Jeremi 48:3 - Sră Goh 2018

³ Gơs jơnau hòi driau bơh Hôrônaim lah: ‘Bơta tơrlah tơrlơm mơ bơta roh gơprah dờng ngan!’

Jeremi 48:3 Mawu Ofanana

Esai 15:2

Cau Dibôn lòt tus hơ bơmồng nàng duh khoai, guh hơđang ală tiah jơnhoa nàng ñìm. Cau Môap ñìm rac pơt wòl bơh Debô mơ Medeba. Kòp nơm bồ neh kơlờl, mơ kòp nơm sơnò tềp neh koah.

Esai 15:5

Nùs añ ñìm rac bơh Môap; cau ntoat dô pleh khai dê tus hơ Joar, mơ tus hơ Eglat Selisia. Bơh tòm gùng guh tus hơ Luhit, bol khai guh ndang ñìm ndang, tòm gùng hơ Hôrônaim, bol khai ñìm rac ròc bơh bơta tơnroh.

Esai 15:8

Bơh dô jơnau ñìm ngkè neh mpong gùt dar ù tiah Môap; jơnau ñìm rac bol khai kơno tus di Eglaim, jơnau pơt wòl bol khai dê kơno tus hơ Beer Elim.

Esai 22:4

Gen tàng añ đơs lah: “Pleh mat tĕ bơh añ, lòi añ ñìm rac ròc sràt bơtang. Bañ pơnđơl nàng pơndòm pơniang añ, tài bơh bơta tơnroh cau kòñ gơboh làng bol añ jê.”

Jeremi 20:16

Lòi cau hơ̆ in kung be ală ƀòn Mơ Yàng Jehôwa neh phà tơrlah ò nđàc sơngit! Lòi khai in kơno jơnau ñìm rac tòm àng drim, mơ tòm tŭ nggùl ngai kơno driau tòmlơh;

Jeremi 47:2

Yàng Jehôwa đơs be do: “Ne, ală ryà dà bơh đah đang gơtơngguh, rơp gơlik gơs hiòng dà tih, rơp ngŏ bam hơđang ù mơ ală phan hơđang ù, ngŏ bam ală ƀòn mơ làng bol ơm tòm hơ̆. Kòn mơnus rơp nggà driau, jơh ală làng bol tòm ù pơt wòl.

Jeremi 48:34

Jơnau ñìm rac bơh Hesbôn kơno tus Eleale jơl tus hơ Jahas, bơh Joar jơl tus Hôrônaim mơ tus Eglat Selisia. Bơh ală gùng dà hòr tơm Nimrim gen kung neh soat ro jơh.”

Jeremi 48:4

‘Môap neh kòl tơnroh rau!’ Ală kòn dềt gơ ñìm nggà!

Jeremi 48:5

Bol khai guh kơh Luhit, bol khai ñìm rac sràt bơtang ngan; bơh mù dòr Hôrônaim, bol khai kơno sap pơt wòl jê sồt moat jrùng.

Jeremi 51:54

“Iat tĕ! Jơnau ñìm rac tus bơh Babilôn Bơta tơnroh dờng bơh lơgar Kalde!