Jeremi 48:12 - Sră Goh 2018

¹² Gen tàng Yàng Jehôwa đơs: “Do, ngan ngai rơp tus, Tŭ Añ rơp sồr ală cau tuh kơnềng tus hơ khai, nàng tuh kơnềng khai, Lơh gri gơ soh gòi, Mơ jan bơcah rpot rpet ală gri.

Jeremi 48:12 Mawu Ofanana

Đơs Crih 2:9

Kòn rơp ngui gai jra lòs mơ pòng bơcah bol khai, Kòn rơp lơh bơcah lề bol khai be gri cau chài mòn gơ.”

Esai 16:2

Tòm ală tiah thòl Arnôn dê ală kòn ùr Môap kòl bơtrơh tơlik be mpồl sềm par nrah nring bơh rsòn.

Esai 30:14

Gơ rơp bơcah rpot rpet be dô nơm gri mơ ù, gơ bơcah ò pơlai dô êt lơi, tian gơs nsàng gơ ò gơs dô pet lơi rgơi ngui ơn rnga ồs tòm bơnhă hala bơ̆ dà bơh tơrlung.”

Jeremi 14:3

Ală cau ryŭ ryơm khai dê sồr cau dĭ gơna lòt jòi dà; Bol khai lòt tus hơ tơrlung ơn dà. Bol khai jòi ò geh dà, Bol khai rê wơl mơ gri gòi; Bol khai ƀàssìl mơ rngòt rngơt, Mơ gòm bồ bol khai dê.

Jeremi 19:10

Gen mê pòng bơcah tĕ gri di đap ală cau lòt bal mơ mê,

Jeremi 25:34

Ơ ală cau ê, ñìm rac tĕ, pơt wòl tĕ! Ơ ală cau ê mpồl belàt, pơrlac tĕ să tòm bùh! Tài bơh ală ngai bol mê kong tơnchơt neh tus rau, mơ ngai mê kong nrah nring neh tus; Bol mê rơp gơpừ mơ bơcah kung be gri màng ryŭ.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 48:11

Môap ơm lơngai lơngò bơh tŭ gam kơnòm să, Kung be tơrnòm neh soat, Òhềt tuh bơh gri do tus hơ gri ne, Kung òhềt kong kup cèng pơrdô; Gen tànggơ gam bơkah, mơ ƀô gơ òhềt roh.”

Jeremi 48:13

Môap rơp kong ƀàssìl bơh ală rùp ràk Kemôs, Kung be hìu Israel neh kong ƀàssìl Bơh Betel bol khai gơn kơnòm.

Jeremi 48:15

Môap kong phà tơnroh, ală ƀòn kong tòmpìt ai; cau pơnu jak rlau jơh gơ dê kong tơnchơt,” Bơtau, sơnđan Kơnràñ la Yàng Jehôwa Gơnap Gơnoar, đơs behơ̆.

Jeremi 48:38

Hơđang ală rkàng hìu cau Môap mơ tòm ală hìu dờng gơ dê, mìng la ală bơta ñìm rac lơm, bơh Añ neh pòng bơcah Môap kung be gri ò gơs cau kòñ gơboh,” Yàng Jehôwa đơs behơ̆.

Jeremi 48:8

Cau tơnroh rơp mut tòm ală ƀòn, mơ ò gơs ƀòn lơi geh pleh klàs; Thòng rơp kong roh rui, Ƀlàng ring kong phà tơnroh, Be Yàng Jehôwa neh đơs.

Nahum 2:2

Yàng Jehôwa rơp bơtào wơl bơta ryŭ ryơm Jakôp in kung be bơta gơklŏ Israel dê, bulah ală cau tơnroh bol khai neh tơnroh bol khai mơ phà tơnroh ală ntê ño bol khai dê.