Jeremi 48:37 - Sră Goh 2018

³⁷ Kòp nơm bồ neh koah jơh, kòp sơnò tềp gen koh jơh; kòp nơm tê gen kong tềl reh, kòp nơm but soh ƀào sơnò kiat.

Jeremi 48:37 Mawu Ofanana

Sơnròp Gơlik Gơs 37:29

Ruben rê wơl hơ tơrlung, Jôsep ò gam tềng hơ̆ tai, gen crè ào he.

Sơnròp Gơlik Gơs 37:34

Khai crè ào di să he mơ ai ồi dur pùt gùt dar but khai, mơ moat jrùng ñìm rac jŏ ngai bơh kòn klau khai dê.

I Ală Bơtau 18:28

Behơ̆, bol khai hòi driau dờng; mơ jat bơta òs mòng bol khai ai đào còr să he jơl tus mhàm hòr bơh di bol khai.

I Ală Bơtau 21:27

Tòm tŭ Ahap neh kơno jơnau hơ̆, khai crè ồi ào khai dê; mơ soh ƀào di să mơ ơt sa; yùp mơ ƀào bic tòm tiah mơ ơm pơndêt să.

II Ală Bơtau 6:30

Tòm tŭ bơtau kơno ală jơnau cau ùr hơ̆ đơs, gen khai crè ồi ào khai dê. Tŭ hơ̆, khai gam lòt yơng hơđang dơrñang ƀòn, làng bol rgơi sền gŏ bơtau neh soh ƀào sơnò kiat tòm să khai,

I Yal Yau 19:4

Behơ̆ Hanun kup ală cau Dabit dê, koah sơnò tềp bol khai dê, koh ồi ào di bơnô bol khai dê mơ lòi bol khai rê.

Esai 20:2

tòm tŭ hơ̆, Yàng Jehôwa kơnòm di Esai, kòn klau Amôs, mơ đơs lah: “Hồ tĕ ƀào sơnò kiat bơh di să mê, mơ gơltau jă bơh di jơng mê.” Esai lơh jat, lòt gùt dar să kuh mơ jơng gòi.

Esai 3:24

Rơp gơs ƀô iơh ala ƀô bơlhu; che cap ala ồi kơt but; bồ lòl ala sŏ tơrkồn; bài sơnò kiat ala ồi ào kas màng; tềl lơhò ala bơta hàng mơnĕ.

Esai 37:1

Tòm tŭ bơtau Ejekia kơno jơnau hơ̆ gen crè ào khai dê, soh ƀào sơnò kiat, mơ mut tòm hìu duh khoai Yàng Jehôwa dê.

Jeremi 16:6

“Cau dờng kung be cau dềt rơp chơt tòm lơgar do; ò geh tơp, ò gơs cau lơi ñìm bơh bol khai; cau ò còr is poac he hala siat sŏ bơh bol khai.

Jeremi 41:5

gen gơs phàm jơt nă koah sơnò tềp, soh ào sèt, reh să he, bơh Sicem, Silô, Samari tus, at ală phan ơn mơ kòi mbo mơ sơnơm kơlhô tòm tê bol khai nàng cèng tus hơ hìu Yàng Jehôwa.

Jeremi 47:5

Gaja rơp koah bồ tòm bơta ñìm rac; Askalôn ơm mŏ mŏ, Ơ ală làng bol gam wơl tòm ală thòng! Bol mê koh is poac he tus di tŭ lơi taih?

Jeremi 49:3

“Ơ Hesbôn, ñìm rac tĕ, bơh Ahi neh kong phà tơrlah! Ơ kòn ùr Rapbah, driau nggà tĕ! Soh tĕ ào ƀào sơnò kiat, ñìm rac tĕ, mơ sơyoă să tòm bol mê mơ gai sơyoă! Bơh Milkôm rơp kong kup cèng gơs dĭ bal mơ ală cau gơnoar ơn phan duh khoai mơ ală kwang at bồ gơ dê.

Ejekiel 27:31

Bol khai rơp koah bồ tài bơh mê, mơ kơt but mơ ƀào sơnò kiat. Bol khai rơp ñìm mơ pơt wòl rac ròc tài bơh mê mơ ñìm rac sràt bơtang tòm hwềng soàn.

Ejekiel 29:18

“Ơ kòn mơnus, Nebukatnessar, bơtau Babilôn, neh kup mpồl ling khai dê lơh broă bòl glar ngan tòmdră mơ Tirơ. Kòp nơm bồ neh roh jơh sŏ, kòp nơm pơnì neh kong siar roh. Bulah behơ̆ khai mơ mpồl ling khai dê òhềt dòp geh phan lơi bơh Tirơ nàng tơm jền tơngai bơta bòl glar lik lòt tòmdră gơ.

Ejekiel 7:18

Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Lebi 19:28

Bañ koah să jan bol mê dê bơh cau neh chơt hala cih rùp di să jan bol mê dê. Añ la Yàng Jehôwa.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Mice 1:16

Koah bồ tĕ mơ ñìm rac ròc, bơh ală kòn sau mơ bol mê kòñ gơboh; lơh tĕ bồ bol mê lòl kung be grơt, bol khai rơp lik lòt bơh bol mê, mơ kong kup cèng pơrdô hơ tiah ngài!

Jơnau Niam Jat Mak 5:5

Khai òs ơm sùm di tiah bơtô ƀồc mơ hơđang mơnơm, ngai mơ mang hòi driau mơ ai lŭ còr să tòm.

Yal Tơlik 11:3

Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”