Jeremi 49:20 - Sră Goh 2018

²⁰ Behơ̆ iat tĕ bơta Yàng Jehôwa neh lơh nền tòmdră mơ Edôm, mơ tơnggume broă Kơnràñ neh bơtào tòmdră mơ làng bol Theman: Ngan ală kòn dềt tòm mpồl bol khai rơp kong hwài lòt; nền cê ngan mpồl bol khai rơp kong rngòt rngơt.

Jeremi 49:20 Mawu Ofanana

Đơs Crih 33:11

Bơta bơyai Yàng Jehôwa dê ơm kơ̆ sùm sùm, Ală bơta kơlôi sơnơng tòm nùs Kơnràñ dê gam jơl jơh ală rài.

Jơnau Pơnđik 19:21

Tòm nùs kòn mơnus gơs oă kai gơrmơ̆i; mơya nùs kòñ Yàng Jehôwa dê rơp gơlik gơs.

Jeremi 37:10

Bulah bol mê tơnroh jơh mpồl ling Kalde dê, la cau neh tus tòmlơh mơ bol mê, tòm mpồl bol khai mìng gam wơl ală cau kong sồt rmàñ ơm wơl tòm sàl, bol khai kung bơtào wơl mơ ngui ồs chu ƀòn do.”

Jeremi 49:13

Yàng Jehôwa đơs: “Bơh Añ neh sơnio să tòm Añ mơ srat să, Bôsra rơp gơlik gơs cù kìr mơ sền òsơp, kong phà tơrlah mơ srat sơntơm; ală ƀòn gơ dê rơp gơlik gơs dô gơnru lề lac jơl sùm sùm.”

Jeremi 49:7

Bơh Edôm. Yàng Jehôwa Gơnap Gơnoar đơs be do: “Tòm Theman ngan ò gam gơs bơta jak chài ơ? Ală cau cri bơyai neh roh bơta chài rgơi rau ơ? Bơta jak chài bol khai dê neh roh rau ơ?

Jeremi 50:45

Behơ̆ iat tĕ bơta rơndap Yàng Jehôwa neh rcang tòmdră mơ Babilôn, mơ tơnggume broă Kơnràñ neh bơtào tòmdră mơ lơgar cau Kalde. Ngan, ală kòn dềt tòm mpồl bol khai neh kong hwài lòt, ƀlàng ñhơt bol khai dê gơlik gơs tiah ngềt ngơt!

Amôs 1:12

Añ rơp sồr ồs tus hơđang Theman, gơ rơp chu pơrguc jơh ală gơlang kơ̆ cê Bôjra dê.”

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Broă 4:28

nàng lơh gơlik gơs ală broă gơnap gơnoar mơ nùs kòñ Kơnràñ dê neh lơh nền lài.

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.