Jeremi 49:13 - Sră Goh 2018

¹³ Yàng Jehôwa đơs: “Bơh Añ neh sơnio să tòm Añ mơ srat să, Bôsra rơp gơlik gơs cù kìr mơ sền òsơp, kong phà tơrlah mơ srat sơntơm; ală ƀòn gơ dê rơp gơlik gơs dô gơnru lề lac jơl sùm sùm.”

Jeremi 49:13 Mawu Ofanana

Sơnròp Gơlik Gơs 22:16

Yàng Jehôwa đơs lah: “Bơh mê neh lơh bơta hơ̆, ò pơlai kòn klau mê, hơ̆ la kòn dùl mê dê, gen Añ ai să tòm Añ mơ ho bal lah:

Sơnròp Gơlik Gơs 36:33

Chơt bơtau Bela, gen Jôbap kòn klau Jerah dê, cau Bôsra, at bồ ala khai.

I Yal Yau 1:44

Tòm tŭ Bela chơt, Jôbap kòn klau Jera ơm tòm Bôsra tơrbŏ sơbàn khai dê.

Esai 34:6

Yàng Jehôwa gơs dô nơm đào; gơ neh hòm bơh mhàm, neh sa hòm bơh dơngi, mhàm ală belàt kòn mơ ală be, dơngi leh ală belàt dam dê. Bơh Yàng Jehôwa gơs phan ơn pơdơng tòm Bôjra, mơ gơs bơta hàl tơnchơt dờng tòm ù tiah Edôm.

Esai 45:23

Añ neh ai să tòm Añ mơ srat să, bơr Añ neh đơs tòm bơta song ring, dô jơnau rơp ò tŭ lơi rê wơl: Di đap Añ jơh ală gơltang rơp cùn, kòp nơm lơmpiat rơp srat să ho nền.

Esai 63:1

Cau do la ñcau mơ tus bơh Edôm, bơh Bôjra, soh ào ñòm dà pơrhê taih? Cau do la ñcau mơ soh ào jrùh ryŭ ryơm, ai gơnoar pràn dờng khai dê mơ cơnđòa khin cha taih? “Hơ̆ la să tòm Añ, la Bơtau đơs bơta song ring, gơs gơnoar pràn nàng dong klàs.”

Jeremi 18:16

Gen tàng lơgar bol khai gơlik ngềt ngơt, Lơh gơs bơta dơñŏ tơnhial sùm sùm; Kòp nă cau lòt gan gen mơp dơl Mơ rtơs bồ.

Jeremi 19:8

Añ rơp lơh ƀòn dờng do gơlik gơs dô nơm phan cau in dơñŏ tơnhial bơh ală bơta rung rài gơ dê.

Jeremi 44:26

Gen tàng, ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa. Yàng Jehôwa đơs: Do Añ rơp ai sơnđan dờng Añ mơ srat să, rơp ò gơs dô nă cau Juda lơi tòm jơh lơgar Ejiptơ pò bơr đơs bơh sơnđan Añ tai mơ đơs lah: ‘Ngan kung be Yàng Jehôwa kis gam sùm sùm!’

Jeremi 48:24

Keriôt, Bôjrah, mơ hơđang jơh ală ƀòn tòm lơgar Môap, tiah rềp mơ ngài.”

Jeremi 49:22

Ne, cau sò tơm par kung be klàng bung, pò pơnđar tòmdră mơ Bôjrah. Ngai hơ̆, nùs ală cau ling Edôm dê gơlik gơs kung be nùs cau ùr ơm jê deh.

Jeremi 51:14

Yàng Jehôwa Gơnap Gơnoar neh ai să he mơ srat să lah: ‘Añ ngan rơp lơh mê in bềng mpồl ling, gal be srah nting; rơp driau bơta pha lin hơđang mê.’

Jôel 3:19

Mơya Ejiptơ rơp gơlik gơs tiah sang lòi ngềt ngơt, Edôm rơp gơlik gơs ƀlàng ngềt ngơt srau gòi, tài bơh bol khai lơh bơta iơh bơsak gơwèt hơ làng bol Juda mơ lơh gơtuh mhàm ò gơs glài tòm ù tiah hơ̆.

Amôs 1:12

Añ rơp sồr ồs tus hơđang Theman, gơ rơp chu pơrguc jơh ală gơlang kơ̆ cê Bôjra dê.”

Amôs 6:8

Jehôwa Yàng Tom Trồ neh srat să mơ să tòm Kơnràñ; Jehôwa Yàng Tom Trồ Gơnap Gơnoar Dờng làm Jơh đơs lah: “Añ cù kìr di bơta pơnhừ să Jakôp dê, mơ gơjrañ mañ di ală gơlang kơ̆ cê khai dê; Añ rơp jào phi ƀòn dờng mơ jơh ală phan tòm hơ̆.”

Apdia 1:18

Hìu Jakôp rơp la ồs, mơ hìu Jôsep rơp la lơmpiat ồs; hìu Esau rơp la rhe, mơ bol khai rơp chu pơrguc gơ. Rơp ò gam cau lơi kis tòm hìu Esau dê.” Yàng Jehôwa neh đơs behơ̆.