Jeremi 48:15 - Sră Goh 2018

¹⁵ Môap kong phà tơnroh, ală ƀòn kong tòmpìt ai; cau pơnu jak rlau jơh gơ dê kong tơnchơt,” Bơtau, sơnđan Kơnràñ la Yàng Jehôwa Gơnap Gơnoar, đơs behơ̆.

Jeremi 48:15 Mawu Ofanana

Đơs Crih 47:2

Bơh Yàng Jehôwa la Bơtau Hơđang Rlau Jơh, la Bơtau pal duh rngòt; Kơnràñ la Bơtau dờng at bồ hơđang làm jơh plai ù.

Jeremi 46:18

Bơtau, sơnđan Kơnràñ la Yàng Jehôwa Gơnap Gơnoar đơs lah: “Ngan kung be Añ kis sùm, Cau sò tơm rơp tus, kung be mơnơm Thabôr ơm digùl ală mơnơm, kung be Karmel mpòl di gah dàlềng.

Jeremi 48:4

‘Môap neh kòl tơnroh rau!’ Ală kòn dềt gơ ñìm nggà!

Jeremi 50:27

Tơnchơt tĕ ală kơnrồ dam gơ dê, Cèng bol gơ tus tòm tiah lơh poac! Bòl glar bol khai in, bơh ngai bol khai neh tus, Hơ̆ la ngai lơh glài bol khai!

Jeremi 50:34

Bơtau Dong tơwài bol khai la pràn kơldang, sơnđan Kơnràñ la Yàng Jehôwa Gơnap Gơnoar. Nền ngan, Kơnràñ rơp dong tò bol khai, nàng Kơnràñ ai jơh lơgar in geh rlô, mơya lơh bòl glar làng bol Babilôn.”

Jeremi 51:40

“Añ rơp cèng bol khai mù be belàt tus tiah lơh poac, be ală belàt dam, mơ ală be dam sơl.

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Amôs 4:10

“Añ neh sồr pluh plàng tus digùl bol mê kung be Añ neh lơh tòm Ejiptơ. Añ tơnchơt ală cau klau pơnu bol mê dê mơ đào; Añ neh kup cèng ală ơseh bol mê dê. Añ neh lơh ƀô ồm bơh tòm sàl bol mê dê gơmut tòm trồm muh bol mê dê, bulah behơ̆ bol mê kung ò rê wơl mơ Añ,” Yàng Jehôwa đơs behơ̆.

Sacari 14:9

Yàng Jehôwa rơp lơh gơs bơtau at bồ jơh plai ù. Tòm ngai hơ̆ rơp gơs mìng dô Bơtau la Yàng Jehôwa lơm, mơ sơnđan Kơnràñ la sơnđan mìng dô sơnđan lơm.

Malaci 1:14

“Pal srat sơntơm cau lơi in blac pơrlồm, la cau gơs tòm mpồl khai dê dô nơm phan poan jơng dam di pal mơ khai ho pơgon ơn gơ Yàng in, mơya khai ơn dô nơm phan poan jơng sồt rmàñ Yàng in!” Yàng Jehôwa Gơnap Gơnoar Dờng Làm Jơh đơs lah: “Bơh Añ la Bơtau Dờng, mơ sơnđan Añ la pal rngòt digùl ală làng bol.”

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.