Yàng Tom Trồ Gơnap Gơnoar Dờng Làm Jơh; bơh làng bol Israel neh sang lòi bơta ho bal Kơnràñ dê, phà tơrlah ală cơnòng duh khoai Kơnràñ dê, mơ tơnchơt ală cau gơnoar hwơr Kơnràñ dê mơ đào; mìng dô nă añ gam wơl, mơ bol khai kung jòi bơta kis añ nàng tơnchơt.”

II Yal Yau 16:9

Bơh Yàng Jehôwa sền sơwì làm plai ù nàng bơtơl pràn ală cau in jơh nùs dòn song mơ Kơnràñ. Bơtau neh lơh dô bơta bơrngơl gơla be do, bơh tŭ do rơp gơs bơta kơlìn sùm hơđang bơtau.”

Đơs Crih 12:1

Ơ Yàng Jehôwa, dan dong kòl bol hi, bơh cau duh rngòt ò gam tai, Mơ cau dòn song neh roh bơh digùl kòn mơnus.

Đơs Crih 14:2

Yàng Jehôwa bơh đang trồ tơmềt sền kòn mơnus, Nàng lòng sền dilah gơs cau lơi jak chài, Mơ jòi jat Yàng Tom Trồ.

Đơs Crih 14:3

Jơh ală bol khai neh lòt tìs nrah, bol khai jơh tơl nă gơlik kră kơldang ndròm bal. Ò gơs dô nă cau lơi lơh bơta niam, Dô nă kung ò sơl.

Đơs Crih 94:16

Ñcau bơh añ mơ guh tòmdră di cau iơh bơsak taih? Ñcau bơh añ ñă ntào tòmdră mơ cau lơh bơta iơh bơsak taih?

Jơnau Pơnđik 20:6

Pơnah oă cau jòng să bơh bơta dòn song he; mơya ñcau rgơi jòi geh dô nă cau nàng gơn kơnòm?

Jơnau Pơnđik 23:23

Blơi tĕ jơnau song, bơta jak chài, bơta bơto pơndòm, mơ bơta àng jak; bañ tŭ lơi tac gơ.

Jơnau Pơnđik 8:3

Rềp di mpồng dờng, di gùng mut tòm dơlam ƀòn, Bơh gùng mut mpồng dờng, bơta jak chài hòi driau lah:

Đơs Chò 3:2

Añ đơs: Añ rơp guh mo tŭ do, lòt gùt dar ƀòn dờng, lòt tòm ală gùng mơ ală hìu dờng nàng jòi cau mơ nùs añ kòñ gơboh. Añ jòi khai mơya ò bàn.

Esai 59:4

Ò gơs cau lơi cèng song ring di pal; ò gơs cau lơi lòt tòm bơta duh rngòt dê bơta boh lam. Bol khai kơnòm di bơta tò să ò kwơ, bol khai đơs blac; Bol khai bun bơta iơh bơsak mơ deh tồi glài dờng.

Jeremi 2:29

Ñchi bơh tài bol mê yoam tòmdră mơ Añ taih? Jơh ală bol mê neh pơrlơ̆ dră tòmdră mơ Añ.” Yàng Jehôwa đơs behơ̆.

Jeremi 44:15

Tŭ hơ̆, jơh ală cau neh git bau ùr he chu kơlhô ală yàng ndai, jơh ală cau ùr ơm tềng hơ̆ pơjum wơl dô mpồl dờng, hơ̆ la ală làng bol ơm tòm lơgar Ejiptơ, tòm Phatrôt, ho mơ Jeremi lah:

Jeremi 8:6

Añ neh ai tồr mơ iat; Mơya bol khai ò đơs bơta song ngan, ò gơs cau lơi gơjrañ sang glài bơta iơh Mơ đơs lah: “Ñchi añ neh lơh taih?” Jơh tơl nă bol khai lòt jat gùng is, Kung be ơseh brồ tơm tòm tiah tòmlơh.

Jeremi 9:2

Ôih! Kơp kòñ añ gơs dô nơm hìu ơpah bic ing tòm ƀlàng bràs! Nàng añ sang lòi làng bol añ Mơ lòt ngài bơh bol khai; Bơh tơl nă bol khai la ală cau rềs àr, Dô mpồl ală cau blac pơrlồm.

Jeremi 9:7

Gen tàng Yàng Jehôwa Gơnap Gơnoar đơs be do: “Añ rơp tiar mơ lòng bol khai; Ñchi Añ pal lơh tai gơwèt mơ tồi glài làng bol Añ jê taih?

Ejekiel 22:30

Añ neh jòi dô nă cau tòm gùl bol khai nàng bơt bơtào wơl dơrñang, ala mat làng bol mơ ntào di đap Añ tòm tiah pah digùl tồ Añ in ò tơnroh gơ; mơya Añ ò jòi bàn dô nă cau lơi.

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Jôel 2:9

Bol gơ brồ tus hơđang ƀòn dờng, ntoat hơđang ală dơrñang, bol gơhào mut tòm ală hìu, bol gơ mut bơh di mpồng dềt kung be ală cau kơñau.

Amôs 8:12

Bol khai rơp lòt bơh dàlềng do tus hơ dàlềng ne, mơ lòt bơh đah đang tus hơ đah mattơngai lik, bol khai ntoat mơ yơng jòi jat jơnau Yàng Jehôwa dê, mơya bol khai rơp ò bàn.

Sacari 2:4

mơ đơs mơ khai lah: “Ntoat tĕ, đơs mơ cau klau pơnu hơ̆ lah: Jerusalem rơp gơlik dô nơm ƀòn dờng ò gơs dơrñang, tài bơh gơs oă ngan cau mơ phan poan jơng ơm tòm hơ̆.

Luka 14:21

Cau dĭ rê wơl, yal bơta hơ̆ mơ cau tòm khai dê. Cau tòm gơjrañ mơ sồr cau dĭ khai lah: ‘Lik lòt tĕ mhar tus tòm ală gùng me mơ ală gùng dềt tòm ƀòn dờng, lam ală cau rƀah lơòi, cau sồt rmàñ, cau jơngo mat, cau kwet gơlte tus hơ do.’

II Tesalônika 2:10

ngui jơh ală bơta blac pơrlồm ò song ring gơwèt mơ ală cau roh rui, tài bơh bol khai ò bài kòñ gơboh jơnau song nàng geh dong klàs.