Jeremi 49:39 - Sră Goh 2018

³⁹ Mơya tòm ală ngai tơnơ̆, Añ rơp cèng ală cau kong kup lơh dĭ Elam dê rê wơl.” Yàng Jehôwa đơs behơ̆.

Jeremi 49:39 Mawu Ofanana

Sră Jop 42:10

Mơ Yàng Jehôwa tơm wơl mơ ai Jop in geh bơta bơtoah bơtoài, tòm tŭ khai neh hòi dan ală cau bơyô khai in, mơ Yàng Jehôwa ai Jop in bàr dơ̆ oă rlau mơ ală phan khai neh gơs bơh lài.

Esai 2:2

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào jơnhoa hơđang rlau jơh ală mơnơm; gơ rơp geh tơngguh jòng rlau mơ ală dòr, mơ jơh ală làng bol rơp lòt kung be dà hòr tus tềng hơ̆,

Jeremi 12:15

Mơya, tơnơ̆ mơ tŭ Añ neh dus rau, Añ rơp nđàc sơngit wơl di bol khai; mơ Añ rơp cèng bol khai wơl hơ sre brê bol khai dê, mơ jơh kòp nă tòm bol khai.

Jeremi 48:47

Mơya, tus di ală ngai lồi dut, Añ rơp cèng ală cau kong kup cèng gơs dĭ rê wơl.” Yàng Jehôwa đơs behơ̆. Jơnau cahrña bơh Môap tus tềng do lơm.

Jeremi 49:38

Yàng Jehôwa đơs: “Añ rơp ơn sơbàn añ tòm Elam; Añ rơp tơnroh jơh bơtau mơ ală kwang at bồ gơ.

Jeremi 49:6

Mơya tơnơ̆ hơ̆, Añ rơp cèng ală kòn sau Ammôn kong kup cèng gơs dĭ rê wơl.” Yàng Jehôwa đơs behơ̆.

Ejekiel 29:14

Añ rơp cèng bol khai rê wơl bơh di tiah bol khai kong kup cèng pơrdô, mơ cèng bol khai rê wơl tòm Phatrôs, la lơgar tòm kơnhwàl bol khai dê. Tềng hơ̆, bol khai rơp gơlik gơs dô nơm lơgar dềt rhền lơbơn lơño.

Ejekiel 38:16

Mê rơp lòt tus tòmdră mơ làng bol Israel Añ jê, kung be dô puk mhwal jơm gòm lơgar. Tòm ală ngai rơp tus, Ơ Gok, Añ rơp cèng mê tus tòmdră mơ lơgar Añ jê, tồ ală làng bol rgơi git Añ tòm tŭ Añ ràng tơlik să tòm Añ sàng goh bơh mê di đap mat bol khai.’”

Ejekiel 39:25

Gen tàng, Jehôwa Yàng Tom Trồ đơs be do: “Tŭ do Añ rơp cèng Jakôp rê wơl bơh di tiah kong kup cèng pơrdô; Añ rơp nđàc sơngit di jơh hìu Israel, mơ Añ rơp ƀoah pơrhiat bơh sơnđan sàng goh Añ jê.

Daniel 10:14

Tŭ do añ lòt tus nàng yal mê in git bơh ală bơta rơp gơlik gơs di làng bol mê dê tòm ală ngai tơnơ̆, bơh bơta gơtơnggŏ do gơwèt hơ tŭ tơngai òhềt tus.”

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Amôs 9:14

Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.

Mice 4:1

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào hơđang tiah jơnhoa rlau jơh ală mơnơm dê, gơ rơp geh yò tơngguh hơđang ală dòr, mơ ală làng bol rơp lòt tus tềng hơ̆ kung be dà hòr.