Jeremi 49:5 - Sră Goh 2018

⁵ Yàng, la Yàng Jehôwa Gơnap Gơnoar, đơs: “Ne, Añ rơp cèng bơta rngòt rngơt Bơh kòp bă tiah tus hơđang ai; Kòp nă tòm bol ai rơp kong bơtrơh mơ ntoat dô, ò gơs cau lơi tơrgòm wơl ală cau ntoat dô.

Jeremi 49:5 Mawu Ofanana

II Ală Bơtau 19:7

Añ rơp ơn dô nơm hwềng tòm khai, lơh khai in kơno jơnau pơnro, mơ khai rơp rê wơl hơ lơgar tòm khai dê; tềng hơ̆ khai rơp gơpừ chơt bơh đào.”

Sră Jop 15:21

Jơnau driau rngòt bềng trồm tồr bol khai; Tòm bơta pas gơs lơngai lơngò, cau tơnroh rơp brồ tus hơđang bol khai.

Jơnau Pơnđik 28:1

Cau iơh ntoat dô bulah ò gơs cau ting jat; mơya cau song ring pràn kơldang be dô nơm klìu triă.

Esai 16:3

Bol khai hòi dan bơta dong tă: “Dan ai jơnau bơto, dan bơta song ngan. Digùl ngai, jơm mƀur mê dê be trồ mang. Pồn tĕ ală cau gơkòl sang lòi, bañ yă ală cau kòl bơtrơh tơlik.

Jeremi 15:8

Ală cau ùr bơnrau bol khai dê sơlo gơbơtơl oă, rlau mơ bràs dàlềng dê. Añ neh cèng cau tơnroh tus tòm gùl ngai, Nàng sò tơm di mè ală cau pơnu dê. Añ neh cèng bơta jê sồt mơ rngòt rngơt, dùh hơđang ală mè dô bă nisơna.

Jeremi 16:16

Yàng Jehôwa đơs lah: “Tŭ do Añ rơp sồr oă cau dang bơtơng ka, ală cau hơ̆ rơp kup bol khai; tơnơ̆ hơ̆, Añ rơp sồr oă cau lòt mòc, ală cau hơ̆ rơp kup bol khai bơh ală mơnơm, ală dòr, mơ ală tiah gồp lŭ.

Jeremi 20:4

Bơh Yàng Jehôwa đơs be do: ‘Añ rơp phi mê lơh gơs bơta rngòt rngơt să tòm mê in mơ jơh ală cau bơyô mê dê sơl; bol khai rơp chơt bơh đào cau sò tơm bol khai dê, mat mê rơp sền gŏ. Añ rơp phi jơh làng bol Juda tòm tê bơtau Babilôn, khai rơp cèng bol khai tus tòm Babilôn gơs dĭ, mơ ngui đào tơnchơt bol khai.

Jeremi 46:5

Ñchi bơta Añ neh gŏ taih? Bol khai rngòt rngơt, ruc wơl; Ală ling kong lơh gơprah gơpring, sơrbac sơrbang ntoat dô ò sền wơl đah ngkòi. Bơta rngòt rngơt làm jơh gùt dar, Yàng Jehôwa đơs behơ̆.

Jeremi 49:29

Tòmpìt ală sàl mơ mpồl phan poan jơng bol khai Tă cèng jơh ală bài kơrnìng mơ ală phan, Cèng jơh ală làkđa bol khai dê bol mê in, Mơ cau rơp kơno driau dờng: ‘Bơta rngòt rngơt gùt dar!’”

Jeremi 6:25

Bañ lik lòt tòm ƀlàng sre, Hala lòt tòm gùng, Bơh cau sò tơm gơs dô nơm đào, bơta rngòt rngơt gơs tòm kòp đah.”

Ñìm Rac 4:15

Cau driau dờng di bol khai lah: “Lik tĕ ngài, ò goh!” “Lik tĕ ngài! Lik tĕ ngài! Bañ ƀư!” Behơ̆ bol khai gơlik gơs cau dô pleh mơ lòt nrah nring, làng bol tòm ală lơgar driau lah: “Bol khai rơp ò ơm tơn tềng do tai.”

Amôs 4:3

Bơh di tiah tơrluh tòm dơrñang kòp nă bol ai rơp lik lòt song hơđap, mơ bol ai rơp kong sơrbì sang tus tòm Harmôn,” Yàng Jehôwa đơs behơ̆.

Jôsue 2:9

mơ đơs lah: “Añ git lah Yàng Jehôwa neh ai ală ồng in lơgar do, bơta rngòt ală ồng neh dùh hơđang bol hi, tian gơs jơh ală cau tòm lơgar do rngòt gơdô nùs di đap ală ồng.