Jeremi 49:31 - Sră Goh 2018

³¹ Yàng Jehôwa đơs: “Ñă tĕ, lòt tòmlơh mơ làng bol kis lơngap lơngai Ơm ring lơngai. Mpồng dờng ò til, ò gơs kơrnal, Ơm is dô bă tiah.

Jeremi 49:31 Mawu Ofanana

Đơs Crih 123:4

Jŏ ir hwềng soàn bol hi kong Bơta dơñŏ tơnhial cau ơm ru să dê, la bơta sền òsơp cau pơnhừ să dê.

Đơs Crih 73:12

Hơ̆ la bơta lơh lòt ală cau iơh bơsak dê; Bol khai ơm lơngai sùm, phan mơna bol khai dê gơbơtơl oă.

Esai 32:11

Rơm să tĕ, bol ai la ală cau ùr ơm lơngai! Rngòt rơm să tĕ, bol ai la ală kòn ùr kơlôi geh hừh nùs! Hồ tĕ ồi ào bol ai dê mơ ơm să kuh; soh tĕ ƀào sơnò kiat gùt dar but.

Esai 32:9

Ơ bol ai la ală cau ùr kơlôi hừh nùs is, guh tĕ mơ iat jơnau Añ! Ơ bol ai la ală kòn ùr kơlôi neh hừh nùs, iat tĕ jơnau Añ đơs!

Esai 42:11

Lòi ƀlàng ngềt ngơt mơ ală ƀòn dờng tòm hơ̆ tơlik sap gơ dê, lòi ală ƀòn la tiah Kedar ơm, chò hòp tĕ Lòi làng bol Sela hòn chò đơs chò tĕ, lòi bol khai driau dờng tĕ hơđang ală bồ mơnơm.

Esai 47:8

Gen tàng tŭ do iat tĕ bơta do, ơ bol ai la cau kòñ bơta niam nùs; la cau nggui ơm lơngai lơngò, mơ đơs is lah: “Añ do, rlau mơ añ ò gơs cau lơi ndai tai! Añ rơp ò tŭ lơi ơm bơnrau, hala git bơta roh kòn.”

Jeremi 48:11

Môap ơm lơngai lơngò bơh tŭ gam kơnòm să, Kung be tơrnòm neh soat, Òhềt tuh bơh gri do tus hơ gri ne, Kung òhềt kong kup cèng pơrdô; Gen tànggơ gam bơkah, mơ ƀô gơ òhềt roh.”

Ejekiel 30:9

Tòm ngai hơ̆, Añ rơp sồr cau kong sồr lòt tòm ơhò tus lơh cau Ethiôpi ơm lơngap lơngai in pal rngòt rngơt. Bơta moat jrùng rơp tus hơđang bol khai tòm ngai rung rài Ejiptơ dê; bơh bơta hơ̆ ngan rơp tus.

Ejekiel 38:11

Mê rơp đơs lah: ‘Añ rơp guh tòmdră mơ lơgar ală ƀòn ò gơs dơrñang; añ rơp brồ lơh dô nơm làng bol ơm ring lơngai, jơh tơl nă bol khai ơm tòm ală tiah ò gơs dơrñang, ò gơs mpồng mơ gai kal mpồng.

Ejekiel 39:6

‘Añ rơp tơndùh ồs hơđang Magok, mơ hơđang ală cau ơm lơngap lơngai di gah dàlềng; mơ bol khai rơp git Añ la Yàng Jehôwa.

Mice 7:14

Ê gàr tĕ làng bol mê dê mơ gai jra mê dê, la mpồl belàt gơrê bal mê dê, ơm kis is tòm brê, ơm digùl dô nơm suơn tòm lơgar. Lòi tĕ bol gơ in sa ñhơt tòm Basan mơ Galaat kung be tòm ală ngai yau òr.

Nahum 1:12

Yàng Jehôwa đơs be do: “Bulah bol khai gơs oă pràn mơ gal ngan cau, bol khai rơp kong tơnroh mơ sang ngài. Bulah Añ neh lơh jê sồt mê in, Añ rơp ò lơh bòl glar jê sồt mê in tai.

Sôphôni 2:15

Do ngan la dô nơm ƀòn dờng ò càng kơlôi rcang, ơm lơngap lơngai. Gơ đơs is tòm nùs lah: “Añ do, rlau mơ añ gơs cau lơi ndai tai sơl ơ”? Mơya gơ neh gơlik gơs tiah sang lòi ngềt ngơt, la tiah ơm ală phan poan jơng tòm brê! Jơh ală cau lòt gan gơ rơp hwac mơ rtơs tê.

Khà Làng Bol 23:9

Bơh hơđang bồ mơnơm lŭ, añ sền gŏ bol khai; bơh di hơđang ală dòr añ neh gŏ bol khai. Añ gŏ dô nơm làng bol ơm kis cah is, mơ ò kòp să tòm bol khai la dô nơm làng bol tòm ală làng bol.

Yal Wơl 33:28

Behơ̆ Israel rơp kis tòm bơta lơngap lơngai, Jakôp kis tòm bơta lơngap lơngai tòm lơgar gơs kòi mbo mơ tơrnòm, la tiah ală tap trồ dùh dà mơryuh.