Jeremi 47:6 - Sră Goh 2018

⁶ Ơ đào Yàng Jehôwa dê, Gam nđò jŏ tai sồng mê rlô taih? Ơn să mê wơl tòm sơmprồm mê dê, Rlô tĕ, ơm mŏ mŏ tĕ.

Jeremi 47:6 Mawu Ofanana

II Samuel 2:26

Gen Apner hòi dờng mơ Jôap lah: “Mê lòi đào tơnroh ò lồi ơ? Mê ò đal git lah bơta do rơp lồi tòm bơta sràt bơtang ò ơ? Jơl tus di tŭ lơi sồng mê ai gơnoar sồr cau mê dê ơm, mơ ò ting jat oh mi he dê taih?”

I Yal Yau 21:27

Gen Yàng Jehôwa đơs mơ cau gơnrơh, mơ cau gơnrơh srồm đào khai dê tòm sơmprồm gơ dê.

Đơs Crih 17:13

Ơ Yàng Jehôwa, dan guh, ơm tòm toh mat mơ bol khai mơ tuh tơlup bol khai; Dan ngui đào Kơnràñ dê mơ dong tă bơta kis añ klàs bơh di cau iơh bơsak.

Esai 10:15

Sùng rgơi yò is să gơ jòng rlau mơ cau at gơ sơl? Hala rơnđòt jòng să mơ cau at gơ sơl? Kung be dô nơm gai mơng yò tơngguh cau at gơ, hala dô nơm gai jra rơp yò tơngguh cau at gơ.

Esai 10:5

Bòl glar Asiri in la gai bơta gơjrañ Añ jê, gai mơng tòm tê bol khai la bơta gơhào gơjrañ Añ jê!

Jeremi 12:12

Hơđang jơh ală dòr kơlờl tòm ƀlàng bràs; Cau phà kơñau neh tus; Bơh đào Yàng Jehôwa dê loan lơgar do Bơh bồ do tus hơ bồ ne, Ò gơs dô nă lơi geh lơngap lơngai.

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 15:3

Yàng Jehôwa đơs: “Añ rơp bơtào hơđang bol khai poan bơta rung rài: đào nàng tơnchơt, so nàng kap crè, sềm trồ mơ phan poan jơng hơđang ù nàng sa loan mơ tơnroh.

Jeremi 25:27

“Mê pal đơs mơ bol khai lah: Yàng Jehôwa Gơnap Gơnoar, Yàng Tom Trồ Israel dê, đơs be do: ‘Ñô tĕ, bơñul tĕ, tuh hă tĕ, gơpừ tĕ, bañ guh tai, tài bơh pềs tà mơ Añ rơp sồr tus digùl bol mê!’

Jeremi 4:21

Nđò jŏ tai añ pal sền di bồng bi, Mơ kơno ntas kơlwòk taih?

Jeremi 48:10

Pal srat sơntơm cau lơi lơh broă Yàng Jehôwa dô bă ma blac! Pal srat sơntơm cau lơi ò prap đào he bơh lơh gơtuh mhàm!

Jeremi 50:35

Yàng Jehôwa đơs: “Đào tòmdră mơ cau Kalde, mơ tòmdră mơ làng bol Babilôn, mơ tòmdră mơ ală kwang at bồ mơ ală cau jak chài gơ dê.

Ejekiel 14:17

Hala dilah Añ sồr đào tus hơđang lơgar, mơ đơs lah: ‘Lòi tĕ pềs đào lòt gan lơgar, mơ Añ tơnchơt ală kòn mơnus mơ ală phan poan jơng bol khai dê,’

Ejekiel 21:30

Srồm tĕ đào tòm sơmprồm gơ dê. Tòm tiah mơ bol mê neh geh crơng gơs, tòm lơgar ồng pàng bol mê dê, añ rơp cahrña bol mê.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Jang 18:11

Behơ̆ Yàng Jesu đơs mơ Pier lah: “Srồm tĕ đào mê tòm sơmprồm; mơngàn mơ Bèp neh ai Añ in, Añ ò di ñô ò ơ?”

Ală Kwang Cahrña 7:20

Gen pe mpồl ne uh kơlwòk mơ jan bơcah gri. Tê kiau bol khai at gri ồs, mơ tê ma bol khai at kơlwòk nàng uh; bol khai driau dờng lah: “Đào Yàng Jehôwa dê mơ đào Gideôn dê!”