Jeremi 49:30 - Sră Goh 2018

³⁰ Yàng Jehôwa đơs: “Ơ làng bol Hajor, dô mhar tĕ! Pleh ngài tĕ! Pồn tĕ să tòm ală tiah jrô, Bơh Nebukatnessar, bơtau Babilôn, Neh rơndap broă tòmdră mơ bol mê, Lơh nền lơh iơh di bol mê.”

Jeremi 49:30 Mawu Ofanana

Esai 10:7

Mơya hơ̆ ò di la bơta khai lơh nền, hơ̆ ò di la bơta khai kơlôi tòm dơngoh; mơya tòm nùs khai dê la kòñ tơnroh, mơ pơndut oă làng bol.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 27:6

Tŭ do, Añ neh phi ală lơgar do tòm tê Nebukatnessar, bơtau Babilôn dĭ gơna Añ; Añ kung ai ală phan poan jơng tòm brê nàng dong broă khai sơl.