Jeremi 48:42 - Sră Goh 2018

⁴² Môap rơp kong tơnroh, ò gam la dô làng bol tai, tài bơh gơ neh pơnhừ să tòmdră mơ Yàng Jehôwa.”

Jeremi 48:42 Mawu Ofanana

Jơnau Pơnđik 16:18

Bơta pơnhừ să lòt lài bơta rung rài jat tơnơ̆; Mơ bơta tơngguh is să lòt lài mơ bơta gơtup pừ.

Esai 16:14

Mơya tŭ do Yàng Jehôwa đơs lah: “Tòm pe nam, kung be ală nam cau lơh ơpah lơh broă, bơta gơklŏ Môap dê bal mơ mpồl làng bol oă khai dê rơp kòl sền òsơp, mơ khà mpồl cau gam kis la mìng dô êt lơm mơ òsô ò soàn.”

Esai 37:23

Mê neh lah sơrpah mơ đơs tràl sơrbil di ñcau taih? Mê neh dờng bơr tòmdră mơ pò mat jòng să mơ ñcau taih? Hơ̆ la tòmdră mơ Bơtau Sàng Goh Israel dê?

Esai 7:8

Bơh bồ Aram dê la Damas, mơ bồ Damas dê la Rejin. (Tòm prau jơt pram nam tai, Epraim rơp kong alah, ò geh kòp la dô nơm làng bol tai.)

Jeremi 30:11

Yàng Jehôwa đơs: ‘Bơh Añ ơm bal mơ mê nàng dong tă mê. Añ rơp tơnroh jơh ală lơgar Mơ Añ neh lơh mê in nrah nring tòm hơ̆, Mơya mê gen Añ ò tơnroh jơh. Añ rơp lơh glài tơmàl mê, Mơya ò tŭ lơi lòi mê klàs bơh bơta lơh glài.’

Jeremi 48:2

Bơta tiơng pơnro Môap dê ò gam tai, Tòm Hesbôn, cau jòi kai lơh iơh gơ mơ đơs lah: ‘Tus tĕ, tơnroh Môap, nàng gơ ò geh kòp la dô nơm lơgar tai!’ Ơ Metmen, mê kung rơp gơlik gơs kloat; Đào rơp ting jat mê.

Ejekiel 35:13

Mê neh ngui bơr nàng jòng să tòmdră mơ Añ, mơ neh đơs oă jơnau tòmdră mơ Añ, mơ Añ neh kơno gơ.’

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Mathiơ 7:2

Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆.

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

Yal Tơlik 13:6

Gơ neh pò bơr đơs ală jơnau tràl sơrbil tòmdră mơ Yàng Tom Trồ, tràl sơrbil di sơnđan Kơnràñ, di tiah ơm Kơnràñ dê, hơ̆ la ală cau ơm hơđang trồ.