Jeremi 48:47 - Sră Goh 2018

⁴⁷ Mơya, tus di ală ngai lồi dut, Añ rơp cèng ală cau kong kup cèng gơs dĭ rê wơl.” Yàng Jehôwa đơs behơ̆. Jơnau cahrña bơh Môap tus tềng do lơm.

Jeremi 48:47 Mawu Ofanana

Sră Jop 19:25

Bơh añ git Bơtau dong tơwài añ la Bơtau kis, Tus di lồi dut Kơnràñ rơp ntào hơđang ù.

Esai 18:7

Tòm tŭ hơ̆ phan pà rơp geh cèng ơn Yàng Jehôwa Gơnap Gơnoar Dờng in bơh dô nơm làng bol să jơnhoa gơltau àng gơcrà, dô nơm làng bol pal rngòt bơh tòm tiah ngài mơ tiah rềp, dô nơm làng bol jak tòmpìt sơmbrơt pràn kơldang, dô nơm lơgar ù tiah tòmcah bơh ală hiòng dà, tus hơ mơnơm Siôn la tiah gơrê mơ sơnđan Yàng Jehôwa Gơnap Gơnoar Dờng dê.

Esai 23:18

Mơya ală phan kă bro mơ jền tơngai khai dê rơp geh ơn Yàng Jehôwa in, cồng nha gơ rơp ò geh prap lòi tòm đam. Mơya phan mơna khai geh rơp ai ală cau ơm di đap Yàng Jehôwa nàng bol khai geh tơngkah tơngkañ phan sa mơ phan soh.

Esai 25:11

Bulah bol khai dang tê bol khai dê digùl tiah hơ̆ kung be cau re dà dang tê nàng re; bơta pơnhừ să bol khai dê rơp kòl tơmù, bơta tòmlơh tòmdră bơh bơta pràn tê bol khai dê.

Esai 45:20

Bol mê la ală cau gam kis bơh di ală lơgar, pơjum bal tĕ mơ tus, ală cau tùng ală rùp ràk lơh mơ chi, mơ hòi dan mơ ală yàng ò rgơi dong klàs, bol khai la ală cau ò gơs bơta git wă.

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 12:15

Mơya, tơnơ̆ mơ tŭ Añ neh dus rau, Añ rơp nđàc sơngit wơl di bol khai; mơ Añ rơp cèng bol khai wơl hơ sre brê bol khai dê, mơ jơh kòp nă tòm bol khai.

Jeremi 23:20

Bơta gơjrañ Yàng Jehôwa rơp ò ruc wơl Jơl tus di tŭ Kơnràñ lơh sir mơ wil tơl bơta Kơnràñ neh lơh nền tòm nùs, Tòm ngai lồi dut, bol mê rơp git wă loh làng bơta hơ̆.

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 46:26

Añ rơp phi bol khai tòm tê ală cau jòi bơta kis bol khai, hơ̆ la tòm tê Nebukatnessar, bơtau Babilôn, mơ tòm tê ală cau kwang khai dê; tơnơ̆ mơ hơ̆ Ejiptơ rơp gam gơs làng bol ơm kung be yau òr, Yàng Jehôwa đơs behơ̆.

Jeremi 49:39

Mơya tòm ală ngai tơnơ̆, Añ rơp cèng ală cau kong kup lơh dĭ Elam dê rê wơl.” Yàng Jehôwa đơs behơ̆.

Jeremi 49:6

Mơya tơnơ̆ hơ̆, Añ rơp cèng ală kòn sau Ammôn kong kup cèng gơs dĭ rê wơl.” Yàng Jehôwa đơs behơ̆.

Ejekiel 38:8

Tơnơ̆ mơ oă ngai, mê rơp geh hòi mut tòm mpồl ling. Tòm ală nam rơp tus mê rơp tòmpìt ai dô nơm lơgar pa geh bơt bơtào wơl tơnơ̆ mơ bơta tòmlơh, làng bol gơ dê neh geh pơjum tơrgòm bơh digùl oă làng bol tus hơđang ală mơnơm Israel dê, la tiah neh jŏ rau sang lòi ngềt ngơt. Bol khai neh geh cèng lik bơh di ală làng bol, mơ tŭ do jơh tơl nă bol khai ơm lơngap lơngai.

Daniel 10:14

Tŭ do añ lòt tus nàng yal mê in git bơh ală bơta rơp gơlik gơs di làng bol mê dê tòm ală ngai tơnơ̆, bơh bơta gơtơnggŏ do gơwèt hơ tŭ tơngai òhềt tus.”

Daniel 11:41

Khai kung rơp tòmpìt ai lơgar hàng mơnĕ, mơ oă lơgar rơp kòl tơnroh, mơya Edôm, Môap, mơ ală cau at bồ làng bol Ammôn rơp lik klàs bơh di tê khai.

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Khà Làng Bol 24:14

Tŭ do añ rê wơl hơ làng bol añ jê mơya tus tĕ, lòi añ yal lài bơtau in bơh bơta làng bol do rơp lơh di làng bol bơtau dê tòm ală ngai rơp tus.”

Yal Wơl 31:29

Bơh añ git lah tơnơ̆ mơ tŭ añ neh chơt rau gen ngan la bol mê gơlik gơs iơh rmơh mơ pơrlac sang gùng dà mơ añ neh bơto sồr bol mê. Tòm ală ngai rơp tus, oă bơta rung rài rơp dùh hơđang bol mê tài bơh bol mê rơp lơh bơta iơh bơsak di đap mat Yàng Jehôwa mơ bơrcek Kơnràñ gơhào gơjrañ bơh ală broă tê bol mê neh lơh.”

Yal Wơl 4:30

Tòm tŭ bol mê gơs bơta bòl glar kalke mơ jơh ală bơta do gơlik gơs di bol mê, gen tòm ală ngai lồi dut bol mê rơp rê wơl hơ Jehôwa Yàng Tom Trồ bol mê dê mơ dòn bơr Kơnràñ.