Jeremi 49:10 - Sră Goh 2018

¹⁰ Mơya Añ tì klò jơh Esau, Lơh khai in ơm kuh, Khai ò geh pồn ndơp. Kòn sau, oh mi, cau gơp ƀòn khai gen kong tơnroh, Mơ să tòm khai ò gam tai.

Jeremi 49:10 Mawu Ofanana

Đơs Crih 37:28

Bơh Yàng Jehôwa kòñ gơboh bơta song ring; Kơnràñ rơp ò sang lòi cau sàng goh Kơnràñ dê. Cau song ring geh Yàng sền gàr sùm sùm, Ai kòn sau cau iơh bơsak dê rơp kòl tơnroh.

Esai 17:14

Tòm trồ mho, nisơna gơs bơta rngòt rngơt! Lài mơ tŭ rìng àng drim, bol khai neh ò gam tai! Hơ̆ la pơnah ală cau phà kơñau bol he, la pơnah lơh nền lòi ală cau tòmpìt sơmbrơt bol he.

Esai 45:3

Añ rơp ai mê in ală đam jàr phan màng tòm tiah jơngo, bơta pas gơs neh prap lòi tòm ală tiah ndơp ndơr, nàng mê in git Añ la Yàng Jehôwa, Yàng Tom Trồ Israel dê, la Bơtau neh hòi mơ sơnđan mê dê.

Jeremi 13:26

Añ kung rơp yò ồi mbơn ai tus di mat ai, gen bơta ƀàssìl ai dê rơp sền gŏ.

Jeremi 23:24

Yàng Jehôwa đơs: “Gơs cau lơi rgơi pồn să tòm ală tiah ndơp nàng Añ in ò rgơi gŏ bol khai ơ?” Yàng Jehôwa đơs: “Hơ̆ ò di ngan Añ bềng lìu ală tap trồ mơ ù tiah ơ?

Ñìm Rac 4:22

Ơ kòn ùr Siôn, bơta lơh glài ai neh tơl, Kơnràñ rơp ò phi ai kong kup cèng gơs dĭ tai! Ơ kòn ùr Edôm, Kơnràñ rơp lơh glài ai; Kơnràñ rơp ràng tơlik tồi glài ai dê!

Amôs 9:3

Bulah bol khai pồn să bol khai dê hơđang bồ mơnơm Karmel, tềng hơ̆ Añ rơp jòi bàn mơ kup bol khai, mơ bulah bol khai pồn bơh di đap mat añ tòm kơnàng dàlềng, tềng hơ̆ Añ rơp sồr bơs dờng tòm dàlềng mơ gơ rơp kap bol khai.

Apdia 1:6

Esau neh kong phà kơñau ò git nđò, ală phan màng pồn ndơp khai dê neh gơkòl jòi sơwì jơh!

Apdia 1:9

Ơ Theman, ală cau ling jak mê dê rơp gơdô nùs, mơ jơh ală cau tòm mơnơm Esau dê rơp kong tơnchơt.

Rôma 9:13

be neh cih lah: “Añ kòñ gơboh Jakôp mơya gơjrañ Esau.”