Jeremi 49:22 - Sră Goh 2018

²² Ne, cau sò tơm par kung be klàng bung, pò pơnđar tòmdră mơ Bôjrah. Ngai hơ̆, nùs ală cau ling Edôm dê gơlik gơs kung be nùs cau ùr ơm jê deh.

Jeremi 49:22 Mawu Ofanana

Đơs Crih 18:5

Ală che lơgar Làng ƀồc dê neh kơt gơrwàng añ, Ală dă bơta chơt dê gòc kup añ.

Jơnau Pơnđik 30:19

La gùng klàng bung par hơđang trồ; gùng dô nơm bơs wìn hơđang pơnai lŭ; gùng ơhò lòt tòm dàlềng, mơ gùng bic bal cau ùr mơ cau klau dê.

Esai 11:14

Mơya bol khai rơp brồ tơm bơh hơđang ngkòi cau Philistin dê đah mattơngai mut; Bol khai lơh gơs dô bă bal nàng phà tòmpìt làng bol đah mattơngai lik. Bol khai rơp ơn tê tòmdră mơ Edôm mơ Môap, mơ cau Ammôn rơp dòn duh bol khai.

Esai 13:8

Bol khai rơp rngòt rngơt, bơta jê sồt oă ngan rơp kup geh bol khai; bol khai kong jê sồt be cau ùr jê deh. Bol khai rơp sền rmê bal mơ gơp muh mat bol khai be ồs hơng.

Esai 21:3

Gen tàng but añ jê sồt ngan, ală bơta jê neh gơrwàng añ, kung be bơta jê deh cau ùr dê; añ kun tơmù gen tàng añ ò rgơi kơno, Añ rngòt rngơt gen tàng añ ò rgơi gŏ!

Esai 26:17

Be dô nă cau ùr bun mòr deh, jê sồt mơ nggà ñìm jê deh tòm tŭ di di tŭ khai dê.

Jeremi 13:21

Ñchi ai rơp đơs tòm tŭ bol khai geh at bồ hơđang ai, la ală cau mơ ai neh bơto Lơh gơs cau dô bă bal mơ ai? Bơta jê sồt rơp ò sơmbat kup ai, Kung be cau ùr jê deh ơ?

Jeremi 22:23

Mê la cau ơm tòm Liban lơh rsòn tòm chi pơnggŏ ne, Ngan mê rơp rơnđơh tòm tŭ bơta jê sồt tus hơđang mê, Jê sồt kung be cau ùr jê deh.”

Jeremi 30:6

Lòt sền tĕ, lùp tĕ Di ngan cau klau deh kòn sơl? Ñchi bơh tài Añ gŏ kòp nă cau klau gen ai tê he ơn di but he tòm toh be cau ùr jê deh taih? Ñchi bơh tài muh mat cau lơi kung pàl lơm?

Jeremi 4:13

Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Jeremi 4:31

Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Jeremi 49:24

Damas neh gơlik mprơm, wơlke ntoat dô, Bơta rơm să neh kup khai; bơta moat jrùng jê sồt sơmbat kơ̆ khai, Kung be cau ùr ơm deh kòn.

Jeremi 50:36

Dô nơm đào tòmdră mơ ală cau bơjơu, Bol khai rơp gơlik gơs cau tùl gơla! Dô nơm đào tòmdră mơ ală cau ling jak tòmlơh gơ dê, Tian gơs bol khai rơp kong tơnroh!

Jeremi 50:43

Bơtau Babilôn neh kơno yal tơnggit behơ̆, gen tê khai gơlik òsô; bơta jê sồt sơmbat khai tian gơs khai jê sồt be cau ùr jê deh.

Jeremi 6:24

“Bol he neh kơno jơnau yal bơh bol khai, Tê bol hi gơrung ò gơs bơta dong kòl; Bơta jê sồt sơmbat kup bol hi, Bơta jê sồt be dô nă cau ùr deh kòn.

Daniel 7:4

Phan poan jơng sơnròp gơlơh be klìu triă, mơ gơs pơnđar be klàng bung. Añ tơnggòr sền jơl tus di tŭ ală pơnđar gơ kong dơrpă jơh, să jan gơkòl yò tơngguh bơh di ù, gơ ơm ntào mơ bàr đah jơng be kòn mơnus, mơ gơ dòp geh nùs nhơm kòn mơnus dê.

Sră Ôse 8:1

Ơn tĕ kơlwòk di sơndồi mê! Cau sò tơm gơlơh be klàng bung neh tus hơđang hìu Yàng Jehôwa dê, tài bơh bol khai neh sang lòi bơta ho bal Añ jê, mơ neh lòt rlau ir mơ bơta boh lam Añ jê.

Apdia 1:9

Ơ Theman, ală cau ling jak mê dê rơp gơdô nùs, mơ jơh ală cau tòm mơnơm Esau dê rơp kong tơnchơt.

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.