Jeremi 49:37 - Sră Goh 2018

³⁷ Añ rơp lơh cau Elam in rngòt rngơt di đap cau sò tơm mơ cau jòi bơta kis bol khai.” Yàng Jehôwa đơs: “Añ rơp cèng bơta sơbơng roh, hơ̆ la bơta gơhào gơjrañ dờng Añ jê, tuh hơđang bol khai; mơ sồr đào jat bơh ngkòi, jơl tus di tŭ Añ tơnroh jơh bol khai.”

Jeremi 49:37 Mawu Ofanana

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 48:2

Bơta tiơng pơnro Môap dê ò gam tai, Tòm Hesbôn, cau jòi kai lơh iơh gơ mơ đơs lah: ‘Tus tĕ, tơnroh Môap, nàng gơ ò geh kòp la dô nơm lơgar tai!’ Ơ Metmen, mê kung rơp gơlik gơs kloat; Đào rơp ting jat mê.

Jeremi 48:39

“Ne, gơ neh lề lac mbe lơi! Bol khai pơt wòl mbe lơi! Môap wơlke dô bă ƀàssìl ƀàsso mbe lơi! Môap rơp gơlik gơs bơta dơñŏ tơnhial Mơ bơta rngòt rngơt jơh ală cau ơm gùt dar in.”

Jeremi 49:22

Ne, cau sò tơm par kung be klàng bung, pò pơnđar tòmdră mơ Bôjrah. Ngai hơ̆, nùs ală cau ling Edôm dê gơlik gơs kung be nùs cau ùr ơm jê deh.

Jeremi 49:24

Damas neh gơlik mprơm, wơlke ntoat dô, Bơta rơm să neh kup khai; bơta moat jrùng jê sồt sơmbat kơ̆ khai, Kung be cau ùr ơm deh kòn.

Jeremi 49:29

Tòmpìt ală sàl mơ mpồl phan poan jơng bol khai Tă cèng jơh ală bài kơrnìng mơ ală phan, Cèng jơh ală làkđa bol khai dê bol mê in, Mơ cau rơp kơno driau dờng: ‘Bơta rngòt rngơt gùt dar!’”

Jeremi 49:38

Yàng Jehôwa đơs: “Añ rơp ơn sơbàn añ tòm Elam; Añ rơp tơnroh jơh bơtau mơ ală kwang at bồ gơ.

Jeremi 49:5

Yàng, la Yàng Jehôwa Gơnap Gơnoar, đơs: “Ne, Añ rơp cèng bơta rngòt rngơt Bơh kòp bă tiah tus hơđang ai; Kòp nă tòm bol ai rơp kong bơtrơh mơ ntoat dô, ò gơs cau lơi tơrgòm wơl ală cau ntoat dô.

Jeremi 50:36

Dô nơm đào tòmdră mơ ală cau bơjơu, Bol khai rơp gơlik gơs cau tùl gơla! Dô nơm đào tòmdră mơ ală cau ling jak tòmlơh gơ dê, Tian gơs bol khai rơp kong tơnroh!

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Jeremi 9:15

Behơ̆ gen tàng, Yàng Jehôwa Gơnap Gơnoar, Yàng Tom Trồ Israel dê, đơs be do: “Añ rơp ai làng bol do sa chi bơtang, mơ hùc dà gơs bih khih.

Jeremi 9:16

Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Ejekiel 12:14

Añ rơp rsìh tòm ală càl jơh ală cau ơm gùt dar khai la mpồl cau kwang at bồ bal mơ khai, mơ ală mpồl ling khai dê, mơ Añ rơp tă đào mơ ting jat bol khai.

Ejekiel 32:23

Bơtô ƀồc bol khai dê ơm tòm ală tiah jrô bơtô dê, mơ mpồl ling khai dê ơm bic gùt dar bơtô ƀồc bol khai dê, jơh ală cau kong tơnchơt bơh đào, la ală cau neh rsìh bơta rngòt rngơt hơđang lơgar cau kis dê.

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Ejekiel 5:2

Tòm tŭ ală ngai gơrwàng gùt dar mê dê neh tơl, mê rơp chu dô pơnah pe sŏ hơ̆ tòm dơlam ƀòn dờng. Ai tĕ dô pơnah pe sŏ ndai mơ koh sreh gơ mơ đào gùt dar ƀòn. Lồc behơ̆, rsìh dô pơnah pe sŏ gam wơl tòm càl, mơ Añ rơp tă đào bơh đah ngkòi bol gơ.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.