Jeremi 49:3 - Sră Goh 2018

³ “Ơ Hesbôn, ñìm rac tĕ, bơh Ahi neh kong phà tơrlah! Ơ kòn ùr Rapbah, driau nggà tĕ! Soh tĕ ào ƀào sơnò kiat, ñìm rac tĕ, mơ sơyoă să tòm bol mê mơ gai sơyoă! Bơh Milkôm rơp kong kup cèng gơs dĭ bal mơ ală cau gơnoar ơn phan duh khoai mơ ală kwang at bồ gơ dê.

Jeremi 49:3 Mawu Ofanana

II Samuel 11:1

Tòm kơnhai phàng, tŭ ală cau bơtau lik lòt tòmlơh, Dabit sồr Jôap lik lòt bal mơ ală cau duh broă bơtau dê mơ jơh mpồl ling Israel dê; bol khai tơnroh cau Ammôn mơ gơrwàng gùt dar Rapba. Mơya Dabit ơm wơl tòm Jerusalem.

I Ală Bơtau 11:33

Bơta do la tài bơh khai neh sang lòi Añ, lòt duh khoai Astarte yàng ùr Sidôn dê, Kemôs yàng lơgar Môap dê, mơ Milkôm yàng làng bol Ammôn dê. Khai ò lòt tòm ală gùng dà Añ jê, ò lơh ală bơta song ngan di đap Añ, mơ kung ò prap gàr bơta sồr lam mơ bơta boh lam Añ jê, be Dabit bèp khai neh lơh.

I Ală Bơtau 11:5

Bơh Salômôn duh khoai Astarte, yàng ùr cau Sidôn dê, mơ yàng Milkom, la yàng ngkòr ngkàc cau Ammôn dê.

II Ală Bơtau 23:13

Bơtau kung lơh ƀơ̆ ƀơl ală tiah jơnhoa ơm di đah mattơngai lik Jerusalem, di đah đơm mơnơm Bơta Tơnroh, la ală tiah Salômôn bơtau Israel neh bơt bơtào nàng duh khoai Astarte, rùp ràk cù kìr cau Sidôn dê, Kemôs rùp ràk cù kìr cau Môap dê, mơ Milkôm, rùp ràk cù kìr cau Ammôn dê.

Ejra 2:28

mpồl Betel mơ Ahi dê la bàr rhiang bàr jơt pe nă.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Esai 14:31

Ơ mpồng ƀòn, ñìm rac tĕ! Ơ ƀòn dờng, nggà driau tĕ! Ơ jơh tơl nă cau Philistin, lề lac tĕ! Bơh ñhŭ tus bơh đah đang, mơ ò gơs dô nă cau lơi sang lòi mpồl ling he dê.”

Esai 15:2

Cau Dibôn lòt tus hơ bơmồng nàng duh khoai, guh hơđang ală tiah jơnhoa nàng ñìm. Cau Môap ñìm rac pơt wòl bơh Debô mơ Medeba. Kòp nơm bồ neh kơlờl, mơ kòp nơm sơnò tềp neh koah.

Esai 16:7

Gen tàng cau Môap rơp ñìm rac, jơh tơl nă ñìm rac bơh Môap. Pơt wòl tĕ mơ moat jrùng bơh piang lă plai ño Kir Hareset dê.

Esai 23:1

Jơnau đơs hwơr bơh Tirơ: Ơ ală ơhò Tarsi, ñìm rac tĕ! Tài bơh Tirơ neh kong tơnroh, ò gam hìu tum hala gùng lòt! Tòm tŭ bol khai tus bơh Kittim, bol khai neh git bơh jơnau yal hơ̆.

Esai 23:6

Tiă tĕ tus hơ Tarsi; ñìm rac tĕ, ơ làng bol ơm rò gah dàlềng.

Jeremi 4:8

Tài bơh bơta do, ală bol mê soh tĕ ƀào sơnò kiat, Ñìm rac mơ pơt wòl lah: Bơta gơhào gơjrañ dờng Yàng Jehôwa dê òhềt pleh ngài bơh di bol hi.”

Jeremi 46:25

Yàng Jehôwa Gơnap Gơnoar Dờng, Yàng Tom Trồ Israel dê, đơs lah: “Do, Añ rơp lơh glài Ammôn, la yàng Nô dê, bal mơ Pharaôn, mơ Ejiptơ, bal mơ ală yàng mơ ală bơtau gơ dê: hơ̆ la Pharaôn bal mơ ală cau gơn kơnòm di khai.

Jeremi 48:2

Bơta tiơng pơnro Môap dê ò gam tai, Tòm Hesbôn, cau jòi kai lơh iơh gơ mơ đơs lah: ‘Tus tĕ, tơnroh Môap, nàng gơ ò geh kòp la dô nơm lơgar tai!’ Ơ Metmen, mê kung rơp gơlik gơs kloat; Đào rơp ting jat mê.

Jeremi 48:20

Môap kong ƀàssìl ƀàsso, bơh gơ neh lề lac. Pơt wòl tĕ! Ai jơnau hòi driau tĕ di gah hiòng Arnôn! Yal tơlik tĕ tòm tiah Arnôn lah Môap neh kong phà tơnroh.

Jeremi 48:37

Kòp nơm bồ neh koah jơh, kòp sơnò tềp gen koh jơh; kòp nơm tê gen kong tềl reh, kòp nơm but soh ƀào sơnò kiat.

Jeremi 48:7

Ngan behơ̆, bơh mê neh gơn kơnòm di pràn tòm mê dê mơ phan màng mê dê, Gen mê kung rơp kong tòmpìt ai, Kemôs rơp kong cèng pơrdô Bal mơ ală cau gơnoar ơn phan duh khoai mơ ală kwang bàng gơ.

Jeremi 49:1

Bơh kòn sau Ammôn, Yàng Jehôwa đơs be do: “Israel ò gơs kòn klau ơ? Ò gơs cau pơrdòn jơtài ơ? Gen ñchi bơh tài Milkôm ai Gat lơh gơs sre brê, mơ làng bol khai ơm tòm ală ƀòn Gat dê taih?”

Jeremi 51:8

Babilôn nisơna kong tuh tơlup mơ bơcah lề lac. Ñìm rac tĕ bơh gơ! Ai tĕ sơnơm ƀô sơm bơta jê sồt gơ; Digơlan gơ rơp geh sơmbòi

Jeremi 6:26

Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Amôs 1:15

Gen bơtau bol khai dê rơp kong kup cèng hơ lơgar ngài, khai bal mơ ală cau kwang duh broă khai dê,” Yàng Jehôwa đơs behơ̆.

Sôphôni 1:5

Mơ ală cau kun bồ hơđang rkàng hìu mơ duh khoai ală mpồl ling hơđang trồ, ală cau kun bồ ai sơnđan Yàng Jehôwa mơ srat să mơ kung ai sơnđan Milkom mơ srat să;

Jakơ 5:1

Tŭ do, ơ oh mi la ală cau pas sơm! Ñìm rac tĕ, hòi driau tài bơh ală bơta rung rài rơp tuh hơđang bol mê.

Jôsue 7:2

Jôsue sồr cau lòt bơh Jerikô tus hơ Ahi rềp Bet Aben đah mattơngai lik Betel dê, mơ đơs mơ bol khai lah: “Guh tĕ sền òm ù tiah hơ̆.” Gen ală cau hơ̆ guh sền òm ƀòn Ahi.

Jôsue 8:1

Gen Yàng Jehôwa đơs mơ Jôsue lah: “Mê bañ rngòt, bañ gơplơ̆ nùs; lam tĕ jơh cau ling tòmlơh bal mơ mê, mơ guh tus hơ Ahi, bơh Añ neh jào tòm tê mê bơtau Ahi dê, bal mơ làng bol, ƀòn dờng mơ lơgar khai dê.

Jôsue 8:28

Behơ̆ Jôsue neh chu ƀòn Ahi, mơ neh lơh gơ in gơlik dô gơnru tơrlah tơrlơm gam sùm sùm, be gơ gơs tus di ngai do.