Jeremi 49:8 - Sră Goh 2018

⁸ Ơ làng bol Dedan, Wèt ngkòi tĕ, dô tĕ, pồn să tòm ală tiah jrô; Bơh Añ rơp lơh bơta rung rài Esau dê tus hơđang gơ, La tŭ Añ rơp lơh glài khai.

Jeremi 49:8 Mawu Ofanana

Esai 2:21

Bol khai rơp dô pồn tòm ală trồm lŭ, tòm ală rgồng lŭ ală cìr, nàng pleh klàs bơh bơta rngòt rngơt Yàng Jehôwa dê, mơ bơh di bơta gơklŏ mơ ryŭ ryơm Kơnràñ dê, tòm tŭ Kơnràñ guh nàng lơh rngòt rngơt tòm plai ù.

Esai 21:13

Jơnau đơs hwơr bơh Arabi: Ơ mpồl cau lòt kă bro Dedan dê, tòm rlau chi tòm tiah ring ƀlàng bràs dê bol mê rơp bic rlô.

Esai 34:5

Tòm tŭ đào Añ jê neh ñô hòm hơđang trồ rau; sền ne, gơ rơp mù hơđang Edôm, hơđang làng bol Añ neh lơh nền jào bơta cahrña.

Jeremi 25:23

Dedan, Thema, Bus, ală cau koah sŏ gùt dar bồ;

Jeremi 46:21

Ală ling tòmlơh ơpah ơm digùl gơ kung be kơnrồ kòn lơmă. Mơya bol khai kung wơlke mơ dô jơh, bol khai ò jai ntào. Bơh ngai rung rài, tơngai lơh glài, neh tus hơđang bol khai rau.

Jeremi 48:28

Ơ làng bol Môap, Sang lòi tĕ ală ƀòn, mơ lòt ơm tòm trồm lŭ; Kung be sềm ntòp Lơh rsòn hơđang bơr cìr jrô.

Jeremi 48:44

Cau lơi dô pleh bơh bơta rngòt rngơt Rơp dùh tòm trồm tơrluh, Cau lơi guh klàs bơh trồm jrô rơp gơkòl di dă pơt. Bơh Añ neh lơh sơnam lơh glài Tus hơđang Môap.” Yàng Jehôwa đơs behơ̆.

Jeremi 48:6

Dô pleh tĕ! Dong klàs bơta kis he! Kung be dô nơm alàng brê tòm ƀlàng bràs!

Jeremi 49:30

Yàng Jehôwa đơs: “Ơ làng bol Hajor, dô mhar tĕ! Pleh ngài tĕ! Pồn tĕ să tòm ală tiah jrô, Bơh Nebukatnessar, bơtau Babilôn, Neh rơndap broă tòmdră mơ bol mê, Lơh nền lơh iơh di bol mê.”

Jeremi 49:32

Ală làkđa bol khai rơp lơh gơs phan phà kup, Mpồl phan poan jơng bol khai rơp lơh gơs phan tòmpìt ai. Añ rơp lơh gơprah gơpring hơ ală jơng trồ Ală cau koah sŏ bìng liang; Añ rơp cèng bơta rung rài bơh làm bă tiah tus hơđang bol khai.” Yàng Jehôwa đơs behơ̆.

Jeremi 50:27

Tơnchơt tĕ ală kơnrồ dam gơ dê, Cèng bol gơ tus tòm tiah lơh poac! Bòl glar bol khai in, bơh ngai bol khai neh tus, Hơ̆ la ngai lơh glài bol khai!

Jeremi 6:1

“Ơ ală kòn sau Benjamin, Lik dô tĕ bơh Jerusalem nàng geh lơngap lơngai. Uh kơlwòk tĕ tòm Tekôa, pò tơngguh bồng bi hơđang Bethakkerem; bơh mƀur bơta iơh tus bơh đah đang, Mơ bơta roh gơprah dờng ngan.

Ejekiel 25:13

gen tàng Jehôwa Yàng Tom Trồ đơs be do: ‘Añ rơp pò tê tòmdră mơ Edôm mơ tơnchơt ală kòn mơnus mơ ală phan poan jơng bol khai dê. Añ rơp lơh gơ in gơlik gơs tiah sang lòi srau gòi, mơ bơh Theman tus Dedan, bol khai rơp gơpừ bơh đào.

Malaci 1:3

Mơya Añ neh kòñ gơboh dê Jakôp, mơ gơjrañ kơuềng dê Esau, mơ Añ neh lơh ală mơnơm khai dê gơlik gơs tiah sang lòi srau gòi, mơ lơh sre brê khai dê gơs tiah ơm ală so brê in tòm ƀlàng bràs.”

Malaci 1:4

Dilah Edôm đơs lah: “Bulah bol hi neh kong bơcah lề, bol hi rơp bơt bơtào wơl ală tiah tơrlah tơrlơm.” Mơya Yàng Jehôwa Gơnap Gơnoar Dờng Làm Jơh đơs lah: “Bol khai rgơi bơt bơtào wơl, mơya Añ rơp sòr tơrlơm, jơl tus di tŭ bol khai geh sơnđan la lơgar iơh bơsak, la dô nơm làng bol mơ Yàng Jehôwa gơjrañ sùm sùm.”

Yal Tơlik 6:15

Gen ală bơtau tòm plai ù, ală cau dờng ryŭ, ală kwang at bồ mpồl ling, ală cau pas gơs, ală cau gơnoar pràn, jơh ală cau dĭ gơna, mơ ală cau geh khat gơboh, bol khai pồn să he tòm ală trồm lŭ mơ digùl ală pơnai lŭ hơđang ală mơnơm.

Ală Kwang Cahrña 6:2

Tê cau Midian dê pha rlau mơ Israel, tài bơh cau Midian gen cau Israel lơh he in ală tiah pồn să tòm ală trồm lŭ tòm mơnơm, ală bơtô mơ ală theng kơ̆ cê.

I Samuel 13:6

Tòm tŭ cau Israel gŏ bol khai kòl tòm bơta sơbơng roh, mơ mpồl ling bol khai dê kòl klơn kơnjơ̆ gen bol khai pồn să tòm rgồng lŭ mơ tòm ală rlau chi digùl lŭ, tòm ală trồm jrô mơ tòm ală tơrlung dà,