Jeremi 48:26 - Sră Goh 2018

²⁶ Lơh tĕ gơ in bơñul, bơh gơ neh yò tơngguh să he nàng tòmdră mơ Yàng Jehôwa. Môap rơp tram să tòm bơta gơtuh hă, kung lơh gơs kai cau in dơñŏ tơnhial.

Jeremi 48:26 Mawu Ofanana

Sră Jop 15:25

Tài bơh khai neh pò tê tòmdră mơ Yàng Tom Trồ, Mơ tòmpơrlòng mơ Bơtau Gơnap Gơnoar Làm Jơh.

Sră Jop 9:4

Bơta jak chài tòm nùs Kơnràñ dê, mơ gơnap gơnoar tòm bơta pràn Kơnràñ dê. Cau lơi tòmdră mơ Kơnràñ mơ gam geh pơnjat sùm sơl?

Đơs Crih 2:4

Bơtau nggui hơđang trồ rơp ñŏ, Yàng rơp dơñŏ tơnhial dê bol khai.

Đơs Crih 59:8

Mơya, ơ Yàng Jehôwa, Kơnràñ ñŏ di bol khai; Kơnràñ dơñŏ tơnhial di jơh ală lơgar.

Đơs Crih 60:3

Kơnràñ neh lơh làng bol Kơnràñ in kong bơta jê sồt bòl glar, Yàng ai bol hi ñô tơrnòm mơ lơh bol hi in bơñul.

Đơs Crih 75:8

Bơh tòm tê Yàng Jehôwa gơs mơngàn tơrnòm gơlik kơmbuh, Tơrnòm hơ̆ neh crài ring, Kơnràñ êt hòr lik bơh gơ, mơ jơh ală cau iơh bơsak tòm ù rơp ñô tơrnòm hơ̆ tus di but mơngàn.

Lik Ejiptơ 5:2

Mơya Pharaôn ho lah: “Jehôwa la ñcau mơ añ pal dòn bơr khai mơ lòi làng bol Israel lik lòt taih? Añ ò git Jehôwa mơ kung rơp ò lòi cau Israel lik lòt.”

Lik Ejiptơ 9:17

Mê gam bơtào is să tòm mê nàng tòmdră mơ Añ, ò lòi làng bol Añ in lik lòt.

Esai 10:15

Sùng rgơi yò is să gơ jòng rlau mơ cau at gơ sơl? Hala rơnđòt jòng să mơ cau at gơ sơl? Kung be dô nơm gai mơng yò tơngguh cau at gơ, hala dô nơm gai jra rơp yò tơngguh cau at gơ.

Esai 19:14

Yàng Jehôwa neh đùh hơđang bol khai dô nơm hwềng bơta tìs gùng dê, gơlơh cau Ejiptơ in tìs nrah tòm ală broă bol khai lơh, gơlơh kung be cau bơñul ñô lòt gơtòmsèng gùt dar mơ gơbruh hă.

Esai 28:8

Bol khai gơbruh hă ƀơ̆ ƀơl hơđang jơh ală cơnòng yò sào, ò gam tiah lơi goh tai.

Esai 29:9

Mơp dơl mơ ai lơh krơi tĕ, lơh tĕ he in jơngo mat mơ ò sền gŏ; Bơñul ñô tĕ, ò di bơh tơrnòm lòt gơtòmsèng tĕ mơya ò di bơh tơrnòm pa.

Esai 51:17

Ơ Jerusalem, Guh tĕ, guh mơ ntào tĕ! Bol mê neh hùc bơh di tê Yàng Jehôwa mơngàn bơta gơjrañ dờng Kơnràñ dê, bol mê neh hùc tus di soat mơngàn lơh cau in gơsèng.

Esai 63:6

Añ neh jă trơm ală làng bol tòm bơta gơjrañ Añ jê; neh tơnlề bol khai bơh bơta gơjrañ dờng Añ jê, mơ neh tuh tơlik mhàm bol khai dê hơđang ù.”

Jeremi 48:39

“Ne, gơ neh lề lac mbe lơi! Bol khai pơt wòl mbe lơi! Môap wơlke dô bă ƀàssìl ƀàsso mbe lơi! Môap rơp gơlik gơs bơta dơñŏ tơnhial Mơ bơta rngòt rngơt jơh ală cau ơm gùt dar in.”

Jeremi 48:42

Môap rơp kong tơnroh, ò gam la dô làng bol tai, tài bơh gơ neh pơnhừ să tòmdră mơ Yàng Jehôwa.”

Jeremi 50:29

Hòi tĕ jơh ală cau at àtak tòmlơh mơ Babilôn, kòp nă cau wàr sơna; bơtào sàl gùt dar gơ; bañ lòi dô nă cau lơi dô klàs! Tơm wơl tĕ khai in jat broă khai lơh, be ală bơta khai neh lơh, lơh tĕ khai in; bơh khai neh pơnhừ să mơ đơs tràl di Yàng Jehôwa, Bơtau Sàng Goh Israel dê.

Jeremi 51:39

Tòm tŭ bol khai duh trơàl, Añ rơp yò phan ñô bol khai in ñô, jơl tus hừh nùs, Mơ bol khai bic tơn jơl sùm sùm, mơ ò tŭ lơi kah rngal wơl;” Yàng Jehôwa đơs behơ̆.

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Jeremi 51:7

Babilôn la dô nơm mơngàn màh tòm tê Yàng Jehôwa, Lơh jơh ală lơgar tòm plai ù in bơñul; Ală lơgar neh ñô tơrnòm gơ, Tài bơh hơ̆ tàng ală lơgar gơlik lu sơnrang.

Ñìm Rac 1:21

Cau neh kơno sap añ rơnđơh, ò gơs cau pơndòm pơniang añ. Jơh ală cau sò tơm kơno añ gơtìp bơta bòl glar, bol khai chò hòp bơh Kơnràñ neh lơh behơ̆. Kơnràñ rơp cèng tus ngai Kơnràñ neh yal tơlik; mơ lòi tĕ bol khai kung rơp tòm toh be añ!

Ñìm Rac 3:15

Kơnràñ neh tơmbềng añ mơ bơta sràt bơtang, Kơnràñ ai añ in sa hòm sơnơm bơtang.

Ñìm Rac 4:21

Ơ kòn ùr Edôm, ơm tòm lơgar Us; hòn chò hừh hơh tĕ, Mơngàn kung rơp jun tus hơ ai, ai rơp bơñul mơ ơm kuh lòi rồ.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 5:23

Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Daniel 8:10

Gơ gơlik pràn jơl tus di gơtòmlơh mơ mpồl hơđang trồ, tơndùh tòm tiah dô pơnah tòm ală sơmañ hơđang trồ, mơ gơ jă hơđang.

Nahum 3:11

Ai kung rơp gơlik be cau bơñul ñô, ai rơp lòt tus di tiah pồn să, mơ jòi tiah kìng crŭ bơh di cau sò tơm.

Habakuk 2:16

Mê rơp geh bềng bơta ƀàssìl ala bơta gơklŏ. Tŭ do tus di mê! Ñô tĕ, mơ lòt gơsèng! Mơngàn tòm tê ma Yàng Jehôwa dê rơp tus gùt dar mê, mơ bơta ƀàssìl rơp jơm hơđang bơta gơklŏ mê dê!

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.