Jeremi 49:19 - Sră Goh 2018

¹⁹ Gơ kung be klìu triă guh bơh ală brê me Jordan dê guh tus hơ ală ƀlàng ñhơt tơlir sùm. Nisơna Añ rơp lơh Edôm in ntoat dô, mơ Añ rơp bơtào cau mơ Añ neh sac rwah nàng at bồ gơ: Bơh ñcau be Añ taih? Ñcau khin pơrlòng mơ Añ taih? Gơs cau ê belàt lơi rgơi ntào di đap Añ sơl?

Jeremi 49:19 Mawu Ofanana

I Yal Yau 12:15

Bol khai la ală cau neh tiă hiòng Jordan tòm kơnhai dùl tòm tŭ dà guh bam jơh bàr gah, mơ bol khai ting bơtrơh jơh ală cau ơm tòm ală thòng, tus hơ đah mattơngai lik mơ tus hơ đah mattơngai mut.

II Yal Yau 20:6

mơ đơs lah: “Ơ Yàng Jehôwa la Yàng Tom Trồ ală ồng pàng bol hi dê, Kơnràñ ò di la Yàng Tom Trồ ơm hơđang trồ ơ? Kơnràñ ò di at bồ hơđang jơh ală lơgar ală làng bol ò ơ? Tòm tê Kơnràñ gơs gơnap gơnoar mơ gơnoar pràn, gen tàng ò gơs cau lơi rgơi ntào jai di đap Kơnràñ.

Sră Jop 41:10

Ală lơmpiat ồs gơbruh bơh di bơr gơ dê, Mơ ală kơmbuh ồs gơđat gùt dar.

Sră Jop 9:19

Dilah đơs bơh bơta pràn gen Kơnràñ la Bơtau gơs gơnoar pràn. Dilah đơs bơh bơta song ring gen ñcau rgơi yă Kơnràñ taih?

Sră Jop 9:21

Bulah añ wil tơl, añ kung ò git să tòm añ jê, Añ sền cù kìr dê bơta kis añ jê.

Đơs Crih 143:2

Dan bañ cahrña di cau duh broă Kơnràñ dê, Bơh ò gơs cau kis lơi la song ring di đap Yàng.

Đơs Crih 76:7

Mơya Yàng la pal rngòt ngan! Tòm tŭ Yàng gơhào gơjrañ gen ñcau rgơi ntào jai di đap Kơnràñ taih?

Đơs Crih 76:8

Bơh đang trồ Yàng tơlik jơnau cahrña; Plai ù rngòt rngơt mơ ơm mŏ mŏ.

Đơs Crih 89:6

Hơđang ală tap trồ, ñcau geh pơndròm bal mơ Yàng Jehôwa taih? Digùl ală cau hơđang trồ, ñcau geh ndròm be Yàng Jehôwa taih?

Đơs Crih 89:8

Ơ Jehôwa Yàng Tom Trồ Gơnap Gơnoar Dờng Làm Jơh dê, ñcau gơs gơnap gơnoar ndròm be Yàng taih? Ơ Yàng Jehôwa, bơta dòn song Yàng dê ơm gùt dar Kơnràñ.

Lik Ejiptơ 15:11

Ơ Yàng Jehôwa! Digùl ală yàng, ñcau ndròm be Kơnràñ taih? Ñcau rgơi ndròm be Kơnràñ, ryŭ ryơm tòm bơta sàng goh, Pal rngòt rngơt tòm bơta gơklŏ, lơh ală bơta krơi tềl is?

Esai 40:25

Bơtau Sàng Goh đơs lah: “Bol mê pơndròm Añ mơ ñcau, hala ñcau ndròm be Añ taih?”

Esai 46:9

Kah tĕ ală bơta bơh yau òr; Añ la Yàng Tom Trồ, mơ ò gơs yàng lơi ndai tai; Añ la Yàng Tom Trồ, mơ ò gơs cau lơi ndròm bal be Añ.

Jeremi 12:5

“Dilah mê ntoat pơrlòng bal mơ cau ntoat mơ jơng, mơ gam bòl glar, Gen mbe rgơi ntoat pơrlòng mơ ơseh taih? Tòm tŭ lơgar ơm ring lơngai mơ mê gơtup pừ, Mbe mê rơp lơh mơ tòm tŭ hiòng Jordan ngơr?

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 30:21

Ală kwang bơtau la cau tòm bol khai dê, Cau at bồ rơp gơlik gơs bơh digùl bol khai. Añ rơp cèng khai tus rềp, gen khai rơp tus rềp mơ Añ; Bơh ñcau neh gơs bơta khin cha tus rềp mơ Añ taih? Yàng Jehôwa đơs behơ̆.

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Daniel 7:4

Phan poan jơng sơnròp gơlơh be klìu triă, mơ gơs pơnđar be klàng bung. Añ tơnggòr sền jơl tus di tŭ ală pơnđar gơ kong dơrpă jơh, să jan gơkòl yò tơngguh bơh di ù, gơ ơm ntào mơ bàr đah jơng be kòn mơnus, mơ gơ dòp geh nùs nhơm kòn mơnus dê.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Sacari 11:3

Iat tĕ jơnau pơt wòl ală cau ê belàt dê; bơta gơklŏ bol khai dê gơkòl lơh gơprah; Iat tĕ sap ơluh ơhùm ală klìu triă dê; ală rlau chi Jordan dê neh kòl tơnroh!

Khà Làng Bol 16:5

Gen khai đơs mơ Kôra mơ jơh ală cau jat khai lah: “Àng drim hìng gen Yàng Jehôwa rơp ràng tơlik ñcau la cau gơrê bal mơ Kơnràñ mơ ñcau la sàng goh, mơ Kơnràñ rơp lơh cau hơ̆ tus rềp mơ Kơnràñ. Cau mơ Yàng Jehôwa sac rwah gen Kơnràñ rơp lơh cau hơ̆ in tus rềp mơ Kơnràñ.

Jôsue 3:15

Tŭ hơ̆, dà Jordan tih dờng bam jơh bàr gah hiòng jơh tòm kơnhai toès. Mơya tòm tŭ ală cau gơnoar ơn phan duh khoai tùng Đài Bơta Ho Bal tus di hiòng Jordan mơ tòm tŭ mpàng jơng bol khai dê jă di gah dà,

Yal Tơlik 6:17

Bơh ngai dờng bơta gơjrañ dờng Kơnràñ dê neh tus, ñcau rgơi ntào jai taih?”