Jeremi 49:36 - Sră Goh 2018

³⁶ Añ rơp lơh poan gah càl bơh poan đah mum trồ khồm tus tòmdră mơ Elam, rơp lơh nrah nring bol khai tus kòp đah càl hơ̆, bơh ò gơs lơgar lơi mơ ò gơs cau Elam kong kup cèng tus.

Jeremi 49:36 Mawu Ofanana

Đơs Crih 147:2

Yàng Jehôwa bơt bơtào Jerusalem, Kơnràñ pơjum wơl ală cau nrah nring Israel dê.

Esai 11:12

Kơnràñ rơp bơtào dô nơm bồng bi ală lơgar in, mơ rơp pơjum wơl ală cau Israel neh kòl sang lòi; Kơnràñ rơp tơrgòm wơl làng bol Juda neh gơprah gơpring bơh di poan đah plai ù.

Esai 27:13

Tòm ngai hơ̆, dô nơm kơlwòk dờng rơp geh uh. Ală cau neh roh rui tòm Asiri, mơ ală cau neh kòl cèng pơrdô tòm Ejiptơ rơp tus duh khoai Yàng Jehôwa hơđang mơnơm sàng goh tòm Jerusalem.

Esai 56:8

Yàng Jehôwa la Yàng Tom Trồ Bơtau pơjum tơrgòm wơl ală cau nrah nring tòm Israel, đơs lah: “Di gah bol khai la ală cau Añ neh pơjum tơrgòm, Añ rơp pơjum tơrgòm ală cau ndai tai tus bal mơ bol khai.”

Jeremi 30:17

Yàng Jehôwa đơs: ‘Añ rơp ai wơl bơta pràn mê in, Mơ tềl sồt mê dê Añ rơp sơm, Bơh bol khai neh sơnđan mê la cau kong sang lòi: “Hơ̆ la Siôn, ò gơs cau lơi wèt sền tai!”’

Jeremi 49:32

Ală làkđa bol khai rơp lơh gơs phan phà kup, Mpồl phan poan jơng bol khai rơp lơh gơs phan tòmpìt ai. Añ rơp lơh gơprah gơpring hơ ală jơng trồ Ală cau koah sŏ bìng liang; Añ rơp cèng bơta rung rài bơh làm bă tiah tus hơđang bol khai.” Yàng Jehôwa đơs behơ̆.

Ejekiel 5:10

Digùl bol mê, ngan, ală mè bèp rơp sa poac ală kòn bol khai dê, mơ ală kòn rơp sa poac ală mè bèp bol khai dê. Añ rơp tơndùh bơta lơh glài hơđang mê mơ Añ rơp rsìh tòm càl jơh ală cau gam kis mê dê.’”

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Daniel 11:4

Tòm tŭ cau bơtau hơ̆ neh bơtào tơngguh gen lơgar khai dê gơkòl cah is jat poan đah càl hơđang trồ, mơya ò geh lòi pơrdòn kòn sau khai in, kung ò di gơs gơnoar pràn be neh gơs bơh lài; tài bơh lơgar khai dê rơp kòl dus bơh ryas mơ jào phi cau ndai in la cau bơdìh bơh jơi bơtiàn bơtau dê.

Daniel 8:22

Bơh poan nơm ngke gơhòn lik di tiah ngke neh pă; hơ̆ la poan nơm lơgar hơ̆, mơya ò gơs gơnoar pràn ndròm bal.

Daniel 8:8

Be dam gơlik gơs dờng pràn ngan: mơya tòm tŭ gơ neh tus di tiah lồi bơta pràn gơ dê rau, gen ngke dờng gơ dê pă, lòi tiah poan nơm ngke ndai gơhòn lik wèt hơ poan đah càl hơđang trồ.

Amôs 9:9

“Bơh Añ rơp ai jơnau sồr, mơ Añ rơp nggum hìu Israel digùl jơh ală làng bol, mơya ò gơs dô gơnar lơi rơp rung di ù.

Sacari 6:5

Cau gơnrơh ho wơl mơ añ lah: “Hơ̆ la poan nơm hwềng hơđang trồ dê, lik bơh di tiah bol gơ ơm ntào di đap mat Yàng jơh ală trồ tiah dê.

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.

Yal Tơlik 7:1

Tơnơ̆ mơ hơ̆ añ gŏ poan nă cau gơnrơh ơm ntào di poan đah plai ù, kup wơl poan nơm càl plai ù dê, tồ ò gơs càl lơi khồm hơđang plai ù, hơđang dàlềng hala hơđang chi che.